Gujarati News

Gujarati News

News of Saturday, 9th June 2018

યુપીનું નનિહલ 'ચિલબિલા' ગામને દત્તક લેશે સંજયદત્ત

યોગી આદિત્યનાથે 'સંપર્ક ફોર સમર્થન 'અભિયાન હેઠળ સંજયદત્તની લીધી મુલાકાત

લખનૌમાં મુખ્યમંત્રી યોગી આદિત્યનાથએ ફિલ્મસ્ટાર સંજયદત્તની મુલાકાત  સરકારી નિવાસ 5 કાલીદાસ માર્ગ પર કરી હતી ;ભાજપના સંપર્ક ફોર સમર્થન અભિયાન અંતર્ગત કરાયેલી આ મુલાકાત દરમિયાન સંજય દત્તે મુખ્યમંત્રીને જણાવ્યું કે યુપીના જૌનપુર રોસમાં સ્થિત પોતાના નનિહલ 'ચિલબિલા' ગામને દત્તક લેવા માંગે છે. સંજયની મમ્મી નરગિસ દત્તનું પૂર્વજોનું ઘર ચિલબિલામાં બતાવવામાં આવે છે.

  સંજય દત્તે એ પણ કહ્યું કે ઉત્તર પ્રદેશ સરકારની ફિલ્મ નીતિથી ખુબ પ્રભાવિત છું અને ઓક્ટોમ્બરથી અમારી બીજી ફિલ્મની શૂટિંગ અહી શરૂ કરીશું. હાલમાં લખનૌ અને આજુબાજુના વિસ્તારમાં સંજય પોતાની ફિલ્મ 'પ્રસ્થાનમ'ની શૂટિંગ કરી રહ્યો છે.

 

(12:34 pm IST)
  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST

  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST