Gujarati News

Gujarati News

News of Saturday, 9th June 2018

ઉતર પ્રદેશના બારાબંકી જિલ્લાના ટોપરને મુખ્ય મંત્રીએ આપેલ ચેક બાઉન્સ થયો વિદ્યાર્થીને ભરવો પડ્યો દંડ

ઉતરપ્રદેશના બારાબંકી જિલ્લાના એક ટોપરને મુખ્ય મંત્રીએ આપેલ ચેક બાઉન્સ થતા વિદ્યાર્થીને દંડ ભરવો પડ્યો હતો ટોપર વિદ્યાર્થીને સીએમે એક લાખ રૂપિયાનો ચેક આપ્યો હતો. વિદ્યાર્થીએ પૈસા ઉપાડવા માટે ચેકને બેંકમાં જમા કરાવ્યો ત્યારે ચેક બાઉન્સ થઈ ગયો હતો. તે પછી વિદ્યાર્થીના એકાઉન્ટમાંથી દંડના રૂપમાં પૈસા પણ કપાઈ ગયા હતા. શિક્ષણ વિભાગને આની જાણકારી મળતા જ હડકંપ મચી ગયો છે. જિલ્લા વિદ્યાલય નિરીક્ષકે વિદ્યાર્થીને ફરીથી ચેક આપવાની જાહેરાત કરી છે. બારાબંકીના યંગ સ્ટ્રીમ ઈન્ટર કોલેજના વિદ્યાર્થી આલોક મિશ્રાએ હાઈસ્કૂલની પરીક્ષમાં તે પ્રદેશમાં સાતમા નંબરે રહ્યો હતો.

29 મેના દિવસે સીએમે આલોકને લખનઉમાં સન્માનિત કર્યો અને પુરસ્કાર સ્વરૂપે તેને એક લાખ રૂપિયાનો ચેક આપવામાં આવ્યો હતો. દૈનિક ભાસ્કરની રિપોર્ટ અનુસાર સીએમ દ્વારા આલોકને આપવામાં આવેલ ચેક બારાબંકીના જિલ્લા વિદ્યાલય નિરીક્ષક રાજકુમાર યાદવના હસ્તાક્ષરથી એસબીઆઈ વિભાગીય ખાતા તરફથી આપવામાં આવ્યો હતો. આ ચેકનો નંબર 974926 હતો. આલોકે લખનઉના હઝરતની દેના બેંકમાં 05 જૂને આ ચેક નાંખ્યો હતો. સાત જૂન સુધી રકમ તેના ખાતામાં આવી નહતી, ત્યાર બાદ તેને અધિકારીઓનો સંપર્ક કર્યો તો તેને કહેવામાં આવ્યું કે, ચેક બાઉન્સ થઈ ગયો છે. બેંક અધિકારીઓએ સિગ્નેચર ન મળવાને ચેક બાઉન્સ થવાનું કારણ જણાવ્યું હતું.

જિલ્લા વિદ્યાલય નિરીક્ષક અનુસાર ઈનામ મેળનાર બીજા વિદ્યાર્થીઓએ આવી રીતની ફરિયાદ કરી નથી. ચેક બાઉન્સ થવાના સમાચાર જેવા જ શાળા પ્રશાસનને આપવામાં આવી કે, ત્યાં ભૂકંપ આવી ગયો હતો. જોકે, શાળા પ્રશાસન તાબડતોડ બીજો ચેક લઈને વિદ્યાર્થીના ત્યાં પહોંચ્યા હતા અને વિદ્યાર્થીને ચેક આપતા કહ્યું કે, જિલ્લા વિદ્યાલય નિરીક્ષક તરફથી મોકલવામાં આવ્યું છે. ચેક મળ્યા બાદ વિદ્યાર્થીના પરિવારજનો સંતુષ્ટ છે. તેમને કહ્યું કે, વિભાગીય અધિકારીઓએ પહેલા સરકારી દસ્તાવેજોની તપાસ કરવી જોઈએ જેથી લોકોને પાછળથી મુશ્કેલી ના પડે.

(2:43 am IST)
  • તાજેતરમાં દક્ષિણ આફ્રિકામાં પીટર મેરિત્સબર્ગ રેલવે સ્ટેશ પર મુકવામાં આવેલા રાષ્ટ્રપિતા ગાંધીજીના બે ચહેરાવાળા પુતળાને લઈને ભારે વિવાદ થયો છે. આ પુતળું "મોહન થી મહાત્મા" ની સફરને ઉજાગર કરે છે. દક્ષિણ આફ્રિકામાં ભારતીય હાઇકમિશનરે પુતળાનેને અજાયબી ગણાવી છે, તો બીજી બાજુ ગાંધીજીના પ્રપૌત્ર તુષાર ગાંધીએ ટ્વિટ દ્વારા રોષ ઠાલવ્યો હતો કે "બે ચહેરાઓ, નોનસેન્સ! તોડી નાખવું જોઇએ." access_time 10:47 am IST

  • ચીનની વુહાન સમિટની જેમ જ આવતા વર્ષે ચીનનાં રાષ્ટ્રપતિ શી ચિનફિંગ અનૌપચારિક શિખર સમ્મેલન માટે ભારત આવશે. ચીનનાં રાષ્ટ્રપતિએ આ બાબતે વડાપ્રધાન મોદીનાં આમંત્રણનો સ્વિકાર કરી લીધો હતો. વિદેશ સચિવ વિજય ગોખલેએ શનિવારે એક પત્રકાર પરિષદ દરમિયાન આ માહિતી આપી. access_time 2:38 am IST

  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST