Gujarati News

અમૃતસર,તા. ૯: પતિ પત્નીને અંદરો અંદર મજાક કરવું એટલી બીધી મોંદ્યી પડી કે મજાકમાં પત્નીએ પોતાનો જીવ ગુમાવ્યો હતો. આવો મામલો પંજાબના મોગા જિલ્લામાં સામે આવ્યો છે. અહીં મજાક મજાકમાં પતિ અને પત્ની વચ્ચે તકરાર શરૂ થઈ હતી. અને કોણ કોને કેટલો પ્રેમ કરી શકે છે એ દેખાડવા કઈ હદ સુધી જઈ શકે છે.

બંનેએ કોલ્ડ ડ્રિકસમાં ઉંદર મારવાની દવા ભેળવીને પી લીધી હતી. જયાં બંનેની હાલત ગંભીર થતાં હોસ્પિટલમાં દાખલ કર્યા હતા. જયાં સારવાર દરમિયાન પત્નીનું મોત નીપજયું હતું. જયારે પતિની સ્થાનિક ખાનગી હોસ્પિટલમાં સારવાર ચાલી રહી છે.

ઉલ્લેખનીય છે કે બંનેના લગ્ન પાંચ વર્ષ પહેલા થયા હતા. બંનને એક વર્ષની પુત્રી પણ છે. મનપ્રીત કૌર અને તેનો પતિ હરજિંદર સિંહ કૌર એકબીજાને ખુબજ પ્રેમ કરતા હતા. જોકે, મનપ્રીત કૌર હવે આ દુનિયામાં નથી પરંતુ હરજિંદર સિંહ સ્થાનિક એક ખાનગી હોસ્પિટલમાં આઈસીયુ વોર્ડમાં જિંદગી અને મોત વચ્ચે જોલા ખાઈ રહ્યો છે.

મીડિયા રિપોર્ટ પ્રમાણે ડોકટરે અત્યારે હરજિંદરની હાલત ખતરાની બહાર ગણાવી છે. પરંતુ હજી તેને બે દિવસ સુધી આઈસીયુમાં રાખવામાં આવશે. બીજી તરફ તપાસ અધિકારી પોલીસના જણાવ્યા પ્રમાણે બંનેએ ઘરમાં મજાક મજાકમાં આ ઘટનાને અંજામ આપી હતી.

એ જાણવા પતિ અને પત્ની એકબીજાને કેટલો પ્રેમ કરે છે અને કઈ હદ સુધી જઈ શકે છે તેને સાબિત કરવા માટે કોલ્ડ ડ્રિંગ્સમાં ઝેરી ચીજ મિલાવીને પી લીધી હતી. જેના કારણે બંનેની હાલત ગંભીર થઈ હતી. અને પત્ની મનપ્રીત કૌરનું સારવાર દરમિયાન મોત નીપજયું હતું. જયારે હરજિંદર હજી સારવાર હેઠળ છે.

પોલીસ અધિકારીઓના જણાવ્યા પ્રમાણે બંને પરિવારોના નિવેદનના આધારે પોલીસે ૧૭૪ની કાર્યવાહી શરૂ કરીને મૃતકાની લાશને પીડિત પરિવારને સોંપી દીધી છે.