Gujarati News

Gujarati News

News of Friday, 9th April 2021

બ્રિટિશ મહારાણી એલિઝાબેથ દ્વિતીયના પતિ પ્રિન્સ ફિલિપનું દુઃખદ નિધન: 99ની વયે લીધા અંતિમ શ્વાસ

સવારે વિન્ડસર કેસલ ખાતે તેમનું અવસાન થયું: દેશવ્યાપી શોકની ઘોષણા :પ્રિન્સ ફિલિપ ડ્યુક ઓફ એડિનબર્ગ તરીકે પણ ઓળખાતા હતા

લંડન :બ્રિટનના મહારાણી એલિઝાબેથ II ના પતિ પ્રિન્સ ફિલિપને તાજેતરમાં જ હોસ્પિટલમાં દાખલ કરવામાં આવ્યા હતા જ્યાં તેમને રોયલ ફેમિલી દ્વારા જાહેર કરવામાં આવેલા નિવેદનમાં સફળ હાર્ટ સર્જરી કરાઈ હતી, ખૂબ જ દુ:ખ સાથે મહારાણીએ જાહેરાત કરી હતી કે તેના પતિ અને ડ્યુક ઓફ એડિનબર્ગ પ્રિન્સ ફિલિપ હવે આ દુનિયામાં નથી રહ્યા. શુક્રવારે સવારે વિન્ડસર કેસલ ખાતે તેમનું અવસાન થયું હતું.

બ્રિટનની મહારાણી એલિઝાબેથ II ના 99 વર્ષીય પતિ પ્રિન્સ ફિલિપના અવસાનની જાણકારી શુક્રવારે  લંડન સ્થિત બકિંગહામ પેલેસે આ માહિતી આપી હતી. પ્રિન્સ ફિલિપને એડિનબર્ગના ડ્યુક તરીકે પણ ઓળખવામાં આવતા હતા. તે અને મહારાણી એલિઝાબેથ 73 વર્ષ સાથે રહ્યા હતા. પ્રિન્સના અવસાનના લીધે હાલમાં બ્રિટનમાં શોકની લાગણી પ્રસરી ગઈ હતી.

બ્રિટનમાં ત્યાંની ઐતિહાસિક ઇમારતોમાં બ્રિટીશ ધ્વજ લહેરાવવામાં આવ્યો હતો અને દેશવ્યાપી શોકની ઘોષણા કરવામાં આવી હતી.

બ્રિટનની મહારાણી એલિઝાબેથ II ના પતિ પ્રિન્સ ફિલિપ કોરોનાને ચેપ લાગ્યો હતો. પ્રિન્સ ફિલિપ (99) ને 16 ફેબ્રુઆરીએ લંડનની ખાનગી કિંગ એડવર્ડ VII હોસ્પિટલમાં દાખલ કરવામાં આવ્યા હતા. બાદમાં તેમને હાર્ટ ડિસીઝ માટે સેન્ટ બર્થોલોમેવના હૃદય રોગના વિશેષ હોસ્પિટલમાં લઈ જવામાં આવ્યા હતા.  ત્યારબાદ તેને ફરીથી કિંગ એડવર્ડ હોસ્પિટલમાં લાવવામાં આવ્યા હતા. સારવાર બાદ તેમને 16 માર્ચને મંગળવારે લંડનની એક હોસ્પિટલમાંથી રજા આપવામાં આવી હતી. તેની ચેપ અને હૃદય રોગની સારવાર ચાલી રહી હતી.

(6:43 pm IST)
  • કેન્દ્રીય ગૃહમંત્રી અમિતભાઈ શાહે કહ્યુ છે કે દેશમાં કોરોના વેકસીનની કોઈ શોર્ટેજ નથી : રેલ્વે બોર્ડના ચેરમેને કહ્યું છે કે ખૂબ મોટી સંખ્યામાં મુસાફરોની આવ-જા થતી હોય તેમની પાસે કોરોના નેગેટીવ સર્ટીફીકેટ માંગવાની પોઝીશનમાં અમે નથી access_time 3:55 pm IST

  • રાજકોટના મોટાભાગના વેપારી એસોસિએશનએ આવતીકાલથી શનિ અને રવિવારના રોજ, શહેરમાં કોરોના સંક્રમણ વધતા, તકેદારી રૂપે સ્વયંભૂ બધી મુખ્ય બજારો બંધ રાખવાનો નિર્ણય કર્યાનું જાણવા મળે છે : વધુ વિગતો મેળવાય રહી છે... access_time 6:29 pm IST

  • દેશમાં કોરોનાના કેસમાં ભયંકર ઉછાળો : અત્યાર સુધીના તમામ રેકોર્ડ તૂટ્યા : રેકોર્ડબ્રેક નવા કેસ નોંધાયા : રાત્રે 11 વાગ્યા સુધીમાં કોરોનાના નવા 1,44,829 કેસ નોંધાયા :કુલ કેસની સંખ્યા 1,32,02,783 :એક્ટિવ કેસ 10,40,993 થયા વધુ 77,199 દર્દીઓ સ્વસ્થ થતા કુલ 1,19, 87, 940 થયા :વધુ 773 લોકોના મોત સાથે કુલ મૃત્યુઆંક 1,68,467 થયા: દેશમાં સૌથી વધુ મહારાષ્ટ્રમાં નવા 58,993 નવા કેસ નોંધાયા access_time 1:07 am IST