Gujarati News

Gujarati News

News of Saturday, 9th June 2018

સાઉદી અરેબિઆમાં નોકરી કરતાં ભારતીયોની મજબુરીઃ જુલાઇ ૨૦૧૮થી પરિવારને વતનમાં મોકલી દઇ એકલા રહેવાની નોબતઃ પરિવારના દરેક મેમ્બર દીઠ રહેણાંક ફી પેટે માસિક ૨૦૦ રિયાલ (અંદાજે ૩૬૦૦ રૂપિયા) વસુલવાનો કાયદો અમલી બનશે

ન્યુ દિલ્હીઃ સાઉદી અરેબિઆમાં નોકરી કરતાં ભારતીયોએ તેમના પરિવારના સભ્યોને વતનમાં પરત મોકલી દેવા પડે તેવા સંજોગોનું નિર્માણ થયું હોવાનું સમાચાર સૂત્રો દ્વારા જાણવા મળે છે.

પ્રાપ્ત માહિતિ મુજબ સરકારની ઇંધણની મુખ્ય આવક ઘટી રહી હોવાથી દેશની અર્થ વ્યવસ્થાને અસર થઇ છે પરિણામે સ્થાનિક નિયમો કડક બનાવાયા છે. પ્રવાસીઓ પાસેથી વધુ ફી લેવા ઉપરાંત સાઉદી અરેબિઆમાં સ્થાયી થયેલા વિદેશી મૂળના નાગરિકોના પરિવારના સભ્યો દીઠ લેવાતી માસિક ફી ૧૦૦ રિયાલમાંથી જુલાઇ ૨૦૧૮ થી ૨૦૦ રિયાલ કરી નાખવામાં જુલાઇ છે. તથા ૨૦૧૯ની સાલથી વ્યકિતદીઠ ૩૦૦ રિયાલ અને ૨૦૨૦ થી ૪૦૦ રિયાલ થઇ જશે.

આ રહેણાંક ફીમાં વધારો થતા ૧ જુલાઇ ૨૦૧૮ થી ૪ વ્યકિતના પરિવારે માસિક ૮૦૦ રિયાલ લેખે વાર્ષિક  ૯૬૦૦ રિયાલ ચૂકવવાના થાય જે અંદાજે ૧ લાખ ૭૨ હજાર રૂપિયા જેટલી રકમ થઇ જાય છે. તેક્ષ મોટા ભાગના ભારતીયોએ પોતાના પરિવારના સભ્યોને વતનમાં મોકલાવું શરૂ કરી દીધુ છે. જયાં NRI સ્ટુડન્ટસ માટે CBSE અભ્યાસક્રમ સાથેની સ્કૂલો છે

સાઉદી અરેબિયામાં ૩૨ લાખ ૫૦ હજાર જેટલા ભારતીયો વસે છે. જેમાં ૪૦ ટકા કેરળના તથા ૨૫ ટકા લોકો તેલંગણાના છે. બાકીના મહારાષ્ટ્ર, યુ.પી. તથા રાજસ્થાનના છે.

(9:03 am IST)
  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST

  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST