News of Saturday, 9th June 2018

અફઘાનમાં ભીષણ તાલિબાની હુમલામાં ૧૯ના નિપજેલ મોત

યુદ્ધ વિરામની જાહેરાતના કલાકો બાદ હુમલોઃ તાલિબાની ત્રાસવાદી દ્વારા હુમલાની જવાબદારી લેવાઈ

કાબુલ, તા.૯: અફઘાનિસ્તાનમાં યુદ્ધ વિરામની જાહેરાત કરવામાં આવ્યાના કલાકો બાદ જ તાલિબાની આતંકવાદીઓએ સરકાર સમર્થિત સુરક્ષા દળો ઉપર ભીષણ હુમલો કરી દીધો હતો. આ હુમલામાં ૨૦ સુરક્ષા જવાનો માર્યા ગયા છે. તાલિબાની બળવાખોરોએ અલસુબહ કલાએજલ જિલ્લામાં સુરક્ષા ચોકીઓ ઉપર હુમલો કરી દીધો હતો. આ હુમલામાં ૨૦ સુરક્ષા જવાનોના મોત થઈ ગયા હતા. અન્ય છ લોકો ઘાયલ પણ થયા હતા. આ પહેલા આજે તાબિલાને અફઘાનિસ્તાનમાં ઈદ ઉલ ફિતરના ત્રણ દિવસના ગાળા દરમ્યાન યુદ્ધ વિરામની જાહેરાત કરી હતી. તાલિબાન તરફથી જારી કરવામાં આવેલા નિવેદનમાં જણાવવામાં આવ્યું છે કે તમામ મુજાહિદ્દીનોને ઈદથી પહેલા, બીજા અને ત્રીજા દિવસે સમગ્ર દેશમાં સુરક્ષા દળોની સામે પોતાના તમામ આક્રમક અભિયાનોને રોકવા માટે કહેવામાં આવ્યું છે. ઈદ ઉલ ફિતરની ઉજવણી ૧૪મી જૂનના દિવસે કરવામાં આવનાર છે. તાલિબાનો દ્વારા યુદ્ધ વિરામની જાહેરાત કરવામાં આવ્યા બાદ કલાકો પછી જ આ હુમલો કરવામાં આવ્યો હતો. તાલિબાને હુમલાની જવાબદારી સ્વીકારી લીધી છે. બીજી બાજુ કુન્દુઝ પ્રાંતના ગવર્નર પ્રવક્તા તેમુરીનું કહેવું છે કે લોકલ પોલીસના ઘાયલ થયેલા સભ્યોને સારવાર માટે હોસ્પિટલમાં ખસેડવામાં આવ્યા છે. અફઘાનિસ્તાનમાં રક્તપાતનો દોર છેલ્લા ઘણા સમયથી જારી રહ્યો છે. જેના પરિણામ સ્વરૂપે વિકાસની કામગીરી અટવાઈ પડી છે. આ કામગીરીની ગંભીર નોંધ લેવામાં આવી છે. અફઘાનિસ્તાનની અંદર ભારતના પણ અનેક પ્રોજેક્ટો ચાલી રહ્યા છે. જેના ભાગરૂપે ભારત સરકાર પણ અફઘાનિસ્તાનમાં ચાલી રહેલા રક્તપાતના દોર વચ્ચે ચિંતાતૂર છે. અફઘાનિસ્તાનમાં અમેરિકાના જવાનો પણ હજુ સુધી સક્રિય રહેલા છે. તાલિબાન તરફથી શાંતિના પ્રયાસ વચ્ચે કરાયેલા હુમલાથી તંગ સ્થિતિ છે.

(6:51 pm IST)
  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST

  • ચીનની વુહાન સમિટની જેમ જ આવતા વર્ષે ચીનનાં રાષ્ટ્રપતિ શી ચિનફિંગ અનૌપચારિક શિખર સમ્મેલન માટે ભારત આવશે. ચીનનાં રાષ્ટ્રપતિએ આ બાબતે વડાપ્રધાન મોદીનાં આમંત્રણનો સ્વિકાર કરી લીધો હતો. વિદેશ સચિવ વિજય ગોખલેએ શનિવારે એક પત્રકાર પરિષદ દરમિયાન આ માહિતી આપી. access_time 2:38 am IST

  • અમદાવાદમાં કાલથી હળવા વરસાદની આગાહી: અમદાવાદવાસીઓ પણ અસહય બફારા ઉકળાટથી ત્રસ્ત છેઃ ત્યારે તેઓ માટે થોડા રાહતના સમાચાર છેઃ આવતીકાલથી અમદાવાદમાં હળવા વરસાદની હવામાન ખાતાએ આગાહી કરી છે access_time 11:27 am IST