Gujarati News

Gujarati News

News of Sunday, 9th August 2020

જોધપુરમાં ૧૧ પાકિસ્તાની શરણાર્થીઓનાં મોત થયા

મોતનું કારણ હજુ પણ અકબંધ : ઝેરી ગેસના કારણે મોત નીપજ્યું હોવાનું અનુમાન હોવાનું બહાર આવ્યું, પોલીસ સ્ટેશનના અધિકારી ઘટનાસ્થળે

જોધપુર, તા.૯ : રાજસ્થાનના જોધપુરમાં ૧૧ પાકિસ્તાની શરણાર્થીઓના મોત નીપજ્યાં છે. હાલમાં મોતનું કારણ જાણી શકાયું નથી. ઝેરી ગેસના કારણે મોત થયું હોવાનું પ્રાથમિક અનુમાન લગાવવામાં આવી રહ્યું છે. દેચુ પોલીસ મથકના લોટા વિસ્તારની આ ઘટના છે. દેચુ પોલીસ મથકના અધિકારી હનુમાન રામ ઘટનાસ્થળે પહોંચી આવ્યા છે. પ્રાથમિક વિગતો મુજબ તમામ મૃતકો પાકિસ્તાનથી વિસ્થાપિત થયા હોવાનું કહેવાય છે.

       આ બધા લોકો અચલાવતા ગામે ખેતીકામ કરતા હતા. પોલીસે સમગ્ર મામલે વધુ તપાસ હાથ ધરી છે. એક સાથે ૧૧ મૃતદેહ મળી આવતા સમગ્ર વિસ્તારમાં ભારે ચકચાર મચી ગઈ છે. મૃત્યુ મામલે અનેક તર્ક-વિતર્ક સર્જાયા છે. પરંતુ સ્થાનિકો સમગ્ર ઘટના અંગે કઈપણ બોલવાનું ટાળી રહ્યા છે. પોલીસે આસપાસના વિસ્તારમાં રહેતા લોકોની પૂછપરછ હાથ ધરી છે. વિગતો મુજબ પાકિસ્તાનના શરણાર્થીઓએ રાજસ્થાનના સરહદી ગામોમાં મોટાપાયે આશરો લીધો છે. પાકિસ્તાની શરણાર્થીઓ લગભગ અનેક ગામોની સંપૂર્ણ વસ્તી છે.

(7:46 pm IST)
  • ગાંધીનગરઃ ખેડૂતોની આવક ડબલ કરવા મુદ્દે આવતીકાલે મુખ્યમંત્રી રૂપાણી કરી શકે છે જાહેરાત, કેન્દ્ર સરકારે 2022 સુધી ખેડૂતોની આવક ડબલ કરવા જાહેર કર્યું છે 1 લાખ કરોડનું પેકેજ access_time 10:56 pm IST

  • વડોદરાના સંગમ ચાર રસ્તા નજીક ફાઇનાન્સ કંપનીમાં ચોરી કરવા જતા તસ્કરનું ઇલકેટ્રીક શોકથી મોત : કટર વાયરને અડી જતા શોક લાગેલ : ઇલેકટ્રીક કટર સાથે ચોરી કરવું ઘુસેલા તસ્કરને મળ્યું મોત access_time 1:33 pm IST

  • જામનગરમાં કોરોના વિસ્ફોટ : વધુ 68 કેસ પોઝીટીવ નોંધાયા : 3 લોકોના મોત : શહેરમાં 55 કેસ અને ગ્રામ્યમાં 13 કેસ : જામનગરમાં બે અને ધ્રોલના એક સહીત ત્રણ લોકોના મોત access_time 10:52 pm IST