Gujarati News

Gujarati News

News of Saturday, 9th June 2018

પટણામાં ગેસ સિલેન્ડરના ગોડાઉનમાં આગ લાગતા એક પછી એક સિરિયલ બ્લાસ્ટ: NDRFની ટીમ દોડી

પટણાના ગેસ સિલેન્ડરોના ગોડાઉનમાં આગ લાગતા એક પછી એક સિરિયલ બ્લાસ્ટ થતા અફરાતફરી મચી જવા પામી છે ઘટના સ્થળે નેશનલ ડિજાસ્ટર રિસ્પોન્સ ફોર્સની ટીમ પણ પહોંચી ગઇ છે. પટણાના માલ સલામી થાણા ક્ષેત્રના ચેકપોસ્ટ પાસે  સવારે બનેલ ઘટનાની જાણકારી મળતા ફાયર બ્રિગેડની ઘણી ગાડીઓ ઘટનાસ્થળે પહોંચી ગઇ હતી. મોટી સંખ્યામાં ફાયર બ્રિગેડના જવાનો આગ પર કાબૂ મેળવવાનો પ્રયત્ન કરી રહ્યાં છે.

  આ ઘટનામાં હજી આગ લાગવાનું કારણ હજુ સુધી જાણી શકાયું નથી જાનહાનિના કોઈ અહેવાલ નથી ઘટના સ્થળે નેશનલ ડિજાસ્ટર રિસ્પોન્સ ફોર્સની ટીમ પણ પહોંચી ગઇ છે.

દીદાર ગંજ વિસ્તારમાં આગ લાગવાને કારણે સ્થાનિક લોકોની ભીડ પણ ત્યાં ઉમટી પડી છે. આ દૂર્ઘટના નજરે જોનાર પ્રમાણે ગોડાઉનમાં એક પછી એક સિલેન્ડરોમાં આગ લાગવાથી બ્લાસ્ટ થઇ રહ્યાં હતાં. જેનો અવાજ પણ ડર લાગે તેવો હતો. આગ તો એવી લાગી હતી કે તેની જ્વાળા ઉંચે સુધી જઇ રહી હતી.

 

 

(2:14 pm IST)
  • ઉત્તરપ્રદેશનાં 11 જિલ્લામાં તોફાનનાં કારણે 26 લોકોનાં મોત નિપજ્યા છે. જ્યારે 4 જાનવરોનાં પણ મોત નિપજ્યા છે. મુખ્યમંત્રી યોગીઆદિત્યનાથે સંબંધિત જિલ્લા મેજીસ્ટ્રેટોને પ્રભાવિત લોકોને રાહત આપવા માટેનાં નિર્દેશ આપ્યા છે. શનિવારે મુંબઇનાં કેટલાક હિસ્સાઓમાં ભારે વરસાદ થયો હતો જેનાં કારણે માયાનગરીની ગતિ અટકી ગઇ હતી. શહેરનાં કેટલાક હિસ્સાઓમાં પાણી ભરાઇ ગયું હતું. મુંબઇ નજીકના ઠાણેમાં વરસાદ સંબંધિત ઘટનાઓમાં 2 લોકોનાં મોત નિપજ્યા હોવાની માહિતી હતી. access_time 2:39 am IST

  • તાજેતરમાં દક્ષિણ આફ્રિકામાં પીટર મેરિત્સબર્ગ રેલવે સ્ટેશ પર મુકવામાં આવેલા રાષ્ટ્રપિતા ગાંધીજીના બે ચહેરાવાળા પુતળાને લઈને ભારે વિવાદ થયો છે. આ પુતળું "મોહન થી મહાત્મા" ની સફરને ઉજાગર કરે છે. દક્ષિણ આફ્રિકામાં ભારતીય હાઇકમિશનરે પુતળાનેને અજાયબી ગણાવી છે, તો બીજી બાજુ ગાંધીજીના પ્રપૌત્ર તુષાર ગાંધીએ ટ્વિટ દ્વારા રોષ ઠાલવ્યો હતો કે "બે ચહેરાઓ, નોનસેન્સ! તોડી નાખવું જોઇએ." access_time 10:47 am IST

  • લાલુપુત્ર તેજ પ્રતાપ યાદવનો રાજકારણથી મોહભંગ : બધુ છોડી દ્વારકા જવાની વ્યકત કરી ઇચ્છાઃ પોતે રાધા-કૃષ્ણના પરમ ભકત હોવાનો કર્યો દાવોઃ ટવીટ કરી કહયું કે અર્જુનને હસ્તીનાપુરની ગાદી પર બેસાડી અને ખુદ હું દ્વારકા ચાલ્યો જાઉ. access_time 3:57 pm IST