Gujarati News

શાહે કહ્યું કે  જન્મ અને મૃત્યુ નોંધણીને વસતી ગણતરી સાથે જોડી દેવામાં આવશે. 2024 સુધીમાં દરેક જન્મ અને મૃત્યુની નોંધણી કરવામાં આવશે જેનો અર્થ એવો થાય કે આપણી વસતી ગણતરી આપમેળે અપડેટ થઈ જશે.

અમિતભાઈ  શાહે કહ્યું કે આગામી ઈ-વસતી ગણતરી 25 વર્ષની નીતિઓનું ઘડતર કરશે. સોફ્ટવેર જ્યારે લોન્ચ કરવામાં આવે ત્યારે તેમાં વિગતો ભરનાર હું અને મારો પરિવાર પહેલા હોઈશું.

કેન્દ્રીય ગૃહ મંત્રાલય દ્વારા વસ્તી ગણતરી માટે વધારે આધુનિક પદ્ધતિઓનો ઉપયોગ કરવાનો નિર્ણય લેવામાં આવ્યો છે, ઇ-જનગણના થશે જે 100% સંપૂર્ણ હશે જે આગામી 25 વર્ષ માટેની નીતિઓ તૈયાર કરશે.અમિતભાઈ  શાહે કહ્યું કે જન્મ બાદ વસતી ગણતરીના રજિસ્ટરમાં વિગતો દાખલ થઈ જશે અને બાળક જ્યારે 18 વર્ષનું થાય જે પછી ચૂંટણી કાર્ડમાં તેનું નામ એડ થઈ જશે અને મોત બાદ નામ આપમેળે કમી થઈ જશે. તેમણે કહ્યું કે નામ અને એડ્રેસ ચેન્જ વધારે સરળતાથી થઈ શકશે અને તેને લિંક કરી દેવામાં આવશે