Gujarati News

Gujarati News

News of Friday, 9th April 2021

અમેરિકાના ન્યૂજર્સીમાં ભારતીય મૂળનું યુવાન દંપતી મૃતક હાલતમાં મળી આવતા સન્નાટો : 32 વર્ષીય એન્જીનીઅર યુવાન બાલાજી ભારત રુદ્રવાર તથા તેની ગર્ભવતી પત્ની 30 વર્ષીય આરતી બાલાજી રુદ્રવાર મૃતક હાલતમાં મળી આવ્યા : 4 વર્ષની માસુમ દીકરી બાલ્કનીમાં એકલી ઉભી રડી રહી હોવાથી પડોશીઓને ખબર પડી

ન્યુજર્સી : અમેરિકામાં ભારતીય મૂળના યુવાન એન્જીનીઅર  32 વર્ષીય બાલાજી ભારત રુદ્રવાર તથા તેની ગર્ભવતી પત્ની 30 વર્ષીય આરતી બાલાજી રુદ્રવાર બુધવારે તેઓના નિવાસ સ્થાનમાં મૃતક હાલતમાં મળી આવવાથી સન્નાટો ફેલાઈ  જવા પામ્યો છે. આ દંપતીની 4 વર્ષની માસુમ દીકરી બાલ્કનીમાં એકલી ઉભી રડી રહી હોવાથી પડોશીઓને ખબર પડી હતી.

પાડોશીઓએ માસુમ દીકરીને રડતી જોઈ પોલીસને ફોન કર્યો હતો.પોલીસે  જણાવ્યું હતું કે પોસ્ટ મોર્ટમ રિપોર્ટ આવ્યા પછી મૃત્યુનું કારણ જાણી શકાશે. સ્થાનિક સમાચાર પત્રોમાં જણાવાયા મુજબ દંપિતનું મોત ચાકુના ઉપરા  છાપરી ઘાથી થયું છે.

મૃતક યુવાનના પિતા ભારત રુદ્રવારએ જણાવ્યું હતું કે તેની પુત્રવધુ ગર્ભવતી હતી.તેને સાત માસનો ગર્ભ હતો તેથી અમે અમેરિકા જવાનો પ્લાન બનાવી રહ્યા હતા.ત્યાં પોલીસ સૂત્રોનો ફોન આવતા અમારા ઉપર આભ તૂટી પડ્યું છે.દંપતીના મૃતદેહને ભારત પહોંચતા 10 દિવસનો સમય લાગી શકે છે.તેવું મૃતક યુવાનના પિતાએ જણાવ્યું હતું.તેવું એન.ટી.દ્વારા જાણવા મળે છે.

(5:18 pm IST)
  • રાજકોટ શહેર - જિલ્લા પર કોરોના જાણે રાઘવાયો થયો હોય તેમ આજે સાંજ સુધીમાં રાજકોટ શહેરમાં 340 અને ગ્રામ્યના 70 કેસ સાથે કુલ 410 નવા કોરોના ના કેસ નોંધાયા : લોકોમાં ફફડાટ access_time 7:47 pm IST

  • નક્સલીઓ સાથે ભયંકર અથડામણ દરમિયાન નક્સલીઓ એક જવાનને બાન પકડીને લઈ ગયા હતા. તેની લોકો સમક્ષ જે બેઇજ્જતી કરવામાં આવી, તે વિડિઓ કલીપ એબીપી ન્યુઝના એડિટર પંકજ ઝાએ પોતાના ટ્વિટર એકાઉન્ટ ઉપર શેર કરી છે. આવા નકસળીઓ માટે કોઈ શબ્દો વાપરવા એ પણ ઉચિત નથી લાગતું access_time 11:46 pm IST

  • દેશમાં કોરોનાના કેસમાં ભયંકર ઉછાળો : અત્યાર સુધીના તમામ રેકોર્ડ તૂટ્યા : રેકોર્ડબ્રેક નવા કેસ નોંધાયા : રાત્રે 11 વાગ્યા સુધીમાં કોરોનાના નવા 1,44,829 કેસ નોંધાયા :કુલ કેસની સંખ્યા 1,32,02,783 :એક્ટિવ કેસ 10,40,993 થયા વધુ 77,199 દર્દીઓ સ્વસ્થ થતા કુલ 1,19, 87, 940 થયા :વધુ 773 લોકોના મોત સાથે કુલ મૃત્યુઆંક 1,68,467 થયા: દેશમાં સૌથી વધુ મહારાષ્ટ્રમાં નવા 58,993 નવા કેસ નોંધાયા access_time 1:07 am IST