Gujarati News

Gujarati News

News of Saturday, 9th June 2018

સ્વદેશી તોપ 'ધનુષ'નું સફળ પરીક્ષણ : સેનામાં સામે થવા તૈયાર : ૩૮ કિમી સુધી ત્રાટકવાની ક્ષમતા

રાજસ્થાનના પોખરણમાં દેશી બોફોર્સનું સતત ચાલી રહેલું પરીક્ષણ

જબલપુર તા. ૯ : ભારતમાં નિર્મિત પ્રથમ લાંબા અંતરની તોપ શ્નઠ્ઠદ્ગફ્રઋલૃદ્ગફ્રત્ન પોખરણમાં કરવામાં આવેલુ અંતિમ પરિક્ષણ સફળ રહ્યું છે. આ સાથે જ આ તોપ સેનામાં સામેલ થવા માટે તૈયાર છે તેમ સેનાના અધિકારીઓએ જણાવ્યું છે.

બેથી છ જૂન દરમિયાન છ ધનુષ તોેપમાંથી ૫૦ રાઉન્ડ શેલ છોડવામાં આવ્યા હતાં તેમ ગન કેરેજ ફેકટરી(જીસીઅએફ)ના સિનિયર જનરલ મેનેજર એસ કે સિંહે જણાવ્યું છે. ધનુષને દેશી બોફોર્સ તરીકે ઓળખવામાં આવે છે. સાત જૂને છ તોપમાંથી સફળતાપૂવર્ક ૧૦૧ રાઉન્ડ શેલ નિર્ધારિત લક્ષ્યાંક પર સફળતાપૂર્વક છોડવામાં આવ્યા હતાં.

આ તોપે સિક્કિમ અને લેહ જેવી તીવ્ર ઠંડી અને રાજસ્થાનના પોખરણ જેવી અસહ્ય ગરમીમાં પણ સફળતાપૂર્વક કામગીરી કરી બતાવી છે. આ તોપની ત્રાટકવાની ક્ષમતા ૩૮ કિમી છે. ચાલુ નાણાકીય વર્ષમાં ૧૨ ધનુષ તોપ સેનાને સોપવામાં આવશે.

(10:31 am IST)
  • ચીનની વુહાન સમિટની જેમ જ આવતા વર્ષે ચીનનાં રાષ્ટ્રપતિ શી ચિનફિંગ અનૌપચારિક શિખર સમ્મેલન માટે ભારત આવશે. ચીનનાં રાષ્ટ્રપતિએ આ બાબતે વડાપ્રધાન મોદીનાં આમંત્રણનો સ્વિકાર કરી લીધો હતો. વિદેશ સચિવ વિજય ગોખલેએ શનિવારે એક પત્રકાર પરિષદ દરમિયાન આ માહિતી આપી. access_time 2:38 am IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST

  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST