Gujarati News

પટણા, તા.૯: બિહારમાં આખરે ભાજપ-જેડીયુ ગઠબંધન તૂટી ગયું છે. મળતી માહિતી મુજબ સીઍમ નીતિશ કુમારના ઘરે જેડીયુ વિધાનસભ્ય દળોની બેઠકમાં ભાજપથી અલગ થવાનો નિર્ણય લેવામાં આવ્યો છે. ધારાસભ્ય દળની બેઠકમાં નિર્ણય લેવામાં આવ્યો છે કે જેડીયુ હવે ભાજપ સાથે નહીં રહી શકે. જોકે, પાર્ટી દ્વારા ગઠબંધન ખતમ કરવાની ઔપચારિક જાહેરાત કરવાની બાકી છે. ઍવા અહેવાલ છે કે નીતીશ કુમાર સાંજે ચાર વાગ્યે તેજસ્વી યાદવ સાથે રાજ્યપાલને મળવાના છે. નીતિશ જૂની સરકારનું રાજીનામું રજૂ કરી શકે છે અને રાજ્યપાલને મળીને નવી સરકાર બનાવવાનો દાવો કરી શકે છે.

અહેવાલ છે કે નીતિશ કુમાર તેજસ્વી યાદવની પાર્ટી આરજેડી સાથે મળીને સરકાર બનાવવા જઈ રહ્ના છે. જ્યાં થ્ઝ઼શ્ છાવણીમાં હલચલ મચી ગઈ છે તો બીજી તરફ રાબડીના નિવાસસ્થાને ધારાસભ્ય દળોની બેઠક ચાલી રહી છે. આરજેડીઍ હજુ સુધી નીતિશ કુમારની પાર્ટી જેડીયુને સમર્થન આપવાની ઔપચારિક જાહેરાત કરી નથી. પરંતુ લાલુ યાદવની પુત્રીઓ ટ્વિટ કરીને પુષ્ટિ કરી રહી છે કે બિહારમાં ફરી ઍકવાર આરજેડી અને જેડીયુ ગઠબંધનની સરકાર બનવા જઈ રહી છે. લાલુ યાદવની પુત્રી રોહિણી બાદ હવે તેમની ચંદા યાદવે પણ ટ્વીટમાં તેજસ્વી ભવઃ બિહાર લખ્યું છે. આ પહેલા રોહિણી સિંહે ટ્વિટ કરીને લખ્યું હતું- રાજ્યાભિષેકની તૈયારી કરો, ફાનસ ધારકો આવી રહ્ના છે.

બિહારમાં સત્તાના નવા સમીકરણ મુજબ જેડીયુ, આરજેડી, કોંગ્રેસ અને ડાબેરી પક્ષો સાથે મળીને સરકાર બનાવશે. માહિતી અનુસાર, નીતિશ કુમાર ૧૬૦ ધારાસભ્યો (ય્થ્ઝ઼-૭૯, થ્ઝ઼શ્-૪૫, કોંગ્રેસ-૧૯, ડાબેરી-૧૬ અને અપક્ષ-૧)ના સમર્થનનો પત્ર લઈને રાજભવન જશે. આ પહેલા મહાગઠબંધનના તમામ પક્ષોના ધારાસભ્યોઍ બિહાર વિધાનસભામાં વિપક્ષના નેતા તેજસ્વી યાદવને તેમનો ટેકો પત્ર સોંપ્યો હતો. મહાગઠબંધનના ધારાસભ્યોનો આભાર વ્યક્ત કરતાં તેજસ્વી યાદવે કહ્નાં કે તમે મારા પર વિશ્વાસ મૂક્યો છે, આ માટે હું તમારો આભાર વ્યક્ત કરું છું.તેજસ્વી યાદવે કહ્નાં કે અમે દરેક મુદ્દા પર સાથે મળીને કામ કરીશું અને ૨૦૨૦માં અમે લોકોને આપેલા વચનને પૂર્ણ કરીશું. મળતી માહિતી મુજબ, તેજસ્વી યાદવ પોતાના ધારાસભ્યોના સમર્થનનો પત્ર નીતિશ કુમારને સોંપશે, ત્યારબાદ બિહારમાં નવી સરકારની રચનાની ઔપચારિક જાહેરાત થઈ શકે છે. બિહારમાં નવી સરકારની રચનાને લઈને પટનાથી લઈને દિલ્હી સુધી આંદોલન ખૂબ જ ઝડપી છે.