Gujarati News

Gujarati News

News of Monday, 9th September 2019

''વિક્રમ'' ફરી પરાક્રમ બતાડશે! લેન્ડરમાં એવી ટેકનોલોજી છે જે પડયા બાદ ફરી બેઠું થાય

કોમ્યુનીકેશન સિસ્ટમ સ્થાપિત કરવા ઇસરોના પ્રયાસો

નવી દિલ્હી તા. ૯: ચંદ્રની સપાટી ઉપર વિક્રમ લેન્ડર પડયું તેનાથી હજુ ઇસરો નિરાશ નથી થયું. એ બાબત અલગ છે કે વિક્રમ લેન્ડર પોતાના નિશ્ચિત સ્થાનથી લગભગ પ૦૦ મીટર દુર ચંદ્રની જમીન ઉપર પડયું છે પણ જો તેની સાથે સંપર્ક સ્થાપિત થઇ જાય તો તે ફરી પોતાના પગ ઉપર ઉભો થઇ શકે છે. ઇસરોના ટોચના વર્તુળોએ કહ્યું છે કે, ચંદ્રયાન-ર ના વિક્રમ લેન્ડરમાં એ ટેકનોલોજી છે કે તે પડયા બાદ પણ ખુદ ઉભું થઇ શકે છે પણ જરૂરી એ છે કે તેની સાથે કોમ્યુનીકેશન સિસ્ટમથી સંપર્ક થઇ જાય અને તેને કમાન્ડ મળવા શરૂ થાય.

વિક્રમ લેન્ડરમાં એવી બોર્ડ કોમ્યુટર છે તે ખુદ કામ કરે છે વિક્રમ લેન્ડર તુટવાથી તે એ એન્ટેના દબાઇ ગયું છે જે થકી કોમ્યુનીકેશન સિસ્ટમને કમાન્ડ મોકલી શકાય. હવે ઇસરોના વૈજ્ઞાનિકો પ્રયાસ કરે છે કે કોઇ પણ પ્રકારે એ એન્ટેના થકી વિક્રમ લેન્ડરને ફરી પોતાના પગ પર ઉભો થાય તેનો કમાન્ડ આપી શકાય.

ઇસરોના સુત્રો કહે છે વિક્રમના થ્રસ્ટર્સ એન થવા પર તે ફરીને ઉભું થઇ શકે છે. હવે ઇસરો પાસે ૧ર દિવસ છે.

(11:27 am IST)
  • પેપ્સી અને કોકાકોલા જેવી કંપનીઓને રામવિલાસ પાસવાનનું અલ્ટીમેટમ : ત્રણ દિવસમાં બોટલબંધ પાણીનો વિકલ્પ શોધો પાસવાને ત્રણ દિવસમાં પેકેજીંગ સામગ્રી અંગે સૂચન આપવા નિર્દેશ કર્યો : પાસવાન સ્વાસ્થ્ય અને પરીવારના પર પ્લાસ્ટિકના પ્રભાવને કારણે પેકેજીંગમાં પ્લાસ્ટિકના ઉપયોગ પર પ્રતિબંધના પક્ષધર છે access_time 1:10 am IST

  • સંઘે કર્યું અનામતનું સમર્થન : સમાજમાં આર્થિક અને સામાજીક અસમાનતા છે અને તે વચ્ચે અનામતની પણ જરૂરી છે રાજસ્થાનના પુષ્કરમાં સમન્વય બેઠક બાદ સંઘ દ્વારા આ વાત કહેવાઈ : સહ સરકાર્યવાહ દત્તાત્રેય હોસબોલેએ કહ્યું કે, RSS બંધારણ દ્વારા આપવામાં આવેલા અનામતનું સંપૂર્ણપણે સમર્થન કરે છે access_time 1:01 am IST

  • ટ્વીટર ઉપર પણ ભારતના વડાપ્રધાન શ્રી નરેન્દ્ર મોદીનો દબદબો : પ્રશંસકોની સંખ્યા 5 કરોડને પાર કરી ગઈ : અમિતાભ બચ્ચનના ફોલોવર્સની સંખ્યા 3 કરોડ 84 લાખ અને હોમ મિનિસ્ટર અમિત શાહના ટ્વીટર ઉપર 1 કરોડ 52 લાખ પ્રશંસકો access_time 1:03 pm IST