Gujarati News

Gujarati News

News of Monday, 9th September 2019

કેરળમાં એક વર્ષની બાળકી લોખંડની રેલીંગમાં ફસાઇ ગઇ છતાં ચમત્કારીક રીતે બચી ગઇ

નવી દિલ્હી: ક્યારેક એવું જોવા મળે જે ચમત્કારથી જરાય ઓછું ન હોય. આવું જ કઈંક કેરળમાં જોવા મળ્યું. અહીં એક બાળકી ચમત્કારિક રીતે અકસ્માતમાંથી બચી ગઈ. બાળકી હેમખેમ તેના માતાપિતા સાથે છે. વાત જાણે એમ બની કે બાળકીના માતા પિતા એક મંદિરમાં દર્શન કર્યા બાદ ઘરે પાછા ફરી રહ્યાં હતાં. આ દરમિયાન બાળકી ગાડીની સીટ પર સૂઈ ગઈ હતી પરંતુ ત્યારબાદ જે થયું તે ચોંકાવનારું હતું.

કેરળના મુન્નારમાં આ ઘટના ઘટી. બાળકીના માતાપિતાને ખબર જ ન પડી કે તેમની બાળકી ગાડીમાં નથી અને પડી ગઈ છે. લગભગ 9.40 વાગે પોલીસને વન વોર્ડનનો કોલ આવે છે. વોર્ડન કહે છે કે તેમને એક બાળકી મળી છે. તેને ઈજા થઈ છે. આ ઘટના રવિવારની છે. સૂચના મળતા જ પોલીસ અલગ અલગ પોલીસ સ્ટેશનો અને ચોકીઓ પર સંદેશ મોકલે છે. રાતે 11 વાગે તેમને ઈડુક્કીમાં પોલીસ ચોકીમાંથી ફરિયાદ મળે છે કે પોલીસ સ્ટેશનથી 6 કિમી દૂર તેમને એક બાળકી રસ્તા પર ભાખોડિયા ભરતી જોવા મળી. આ સમગ્ર ઘટના સીસીટીવીમાં કેદ થઈ. ત્યારબાદ પોલીસે બાળકીના માતા પિતાનો સંપર્ક કર્યો. અને બાળકી માતા પિતા પાસે પહોંચી ગઈ.

ચાલુ વાહનમાંથી બાળકી પડી જાય અને આમ છતાં તે સાજી સમી રહે તો તે ભગવાનનો ચમત્કાર નહીં તો શું કહેવાય. હાઈવે પર બાળકી અન્ય વાહનની ચપેટમાં આવતા બચી ગઈ અને હેમખેમ માતા પિતા પાસે પહોંચી ગઈ.

(5:23 pm IST)
  • રાષ્ટ્રપતિ રામનાથ કોવિંદ ૯ દિવસની વિદેશયાત્રાએઃ રાષ્ટ્રપતિ શ્રી રામનાથ કોવિંદ આજથી ૯ દિવસની વિદેશ યાત્રાએ જઈ રહ્યા છે. તેઓ આઈસલેન્ડ, સ્વીઝરલેન્ડ અને સ્લોવેનીયા ૩ દેશોની મુલાકાત લેશે. આ દેશોના વડાઓ સાથે ભારત સાથેના સંબંધો સહિત દ્વિપક્ષીય મંત્રણાઓ કરશે access_time 1:04 pm IST

  • ટ્વીટર ઉપર પણ ભારતના વડાપ્રધાન શ્રી નરેન્દ્ર મોદીનો દબદબો : પ્રશંસકોની સંખ્યા 5 કરોડને પાર કરી ગઈ : અમિતાભ બચ્ચનના ફોલોવર્સની સંખ્યા 3 કરોડ 84 લાખ અને હોમ મિનિસ્ટર અમિત શાહના ટ્વીટર ઉપર 1 કરોડ 52 લાખ પ્રશંસકો access_time 1:03 pm IST

  • મધ્યપ્રદેશમાં ભારે વરસાદ : ખંડવામાં ઇન્દિરા સાગર ડેમના 12 દરવાજા,અને ઓમકારેશ્વર ડેમના 16 દરવાજા ખોલાયા : ભારે વરસાદને કારણે ભોપાલમાં તમામ શાળાઓ બંધ રહેશે access_time 8:43 am IST