Gujarati News

Gujarati News

News of Sunday, 9th May 2021

ચીનના સૌથી મોટા રોકેટનો ભાગ હિન્દ મહાસાગરમાં તૂટી પડયો

ભારતની ધરતી પર મોટી ધાત ટળી રોકેટનો મહતમ હિસ્સો પૃથ્વીના વાયુ મંડળમાં પ્રવેશ કરતા સમયે જ તૂટી પડ્યો હતો

વૉશિંગ્ટન: ચીનના સૌથી મોટા રૉકેટનો કેટલોક ભાગ 9મીં મેના રોજ સવારે હિંદ મહાસાગરમાં તૂટી પડ્યો છે. રૉકેટનો મોટાભાગનો હિસ્સો પૃથ્વીના વાયુમંડળમાં પ્રવેશ કરતા સમયે જ નષ્ટ થઈ ગયો હતો. ન્યૂઝ એજન્સી રૉયટર્સના જણાવ્યા મુજબ, ચાઈનીઝ રૉકેટનો કાટમાળ માલદીવ આઈલેન્ડના પશ્ચિમમાં પડ્યો છે.

ચીને 29 એપ્રિલે રૉકેટ લૉન્ગ માર્ચ 5બી લૉન્ચ કર્યું હતું. આ રૉકેટ ચીનના નવા સ્પેશ સ્ટેશનના હિસ્સાને લઈને અંતરિક્ષમાં ગયો હતો, પરંતુ ખુદ જ એક ઑર્બિટમાં પ્રવેશ કરી લીધો હતો. જે બાદ તે અનિયંત્રિત થઈને પૃથ્વી તરફ આવી રહ્યું હતું.

ચીનના મીડિયા મુજબ, રૉકેટ ભારતીય સમય અનુસાર 7:54 AM પર વાયુમંડળમાં પ્રવેશ્યું હતું. આ ઘટનાની છેલ્લા કેટલાક દિવસોથી સોશિયલ મીડિયા અને આંતરરાષ્ટ્રીય સ્તરે ચર્ચા ચાલી રહી હતી, કારણ કે રૉકેટ બેકાબૂ બનીને પૃથ્વી તરફ ધસી રહ્યું હતુ અને કોઈને અંદાજો નહતો કે, તે ક્યાં લેન્ડ કરશે.

અનેક વખત અનુમાન લગાવવામાં આવ્યું હતું કે, ચીનના રૉકેટનો કાટમાળ અમેરિકામાં ન્યુયોર્ક, લોસ એન્જલસ, સ્પેનના મેડ્રિડ, બ્રાઝલના રિયો ડી જેનેરિયા સહિત અનેક ગીચ વસ્તી ધરાવતા શહેરોમાં પડી શકે છે. જો કે કોઈ પણ રોકેટની યોગ્ય દિશાનો ચોક્કસ અનુમાન લગાવી શકતું નહતુ, કારણ કે તે પૃથ્વીના ગુરુત્વાકર્ષણ બળના કારણે નીચેની તરફ આવી રહ્યું હતું.

સામાન્ય રીતે રૉકેટ પૃથ્વીના ઑર્બિય સુધી નથી પહોંચતુ અને નિયંત્રિત પદ્ધતિ મુજબ પૃથ્વી પર પરત ફરે છે. કેલિફોર્નિયા સ્થિત એરોસ્પેસ કોર્પોરેશને જણાવ્યું કે, લોન્ગ માર્ચ 5બી રૉકેટ ઓર્બિટલ વેલૉસિટી સુધી પહોંચી ગયુ અને તૂટવાની જગ્યાએ ઑર્બિટમાં જતુ રહ્યું. રૉકેટનું ફ્યુઅલ ખતમ થયા બાદ તે પૃથ્વીના ગુરુત્વાકર્ષણ બળના કારણે ઑર્બિટથી નીકળીને વાયુમંડળમાં પ્રવેશ કરી ગયું.

ઑર્બિટથી આવા નાના-મોટા સેટેલાઈટ તૂટે છે, પરંતુ પૃથ્વીની સપાટી પર પડ્યા પહેલા જ વાયુમંડળમાં નષ્ટ થઈ જાય છે. જો કે ચીનનું આ રૉકેટ 98 ફૂટ ઊંચુ અને 20 ટન વજન ધરાવતુ હતું. આથી તેનો કેટલોક હિસ્સો નષ્ટ થતા બચી ગયો હતો.

(2:09 pm IST)
  • જમ્મુ અને કાશ્મીરમાં લશ્કર અને પોલીસનું સંયુક્ત ઓપરેશન: ડઝનબંધ ગ્રેનેડ ઝડપી લીધી : જમ્મુ અને કાશ્મીરના પૂંચ જિલ્લામાં આવેલા ફાગલા ખાતેથી ભારતીય લશ્કર અને કાશ્મીર પોલીસે સંયુક્ત રીતે ઓપરેશન હાથ ધર્યું હતું, જેમાં ૧૨ જીવતા ગ્રેનેડ મળી આવ્યા છે. જેનો ત્રાસવાદીઓ દ્વારા આતંકી હુમલામાં ઉપયોગ થવાની પૂરી સંભાવના દર્શાવાય છે. access_time 3:38 pm IST

  • દિલ્હીમાં એક સપ્તાહ માટે લોકડાઉન લંબાવાયુ : મુખ્યપ્રધાન શ્રી અરવિંદ કેજરીવાલે પાટનગર દિલ્હીમાં એક અઠવાડિયા માટે લોકડાઉન લંબાવવાની જાહેરાત કરી છે. દિલ્હીમાં કોરોનાએ રીતસર હાહાકાર સર્જી દીધો છે access_time 12:39 pm IST

  • સૌરાષ્ટ્રની સુપ્રસિદ્ધ તુલસીશ્યામ જગ્યાના મહંત પૂજ્ય બાલકૃષ્ણદાસબાપુ ૧૦૧ વર્ષની વયે બ્રહ્મલીન થયા : મહુવા તાલુકાના કાટકડા સંજીવની આશ્રમ ખાતે પૂજ્ય બાલકૃષ્ણદાસબાપુનુ દુઃખદ નિધન થયું છે. સૌરાષ્ટ્ર સહિત મુંબઈ સુધીના તેમના સેંકડો સેવકોમાં શોકનો માહોલ. સોમનાથમાં ચાલી રહેલી રામ કથા દરમિયાન પૂજ્ય મોરારીબાપુએ પણ શોક વ્યક્ત કર્યો હતો. access_time 3:49 pm IST