Gujarati News

Gujarati News

News of Monday, 9th September 2019

વસુંધરા રાજેની મુશ્કેલીઓમાં વધારો : સાંસદ હનુમાન બેનીવાલે મોરચો ખોલ્યો

 તાજેતરમાં રાજસ્થાનના નાગોરના સાંસદ અને ભાજપના સહયોગી હનુમાન બેનીવાલે રાજસ્થાનના પ્રધાનમંડળના વેતન સુધારા અધિનિયમ ૨૦૧૭ ને ગેરકાયદે જાહેર કરાયાના પગલે હવે કહ્યું છે કે કોર્ટના આદેશ પછી કબ્જો જમાવીને બેઠેલા પૂર્વ મુખ્યમંત્રી વસુંધરા રાજે સહિત અન્ય પ્રધાનોના બંગલા ખાલી થવા જોઈએ, જો આવું નહીં થાય તો હાઇકોર્ટના હુકમ બાબતે લોકોમાં ખોટો મેસેજ જશે.

  તેમનું એવું પણ કહેવું છે કે વસુંધરા રાજે અને કોંગ્રેસના મુખ્યમંત્રી અશોક ગહેલોત મળેલા છે.

  બેનિવાલ કહે છે કે મુખ્યમંત્રી ગહેલોત હાઇકોર્ટના હુકમોનો જાણીજોઈને અમલ કરી રહ્યા નથી. માત્ર પૂર્વ મુખ્યમંત્રી વસુંધરા રાજે માટે હાઇકોર્ટના નિર્ણયને માનવાથી તેઓ ઈનકાર કરી રહ્યા છે.

 તેમનું માનવું છે કે આ બંગલાઓ તરત જ ખાલી કરાવવા જોઈએ, નહિ તો લોકો કહેશે કે હાઇકોર્ટ એક તરફ ગરીબો માટે તો બીજી તરફ આવા હુકમોપણ પસાર કરે છે જેનો અમલ થતો નથી.  આમ અમીરો માટે જુદા પ્રકારના હુકમો હોય છે તેવી છાપ સર્જાશે.

 ઉલ્લેખનીય છે કે વસુંધરા રાજેના  કારણે રાજસ્થાનમાં ભાજપ કર્ણાટકની જેમ રાજકીય દાવપેચ લગાવી શકતી નથી. ભાજપ નેતૃત્વ વસુંધરા રાજેને મુખ્યમંત્રી બનાવવા માગતી નથી અને વસુંધરા રાજે બીજા કોઈને પણ આ ગાદી સુધી પહોંચવા દેવા માગતા નથી. (૪૦.૭)

 

(1:05 pm IST)
  • સંઘે કર્યું અનામતનું સમર્થન : સમાજમાં આર્થિક અને સામાજીક અસમાનતા છે અને તે વચ્ચે અનામતની પણ જરૂરી છે રાજસ્થાનના પુષ્કરમાં સમન્વય બેઠક બાદ સંઘ દ્વારા આ વાત કહેવાઈ : સહ સરકાર્યવાહ દત્તાત્રેય હોસબોલેએ કહ્યું કે, RSS બંધારણ દ્વારા આપવામાં આવેલા અનામતનું સંપૂર્ણપણે સમર્થન કરે છે access_time 1:01 am IST

  • પાકિસ્તાનના વિકાસ કાર્યોમાં ચીન એક અબજ ડોલરનું રોકાણ કરશે તેમ જાહેર કર્યું છે. પાકિસ્તાન દ્વારા હાથ ધરાયેલા વિવિધ ડેવલપમેન્ટ પ્રોજેક્ટમાં એક અબજ ડોલર રોકાણ કરવાની જાહેરાત થવાની સાથે રાજકીય પંડિતોમાં ચર્ચા થઈ રહી છે કે આ રીતે ચીન નજીકના ભવિષ્યમાં જ પાકિસ્તાન પર આડકતરી રીતે પોતાનો કબજો મજબુત કરી રહ્યું છે. access_time 5:50 pm IST

  • રાત્રે ૯:૩૦ વાગ્‍યે અમદાવાદમાં છેલ્‍લા ૧ કલાકથી ધોધમાર વરસાદ પડી રહ્યો છે access_time 9:39 pm IST