Gujarati News

Gujarati News

News of Saturday, 9th June 2018

દિવસ ૨૪ કલાકનો નહીં પરંતુ ૨૫ કલાકનો થશે : વૈજ્ઞાનિકોનો દાવો

પૃથ્વી અને ચંદ્ર વચ્ચેના અંતરમાં ઘટાડો : પહેલા એક દિવસ માત્ર ૧૮.૧૪ કલાકનો જ હતો

નવી દિલ્હી તા. ૯ : સામાન્ય રીતે તમે લોકોને એવું કહેતા સાંભળ્યા હશે કે કાશ દિવસ થોડો લાંબો હોત તો આપણે વધુ સમય સાથે રહી શકયા હોત. હાલમાં જ વૈજ્ઞાનિકોએ દાવો કર્યો છે કે આગામી વર્ષોમાં દિવસ ૨૪ કલાકને બદલે ૨૫ કલાકનો થઈ જશે.

ભૂગર્ભશાસ્ત્રીઓનું કહેવું છે કે ચંદ્રમાની ધીમી ગતિને કારણે દિવસ લંબાઈ રહ્યો છે. અબજો વર્ષોથી ચંદ્ર અને ધરતી વચ્ચેનું અંતર ધીરે ધીરે વધી રહ્યું છે. ચંદ્રની ઘૂમવાની ધીમી ગતિને કારણે દિવસ લાંબો થઈ રહ્યો છે.

અંદાજીત ૧.૪ અબજ વર્ષ પહેલા ચંદ્ર અને ધરતી વચ્ચેનું અંદર ઓછું હતું, ત્યારે ધરતી પર એક દિવસ માત્ર ૧૮.૧૪ કલાકનો જ હતો. પરંતુ બંને વચ્ચે વધી રહેલા અંતરને કારણે એક દિવસમાં ૨૪ કલાક થવા લાગ્યા. હજુ પણ ચંદ્ર પૃથ્વીથી દૂર જઈ રહ્યો છે. રિસર્ચરોનો દાવો છે કે ધરતી પર દિવસ ૨૪ કલાકથી વધીને ૨૫ કલાક થઈ જશે.

અમેરિકાની યુનિવર્સિટી ઓફ વિસ્કોંસિન-મેડિસનના ભૂગર્ભવૈજ્ઞાનિક સ્ટીફન મેયર્સે પોતાના રિસર્ચમાં આ સંબંધ વિશે જણાવ્યું છે. મેયર્સનું કહેવું છે કે પોતાની ધીમી ગતિને કારણે ચંદ્ર ધરતીથી દૂર થઈ રહ્યો છે, ધરતીની ગતિ પણ ધીમે ધીમે ઘટી રહી છે. કારણે કે અન્ય ગ્રહોની ગતિ પૃથ્વીને પ્રભાવીત કરે છે.

વૈજ્ઞાનિકોના રિસર્ચ મુજબ લાખો વર્ષો બાદ પૃથ્વી અને ચંદ્રની ગતિ અંગે રિસર્ચ કરવાથી ખબર પડી કે પૃથ્વી અને ચંદ્ર વચ્ચેનું અંતર વધી રહ્યું છે. અબજો વર્ષોથી સોલર સિસ્ટમમાં થતા ફેરફારને કારણે ઘરતી પર દિવસની લંબાઈ વધી જાય છે. પૃથ્વી પર એક દિવસ ૨૫ કલાકનો થશે તેના માટે હજુ લાખો વર્ષો રાહ જોવી પડશે.(૨૧.૨)

(10:32 am IST)
  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST

  • અમદાવાદ : સીએમએસ ઇન્ફોસિસ્ટમ લિમિટેડના કર્મચારીએ 1 કરોડ 39 લાખની કરી ઉચાપત : કંપની શહેરમાં એટીએમ મશીનમાં નાણાં લોડ કરવાનું કામ કરે છે, જેમાં આરોપી પુર્વિશ ચૌધરી કસ્ટોડિયન તરીકે નોકરી કરતો હતો : ઓડિટ સમયે વાહનમાં પંચર થયું હોવાનું બહાનું કરી આરોપી થઇ ગયો ફરાર access_time 12:43 pm IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST