Gujarati News

Gujarati News

News of Saturday, 9th June 2018

''એક નયા ઇતિહાસ રચે હમ'' : અમેરિકામાં હિન્દુ સ્વયંસેવક સંઘ હયુસ્ટન ચેપ્ટરના ઉપક્રમે ''હિન્દુ સંગઠન દિવસ'' ઉજવાયોઃ જુદા જુદા ૪૮ જેટલા હિન્દુ સંગઠનોના ૧૭૦ ઉપરાંત પ્રતિનિધિઓ એક છત્ર હેઠળ ભેગા થયા

હયુસ્ટનઃ અમેરિકામાં હિન્દુ સ્વયંસેવક સંઘ USA હયુસ્ટન ચેપ્ટરના ઉપક્રમે ૨ જુન ૨૦૧૮ના રોજ ટેકસાસના હયુસ્ટનમાં આવેલા JVB પ્રેક્ષા મેડીટેશન સેન્ટર ખાતે ૧૩મો વાર્ષિક ''હિન્દુ સંગઠન દિવસ'' ઉજવાઇ ગયો જેમાં ગ્રેટર હયુસ્ટનના ૪૮ હિન્દુ ઓર્ગેનાઇઝેશન્શના ૧૭૦ પ્રતિનિધિઓએ ભાગ લીધો હતો.

''એક નયા ઇતિહાસ રચે હમ'' થીમ સાથે જુદા જુદા હિન્દુ સંગઠનોને એક છત્ર હેઠળ ભેગા કરવાના હેતુથી ઉજવાતા આ હિન્દુ સંગઠનના દિવસ નિમિતે મુખ્ય વકતા તરીકે પદમભૂષણ પ્રોફેસર વેદપ્રકાશ નંદાએ હાજરી આપી હતી.

ઉજવણી અંતર્ગત નવી પેઢીમાં નેતૃત્વના નિર્માણ સાથે અમેરિકામાં હિન્દુઓની આગવી ઓળખ વિષય ઉપર ભાર મુકાયો હતો. જે માટે તમામ હિન્દુ તહેવારો સહુ સાથે મળીને ઉજવે તથા રાજકિય આગેવાનોને હાજર રાખી સંગઠનની શકિત દર્શાવે તેવો મત વ્યકત થયો હતો. ઉપરાંત નિસ્વાર્થ સેવા, તેમજ યુવાનો અને મહિલાઓને પ્રાધાન્ય આપવા વિશે મંતવ્યો વ્યકત થયા હતા તેવું IAN દ્વારા જાણવા મળે છે.

(9:31 pm IST)
  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST

  • તાજેતરમાં દક્ષિણ આફ્રિકામાં પીટર મેરિત્સબર્ગ રેલવે સ્ટેશ પર મુકવામાં આવેલા રાષ્ટ્રપિતા ગાંધીજીના બે ચહેરાવાળા પુતળાને લઈને ભારે વિવાદ થયો છે. આ પુતળું "મોહન થી મહાત્મા" ની સફરને ઉજાગર કરે છે. દક્ષિણ આફ્રિકામાં ભારતીય હાઇકમિશનરે પુતળાનેને અજાયબી ગણાવી છે, તો બીજી બાજુ ગાંધીજીના પ્રપૌત્ર તુષાર ગાંધીએ ટ્વિટ દ્વારા રોષ ઠાલવ્યો હતો કે "બે ચહેરાઓ, નોનસેન્સ! તોડી નાખવું જોઇએ." access_time 10:47 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST