Gujarati News

Gujarati News

News of Monday, 9th July 2018

યુપીઃ માફીયા ડોન મુન્ના બજરંગીની બાગપત જેલમાં હત્યા

આજે કોર્ટમાં રજુ કરવામાં આવે તે પૂર્વે જ જેલમાં ગોળી ધરબી દેવામાં આવી

નવી દિલ્હી, તા. ૯ :. પૂર્વાંચલના કુખ્યાત ડોન પ્રેમપ્રકાશ ઉર્ફે મુન્ના બજરંગીની બાગપત જેલમાં હત્યા કરી દેવામાં આવી છે. તેને ગોળી મારી પતાવી દેવાયો હતો. આજે તેને કોર્ટમાં રજુ કરવાનો હતો તે પૂર્વે જ તેની હત્યા થઈ ગઈ હતી. આ ઘટના બાદ જેલ તંત્રથી લઈને લખનઉ સુધી ખળભળાટ મચી ગયો છે. મુન્ના બજરંગીની હત્યા પાછળ વેસ્ટ યુપી અને ઉત્તરાખંડમાં સક્રીય સુનીલ રાઠી ગેંગનો હાથ હોવાનું કહેવાય છે. અત્રે એ નોંધનીય છે કે, તેના પરિવારજનોએ પહેલા જ આશંકા વ્યકત કરી હતી કે બાગપત જેલમાં તેની હત્યા થઈ શકે તેમ છે.

પોલીસે આ સમગ્ર કેસની તપાસ શરૂ કરી છે. મુન્ના બજરંગીનું અસલી નામ પ્રેમપ્રકાશ સિંઘ છે. તેનો જન્મ ૧૯૬૭માં થયો હતો. તેણે પાંચમાં પછી ભણવાનું છોડી દીધુ છે. કિશોર અવસ્થામાં જ તે ગુન્હાની દુનિયામાં આવી ગયો હતો.

(4:23 pm IST)
  • ગીર સોમનાથ જિલ્લાના ઉના તાલુકાના ગીર ગઢડા અને ગ્રામ્ય વિસ્તારોમાં વરસાદનું આગમન : ઉના તાલુકાના ગીર ગઢડા પંથકમાં જોરદાર વરસાદ ઉના તાલુકાના ગીર ગઢડા અને આસપાસના ગ્રામ્ય વિસ્તારોમાં આજે સવારથી વાદળછાયુ વાતાવરણ છવાયેલું રહ્યા બાદ મેઘરાજાનું આગમન થયું હતું અને હળવા-ભારે ઝાપટા રૂપે વરસાદ વરસ્યો હતો: ગીર પંથકમાં લાંબી પ્રતીક્ષા બાદ મેઘાનું આગમન થતાં લોકોમાં ખુશાલી પ્રસરી હતી આ વરસાદ ગીરગઢડા ખાપટ સહિતના વિસ્તારોમાં હોવાનું જાણવા મળ્યુ છે access_time 5:14 pm IST

  • કચ્છ : હરામીનાળા ક્રિકમાંથી એક પાકિસ્તાની બોટ ઝડપાઇ: એક પાકિસ્તાની બોટ સાથે ત્રણ પાકિસ્તાની ઘુષણખોર ઝડપાયા access_time 10:25 pm IST

  • થાઇલૅન્ડમાં છેલ્લા બે સપ્તાહથી ગુફામાં ફસાયેલા 12 બાળકો અને તેમના ફૂટબૉલ કોચને સુરક્ષીત બહાર કાઢવાની કામગીરી શરૂ કરી દેવાઈ છે, સમાચાર સંસ્થાઓ AFP તથા રૉઇટર્સના અહેવાલ પ્રમાણે છ બાળકોને સલામત બહાર કાઢવામાં આવ્યા છે. ગુફાની અંદર ગયેલા ઑસ્ટ્રેલિયાના ડૉક્ટરે 'નબળા અને અશક્ત બાળકો'ને પહેલાં બહાર કાઢવાનો નિર્ણય લીધો હતો. access_time 12:14 am IST