Gujarati News

Gujarati News

News of Monday, 9th July 2018

ભારે વરસાદથી મુંબઈમાં પૂર જેવી સ્થિતિ

હવે પાક્કુ... સૌરાષ્ટ્રમાં તોફાની બેટીંગ કરશે મેઘરાજાઃ વલસાડ, નવસારી, ડાંગ, તાપી, દમણ, ભાવનગર, અમરેલી સહિત સૌરાષ્ટ્રમાં ભારે વરસાદની આગાહીઃ હવે ધરાને તૃપ્ત કરી દેવા મેઘરાજાએ શરૂ કરી તૈયારીઃ મુંબઈમાં પણ ૨૪ થી ૪૮ કલાક ભારે વરસાદનો ખતરોદહાણુમાં ૧૩ ઈંચ, ૭ ઈંચ વરસાદથી મુંબઈ-થાણે જળબંબાકારઃ ગઈકાલ રાતથી : વરસાદ પડે છે, આજે પણ ચાલુઃ ટ્રેનો મોડીઃ જનજીવન ખોરવાયુઃ શાળા-કોલેજોમાં રજા

નવી દિલ્હી, તા. ૯ :. દેશના અનેક રાજ્યોમાં છેલ્લા ૨૪ કલાકથી ભારે વરસાદ વરસી રહ્યો છે. મુંબઈમાં ગઈકાલ રાતથી શરૂ થયેલો વરસાદ આજે સવારે પણ ચાલુ છે. થાણેમાં ૬ ઈંચ વરસાદ નોંધાયો છે. ભારે વરસાદને કારણે શહેરનું જનજીવન ઠપ્પ થઈ ગયુ છે. મુંબઈમાં થાણે સહિતના વિસ્તારોમાં ૭ ઈંચ વરસાદ ખાબકયો છે. જ્યારે દહાણુમાં ૨૪ કલાકમાં ૧૩ ઈંચ વરસાદ ખાબકયો છે. ભારે વરસાદથી મુંબઈમાં પૂર જેવી સ્થિતિ જોવા મળી રહી છે. માર્ગો, ઓવરબ્રીજથી લઈને કોમ્પલેક્ષના સંકુલોમાં પાણી ભરાયા છે. શિક્ષણ મંત્રીએ આજે શાળા-કોલેજોમાં રજા જાહેર કરી છે. ૨૪ કલાકમાં કોલાબામાં ૧૭૧ મી.મી. તો દહાણુમાં ૩૦૮ મી.મી. વરસાદ નોંધાયો છે. સમગ્ર શહેર પાણી-પાણી થઈ ગયુ છે. આ સિવાય દક્ષિણ ગુજરાત, મધ્ય પ્રદેશ અને છત્તીસગઢમાં ભારે વરસાદનંુ એલર્ટ જાહેર કરાયુ છે. વિદર્ભ મરાઠવાડા, તેલંગણા અને ઉત્તર આંધ્રપ્રદેશમાં મધ્યમથી ભારે વરસાદ ચાલુ રહેશે, પરંતુ દિલ્હી અને પશ્ચિમ ઉત્તર પ્રદેશમાં હજુ ભીષણ ગરમી ચાલુ રહેશે.

મુંબઈમાં ગત રાત્રીથી જોરદાર વરસાદ પડી રહ્યો છે. આજે પણ આ લખાય છે ત્યારે વરસાદ ચાલુ છે. ભારે વરસાદને કારણે ઠેર ઠેર પાણી ભરાયા છે. લોકોને મુશ્કેલીનો સામનો કરવો પડી રહ્યો છે. ટ્રેનો મોડી દોડી રહી છે. લોકમાન્ય તિલક ટર્મીનસની પાસે રેલ્વે કોલોની તળાવમાં ફેરવાય ગઈ છે. થાણેમાં ૧૪૨ મી.મી. વરસાદ નોંધાયો છે. આજે સવારે ૧ કલાકમાં ૧ ઈંચ પડયો હતો. પંછાપકડી અને વંદના બસ સ્ટોપ પાણીમાં ગરકાવ થઈ ગયા છે. ભારે વરસાદને કારણે મુંબઈનું જનજીવન અસ્તવ્યસ્ત થઈ ગયુ છે. અનેક શાળા-કોલેજોમાં રજા જાહેર કરી દેવામાં આવી છે. મુંબઈમાં હજુ ભારે વરસાદની આગાહી કરી દેવામાં આવી છે. પરેલ, ધારાવી, માટુંગા, કિંગ સર્કલ, ડોંબીવલી, કલ્યાણમા પણ પાણી ભરાયા છે. બુધવાર સુધી ભારે વરસાદ ચાલુ રહેશે.

દરમિયાન વલસાડ, નવસારી, ડાંગ, તાપી, દમણમા ૧૨ થી ૧૩ તારીખ સુધીમાં ભારે વરસાદ પડવાની આગાહી છે. ભાવનગર અને અમરેલીમાં પણ ભારે વરસાદ પડવાની શકયતા છે. ગીર સોમનાથમાં વરસાદી માહોલ જોવા મળી રહ્યો છે. સૌરાષ્ટ્રમાં હવે મેઘરાજા ગમે ત્યારે તોફાની બેટીંગ શરૂ કરી તેવી શકયતા છે. દક્ષિણ ગુજરાતના ઉંમર ગામમાં હજુ જળબંબાકાર જેવી સ્થિતિ યથાવત રહી છે. વલસાડમાં પણ ભારે વરસાદથી પાણી ભરાયા છે. ઉંમર ગામમાં ૨૪ કલાકમાં ૧૪ ઈંચ પાણી પડતા પૂરની પરિસ્થિતિ ઉભી થઈ છે.

દરમિયાન મધ્ય પ્રદેશમાં પણ ભારે વરસાદ પડી રહ્યો છે. ભોપાલમાં ગઈકાલે સાંજે ભારે વરસાદ પડતા જનજીવન ખોરવાય ગયુ હતું. દિલ્હીમાં અને પશ્ચિમ યુપીમાં હજુ ભીષણ ગરમી પડી રહી છે. સ્કાયમેટની આગાહી છે કે, દક્ષિણ ગુજરાત, કોંકણ અને ગોવામાં મધ્યમથી ભારે વરસાદ પડશે. કર્ણાટક અને કેરળમાં પણ વરસાદની આગાહી છે. હવામાન ખાતાએ મુંબઈ અને તેના આસપાસના વિસ્તારોમાં ૨૪થી ૪૮ કલાકમાં ભારે વરસાદની આગાહી કરી છે.(૨-૨૨)

(3:57 pm IST)
  • ચીને ભારતથી આયાત થતી દવાઓ પર જકાત ડ્યુટી ઘટાડી :વિદેશ મંત્રાલયે કહ્યું કે ચીનની એક ફિલ્મમાં લ્યૂકીમિયા પીડિત દર્દી દેખાડવામાં આવ્યો હતો. તેમાં એવું પણ દર્શાવવામાં આવ્યું હતું કે જો ભારતમાંથી દવાઓ સરળતાથી આયાત થતી હોય તો તેનાથી દર્દીઓને રાહત મળી શકે છે access_time 1:26 am IST

  • ગીર સોમનાથ જિલ્લાના ઉના તાલુકાના ગીર ગઢડા અને ગ્રામ્ય વિસ્તારોમાં વરસાદનું આગમન : ઉના તાલુકાના ગીર ગઢડા પંથકમાં જોરદાર વરસાદ ઉના તાલુકાના ગીર ગઢડા અને આસપાસના ગ્રામ્ય વિસ્તારોમાં આજે સવારથી વાદળછાયુ વાતાવરણ છવાયેલું રહ્યા બાદ મેઘરાજાનું આગમન થયું હતું અને હળવા-ભારે ઝાપટા રૂપે વરસાદ વરસ્યો હતો: ગીર પંથકમાં લાંબી પ્રતીક્ષા બાદ મેઘાનું આગમન થતાં લોકોમાં ખુશાલી પ્રસરી હતી આ વરસાદ ગીરગઢડા ખાપટ સહિતના વિસ્તારોમાં હોવાનું જાણવા મળ્યુ છે access_time 5:14 pm IST

  • પેટ્રોલ ડીઝલના ભાવમાં એકધારો વધારો : સતત છઠ્ઠા દિવસે ભાવ વધ્યા : મંગળવારે પેટ્રોલ અને ડીઝલમાં લિટરે 17 પૈસાનો વધારો : નવા ભાવ સવારે છ વાગ્યાથી લાગુ access_time 11:06 pm IST