Gujarati News

Gujarati News

News of Saturday, 9th June 2018

હાયર એજ્યુકેશન માટે હાલ હિરાની રચના નહીં જ કરાય

સૌથી મોટા શિક્ષણ સુધારાને હાથ નહીં ધરાય : આગામી વર્ષમાં યોજાનાર ચૂંટણીને ધ્યાનમાં લઇને નિર્ણય

નવી દિલ્હી,તા. ૯ : દેશના સૌથી મોટા શિક્ષણ સુધારાને હાલમાં કેન્દ્ર સરકારે હાથ નહીં ધરવાનો નિર્ણય કર્યો છે. મોદી સરકારે યુનિવર્સિટી ગ્રાન્ટસ કમિશન અને ઓલ ઇન્ડિયા કાઉન્સિલ ફોર ટેકનિકલ એજ્યુકેશનને ખતમ કરીને તેની જગ્યાએ એક રેગ્યુલેટર બનાવવા જેવા શિક્ષણ સુધારાને હાથ નહી ધરવાનો નિર્ણય કર્યો છે. આગામી વર્ષે યોજાનાર લોકસભાની ચૂંટણીને ધ્યાનમાં લઇને આ નિર્ણય કરવામાં આવ્યો હોવાના હેવાલ મળ્યા છે. હાલમાં યુજીસી, એઆઇસીટીઇ અને નેશનલ કાઉન્સિયલ  ઓફ ટેકનિકલ એજ્યુકેશન સાથે સંબંધિત સુધારાને જ આગળ વધારી દેવામાં આવનાર છે. અત્રે નોંધનીય છે કે સિંગલ એજ્યુકેશન રેગ્યુલેટરને હજુ સુધીના દેશના સૌથી મોટા શિક્ષણ સુધારા તરીકે ગણવામાં આવે છે. આને નીતિ આયોગ અને પીએમઓના સમર્થન પણ મળી ગયા હતા. આ સિંગલ એજ્યુકેશન રેગ્યુલેટરનુ નામ હાયર એજ્યુકેશન ઇવેલ્યુશન એન્ડ રેગ્યુલેશન ઓથોરીટી રાખવામાં આવ્યુ હતુ. એપ્રિલ ૨૦૧૮માં મંત્રાલય દ્વારા ૪૦ સુત્રી કાર્યયોજનાની જાહેરાત કરવામાં આવી હતી. સપ્ટેમ્બર ૨૦૧૮ સુધી સંસદમાં હિરા બિલને રજૂ કરવાની પણ તૈયારી કરાઇ હતી. બિલ માટે ડ્રાફ્ટ તૈયાર કરાયા બાદ ચર્ચા હતી.

(12:43 pm IST)
  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST

  • સીરિયાના બળવાખોર કબ્જાગ્રસ્ત ઇદ્લીબ પ્રાંતના એક ગામ પર રશિયાએ ફરી કર્યા ઘાતક હવાઈ હુમલાઓ : ૬ બાળકો સહિત લગભગ ૪૪ લોકોના મોત થયાનું બહાર આવ્યું : જોકે રશિયાએ આ વાતનો રદિયો આપતાં કહ્યું છે કે તેમણે આ હુમલાઓ નથી કર્યા access_time 12:37 pm IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST