Gujarati News

Gujarati News

News of Tuesday, 9th October 2018

મસુરીની સવોય હોટલમાં આવતા જ લોકો ભયથી થરથર ધ્રુજવા લાગે છે

ભૂત-પ્રેતમાં હકિકતમાં છે કે નહીં, એ તો સ્પષ્ટ ન કહી શકાય પણ આ વિષય સાથે જોડાયેલી કહાણીઓ આખી દુનિયામાંથી સાંભળવા મળશે. ભારતમાં પણ અનેક જગ્યા હોન્ટેડ હોવાનો દાવો કરવામાં આવ્યો છે. જેમાં કેટલીક લક્ઝરી હોટેલનો સામવેશ થાય છે. હોન્ટેડ હોવા છતાં પણ કેટલાક લોકો અહીં એડવેન્ચર ટ્રીપ કરી રહ્યા છે.

વિચિત્ર ઘટનાઓનો દાવો

એવું માનવામાં આવે છે કે, લોકોના અકારણ મૃત્યુને કારણે આ જગ્યાઓ હોન્ટેડ બનતી જાય છે. જ્યાં કેટલીય વિચિત્ર ઘટનાઓનો બની હોવાનો દાવો કરવામાં આવે છે. જે લોકો પર એડવેન્ચરનું ઝનુન સવાર હોય છે તેઓ આવી જગ્યાઓ પર એક વખત રિસ્ક લેવા માટે આવે છે.

હોટેલ સવોય, મસુરી

મસુરીની સવોય હોટેલ વર્ષ 1902માં તૈયાર થઇ હતી. સવોય મસુરીના આ વિસ્તારની સૌથી જૂની હોટેલ પૈકીની એક છે. 1910માં લેડી ગાર્નેટ નામની એક ગેસ્ટ હોટેલના એક રૂમમાંથી મૃત અવસ્થામાંથી મળી આવી હતી. એવું જાણવા મળ્યું હતું કે, તેની દવામાં ઝેર નાંખીને આ હત્યા કરવામાં આવી હતી. ત્યારથી એવું માનવામાં આવે છે કે, આ હોટેલના કોરિડોર અને હોલમાં તેનું ભૂત ફરી રહયું છે.

તબીબનો મૃતદેહ મળ્યો

થોડા વર્ષો બાદ મહિલાની સારવાર કરતા ડૉક્ટરનો મૃતદેહ એ જ હાલતમાં હોટેલમાંથી મળી હતી. અહીં રોકતા કેટલાય લોકોએ આ વાતની અનેક ચર્ચાઓ કરી છે. આ ઉપરાંત ઈન્ડિયન પેરાનોર્મલ સોસાયટીએ પણ એક મહિલાની લાશનો અવાજ રેકોર્ડ કરી હતી.

બ્રીજ ભવન હોટેલ, કોટા

રાજસ્થાનની બેસ્ટ હોટેલ પૈકીની એક હોટેલ બ્રીજ ભવન હોટેલ છે. કોટામાં આવેલી આ હોટેલ 178 વર્ષ જૂની છે, જ્યાં એક સમયે રાજસ્થાનનો રાજવી પરિવાર રહેતો હતો. 1980માં આ હોટેલનું નિર્માણ કરવામાં આવ્યું હતું. એવી માન્યતા છે કે, અહીં બ્રિટિશ ઓફિસર બર્ટનનું ભૂત અહીં ઘૂણે છે. તેઓ આ પેલેસમાં 13 વર્ષ સુધી રહ્યા હતા. 1857માં એક ભારતીય સૈનિકે તેની હત્યા કરી નાંખી, કોટાના રાણીએ પણ કહ્યું હતું કે, આ પેલેસમાં ઓફિસરનું ભૂત જોયેલું છે.

હોટેલ ફર્ન હિલ, ઊંટી

આ હોટેલ 1844માં બની હતી, શ્રેષ્ઠ આર્કિટેક સિવાય પણ વધુ એક કારણથી આ હોટેલની ચર્ચા કરવામાં આવે છે, બોલિવૂડ ફિલ્મ રાઝના શુટિંગ દરમિયાન આ હોન્ટેલ હોવાનું સામે આવ્યું. કોરિયોગ્રાફર સરોજખાન અને તેની ટીમ આ હોટેલમાં રોકાયા હતા. અડધી રાત્રે ટીમને ઉપરના ફ્લોર પર ફર્નિચર ખસેડ્યા હોવાની વાત સામે આવી. આ અવાજથી આખી ટીમ જાગી ગઇ. રિસેપ્શનમાં ફોન કરતા કોઇએ ઊઠાવ્યો નહી. જોકે, પછીથી રિસેપ્ટનીસ્ટે કહ્યું કે, હોટેલમાં ઉપર કોઇ ફ્લોર જ નથી, તો અવાજ ક્યાંથી આવ્યો?

તાજપેલેસ, મુંબઇ

જાણીને આંચકો લાગશે કે, મુંબઈની જાણીતી હોટેલ તાજ પણ હોન્ટેડ હોટેલમાં આવે છે. જેની સાથે કેટલીક ભયભીત કરનારી વાર્તાઓ જોડાયેલી છે. ફ્રેન્ચ આર્કિટેક્ચર ડબલ્યુ એ ચૈબર્સે આ હોટેલની ડિઝાઇન તૈયાર કરી હતી. જ્યારે તે ઈંગલેન્ડથી પરત આવ્યા ત્યારે ચોંકી ગયા કારણ કે જે ડીઝાઇન પ્રમાણે હોટેલ બની ન હતી. આ વાતથી આધાત પામીને તેણે હોટેલના પાંચમાં ફ્લોર પરથી કુદીને આત્મહત્યા કરી લીધી. હોટેલના સ્ટાફે જણાવ્યું હતું કે, ડબલ્યુનું ભૂત આ હોટેલમાં આંટા મારે છે.

(12:00 am IST)