Gujarati News

Gujarati News

News of Tuesday, 9th March 2021

મમતા બેનરજીનો નંદીગ્રામમાં ભાજપને પડકાર : જે હિન્દૂ મુસ્લિમ કરી રહ્યા છે સાંભળી લે, પગ ખેચીને જૂઠ ના બોલો,

ચૂંટણી પછી જોઇશ જીભમાં કેટલુ જોર છે. મીઠાઇ ખાવો જીભની કડવાશ દૂર થશે

કોલકતા : પશ્ચિમ બંગાળ વિધાનસભા ચૂંટણીમાં સૌથી મોટી લડાઇ નંદીગ્રામમાં લડાવાની છે. મમતા બેનરજીએ એક નજસભાને સંબોધિત કરતા નંદીગ્રામ આંદોલનની યાદ અપાવી હતી. મમતા બેનરજીએ કહ્યુ કે, કોઇ ભાગલા પાડવાનો પ્રયાસ કરશે. આવા લોકોની વાત ના સાંભળો. હું પોતાનું નામ ભૂલી શકુ છું પરંતુ નંદીગ્રામને નથી ભૂલી શકતી.

મમતા બેનરજીએ કહ્યુ કે, જ્યારે નંદીગ્રામમાં આંદોલન થઇ રહ્યુ હતું તો મારા ઘરે કાલી પૂજા થતી હતી. જે રીતે 14 માર્ચે ગોળી ચાલી હતી, તે બધાને યાદ છે. હું નંદીગ્રામ એકલી જઇ રહી હતી. મને રોકવાનો પ્રયાસ કરવામાં આવી રહ્યો હતો. રાજ્યપાલે મને ફોન કરીને કહ્યુ હતું કે રાત્રે તમારે નંદીગ્રામ ના જવુ જોઇએ. તમામ અત્યાચાર છતા હું પાછળ ના હટી. મારી ઉપર ગોળી પણ ચલાવવામાં આવી હતી પરંતુ હું બંગાળ માટે ઉભી રહી. આ દરમિયાન એવા ઘણા લોકોએ અમારી સાથે હોવુ જોઇતુ હતું પરંતુ તે ના આવ્યા.

મમતાએ કહ્યુ કે સિંહુર ના હોવાથી નંદીગ્રામનું આંદોલન ના થાત. હું ગામની દીકરી છું. મે પહેલા જ વિચારી રાખ્યુ હતું કે આ વખતે નંદીગ્રામ અથવા સિંગુરથી ચૂંટણી લડીશ. તમે લોકોએ મને સ્વીકારી છે, માટે નંદીગ્રામ આવી છું. જો તમને મારૂ અહીથી ચૂંટણી લડવાનું ખોટુ લાગે છે તો હું ઉમેદવારી દાખલ નહી કરૂ. તમારા લોકોની સ્વીકૃતિ બાદ જ ઉમેદવારી નોંધાવીશ. આ દરમિયાન મમતા બેનરજીએ સ્ટેજ પર જ ચંદીપાઠ કર્યો હતો.

ભાજપના હિન્દૂ કાર્ડ પર મમતા બેનરજીએ કહ્યુ કે, હું સવારે ચંદીપાઠ કરીને ઘરેથી નીકળુ છું. હું ચંદીપાઠ સંભળાવી રહી છું. જે હિન્દૂ મુસ્લિમ કરી રહ્યા છે સાંભળી લે, પગ ખેચીને જૂઠ ના બોલો, આવનારા દિવસોમાં નંદીગ્રામનું મૉડલ તૈયાર કરીશ. એક એપ્રિલે તેમને એપ્રિલ ફૂલ કરી દેજો. 1 એપ્રિલે ખેલા થશે. ચૂંટણી પછી જોઇશ જીભમાં કેટલુ જોર છે. મીઠાઇ ખાવો જીભની કડવાશ દૂર થશે.

મમતા બેનરજીએ કહ્યુ કે, ભાજપ જૂની સીપીએમને અહી લઇને આવી છે, જેમણે તમારી પર અત્યાચાર કર્યો હતો, તેમણે અહી ઘુસવા ના દેતા. આ વખતે મહાશિવરાત્રિ અહી મનાવીશ, જળ ચઢાવીને અહીથી જઇશ. મહત્વપૂર્ણ છે કે મમતા બેનરજી ત્રણ દિવસ નંદીગ્રામમાં રહેશે. 10 માર્ચે ઉમેદવારી નોંધાવશે. મમતા બેનરજીનો મુકાબલો ભાજપના સુવેંદુ અધિકારી સામે છે, જે ક્યારેક મમતા બેનરજીના ઘણા નજીક હતા.

(6:32 pm IST)