Gujarati News

ન્યુદિલ્હી : ઉત્તરપ્રદેશમાં 'કોરોના માતા' મંદિરના ધ્વંસ સામે એક મહિલા કોર્ટ પહોંચી હતી. હવે સુપ્રીમ કોર્ટે આ મહિલાને દંડ ફટકાર્યો છે. કોર્ટે પોતાની ટિપ્પણીમાં કહ્યું છે કે આ ન્યાયિક પ્રક્રિયાનો દુરુપયોગ છે. સુપ્રીમ કોર્ટે ઉત્તરપ્રદેશના પ્રતાપગઢ  જિલ્લામાં એક મહિલા દ્વારા તેના પતિના સહકાર સાથે બાંધવામાં આવેલા "કોરોના માતા મંદિર" ને તોડવાની વિરુદ્ધ દાખલ કરેલી પીઆઈએલને "પ્રક્રિયાનો દુરુપયોગ" ગણાવીને ફગાવી દીધી છે. જસ્ટિસ એસ.કે. કૌલ અને જસ્ટિસ એમ.એમ.સુંદરેશની ખંડપીઠે અરજી ફગાવી દેતા અરજદારને 5000 રૂપિયાનો દંડ પણ ફટકાર્યો છે. ખંડપીઠે એમ પણ કહ્યું કે, જે જમીન પર મંદિર બાંધવામાં આવ્યું હતું તે વિવાદમાં છે.

સર્વોચ્ચ અદાલતે કહ્યું કે જો અરજદારે દલીલ કરી છે કે તે તેની ખાનગી જમીન છે અને બાંધકામ સ્થાનિક નિયમો અનુસાર કરવામાં આવ્યું છે, તો તેણે યોગ્ય કાનૂની ઉપાયનો ઉપયોગ કર્યો નથી. બેન્ચે કહ્યું, "અત્યાર સુધી, અરજદારે અન્ય તમામ સંભવિત રોગો માટે મંદિરોનું નિર્માણ કર્યું નથી જે આ દેશના લોકોને સંક્રમિત કરી શકે છે." નોંધણી મુજબ જમીન પોતે વિવાદિત હતી. આ અંગે પોલીસમાં ફરિયાદ કરવામાં આવી હતી.
     
ખંડપીઠે કહ્યું, "અમારું માનવું છે કે આ સ્પષ્ટપણે ભારતના બંધારણની કલમ 32 હેઠળ આ અદાલતના અધિકારક્ષેત્રની પ્રક્રિયાનો દુરુપયોગ છે. રૂ .5,000 નો દંડ ફટકારીને રિટ અરજી ફગાવી દેવામાં આવી છે.તેવું એચ.ટી.એચ.દ્વારા જાણવા મળે છે.