Gujarati News

Gujarati News

News of Friday, 9th November 2018

મધ્યપ્રદેશ ચૂંટણી: ઉમેદવારે 1 રૂપિયાના સિક્કાથી રૂ. 10,000ની ડિપોઝિટ ભરી

ઈન્દોર: મધ્યપ્રદેશમાં ચૂંટણીને હવે ગણતરીના દિવસો બાકી રહ્યા છે, ત્યારે ફોર્મ ભરવાની કામગીરી જોરશોરથી ચાલી રહી છે. જોકે, ગુરૂવારે ઈન્દોર-3 બેઠક પર ફોર્મ ભરવા આવેલા એક ઉમેદવારે રિટર્નિંગ ઓફિસરની પરેશાની વધારી દીધી હતી, કારણકે દીપક પવાર નામના આ ઉમેદવાર ડિપોઝિટ ભરવા માટે 1 રૂપિયાના 10,000 સિક્કા લાવ્યા હતા.

રિટર્નિંગ ઓફિસર શાશ્વત શર્માને આ ચિલ્લરની ગણતરી કરવા માટે પાંચ લોકોને લગાડવા પડ્યા હતા. જોકે, દીપક પવાર ગુરૂવારે પોતાનું ફોર્મ નહોતા ભરી શક્યા, અને શુક્રવારે ફોર્મ ભરવાનો છેલ્લો દિવસ છે. ચિલ્લર લઈને ફોર્મ ભરવા આવેલા દીપક પવાર પોતાને સ્વર્ણિમ ભારત ઈન્કલાબ પાર્ટીના નેતા ગણાવે છે. તેમનું કહેવું છે કે, તેમણે ડિપોઝિટના પૈસા લોકો પાસેથી જ ઉઘરાવ્યા હતા, અને તેને લઈને જ ફોર્મ ભરવા આવ્યા હતા.

મધ્યપ્રદેશમાં 28 નવેમ્બરે વોટિંગ છે, અને રાજ્યમાં આ વખતે એક જ તબક્કામાં વિધાનસભા ચૂંટણી યોજાવા જઈ રહી છે.

(12:10 pm IST)
  • 23મી ડિસેમ્બરે બાંગ્લાદેશમાં સંસદીય ચૂંટણી ;પહેલીવાર થશે EVMનો ઉપયોગ : મુખ્ય ચૂંટણી આયોગ નૂર-ફૂલ-હૂદાએ ટીવી પર પ્રસારિત સંબોધનમાં કહ્યું કે સમગ્ર બાંગ્લાદેશમાં 11મી સામાન્ય ચૂંટણી 23મી ડિસેમ્બરે થશે :દેશમાં પહેલીવાર મર્યાદિત સ્તર પર ઇલેક્ટ્રોનિક વોટિંગ મશીનનો ઉપયોગ કરાશે access_time 12:56 am IST

  • ભરૂચ શહેર અને જિલ્લાના અગ્રગણ્ય નાગરિકોએ જિલ્લાવાસીઓને દિવાળી પર્વની શુભેચ્છા પાઠવી access_time 6:45 pm IST

  • મુંબઇના દહાણું નજીક માલગાડીમાં લાગી આગ:ગુજરાત-મુંબઇ વચ્ચેનો ટ્રેન વ્યવહાર ખોરવાયો:અમદાવાદથી રાત્રે ઉપડેલી તમામ ટ્રેનો મોડી:અનેક ટ્રેનો થઇ રદ્દ, કેટલીક ટ્રેનોના રૂટ ડાયવર્ટ કરાયા:મોડી રાત્રે લાગેલી આગ કાબૂમાં:દૂરંતો, લોકશક્તિ અને ગુજરાત મેલ મોડી પડી :સુરત નજીક અનેક ટ્રેનો રોકાઇ: વહેલી સવારે ટ્રેન વ્યવહાર પૂર્વવત :વેસ્ટર્ન રેલવેએ હેલ્પ ડેસ્ક શરૂ કર્યાં access_time 11:49 am IST