Gujarati News

Gujarati News

News of Tuesday, 9th March 2021

રાજયસભાના સાંસદ તરીકે રામભાઇ મોકરીયાએ શપથ લીધા

ઉપરાષ્‍ટ્રપતિ વેકૈયા નાયડુએ શપથ ગ્રહણ કરાવ્‍યા

રાજકોટ તા. ૯ : સૌરાષ્‍ટ્રના પોરબંદરના ભાજપના રાજયસભાના સભ્‍ય શ્રી રામભાઇ મોકરિયાએ ગઇકાલે રાજયસભામાં શપથ લીધા હતા.

પોરબંદરના વતની અને કુરીયરના વ્‍યવાસાય સાથે સંકળાયેલા રામભાઇ મોકરિયાએ રાજયભાના સાંસદ તરીકે શપથ લેતા તેમને બિરદાવાયા હતા. રાજયસભાના સાંસદ તરીકે મારૂતિ કુરીયર પ્રા.લી.ના ચેરમેન રામભાઇ મોકરિયાની બિનહરીફ પસંદગી થઇ છે. ત્‍યારે રાજયસભા ખાતે ઉપરાષ્‍ટ્રપતિ અને રાજયસભાના સભાપતિ એમ.વેકૈયાનાયડુએ રામભાઇને સદસ્‍યના રૂપમાં શપથ લેવડાવ્‍યા હતા. કાનુનવિદ્દના રૂપમાં તે તેમના કર્તવ્‍યોનું પાલન કરીને નિયમો અને પ્રક્રિયાઓને બનાવી રાખવા માટે પ્રતિબદ્ધ રહેશે અને સત્ર દરમિયાન દરરોજ સંસ્‍થાની ગરીમાં વધે તેવા કાર્યો કરીશ તેમ કહીને શપથ લીધા હતા.

ત્‍યારબાદ તેમણે જણાવ્‍યું હતું કે, ભારતની જનતાની સેવા કરવાનો અવસર આપવા  બદલ હું વડાપ્રધાન નરેન્‍દ્રભાઇ મોદી, અમીતભાઇ શાહ, જે.પી.નડ્ડા સહિત સૌ કોઇનો હું આભારી છું.

(11:50 am IST)
  • કેન્દ્ર સરકારે દેશની ૪૪ કંપનીઓને ડિફેન્સ ક્ષેત્રમાં એફડીઆઈની મંજૂરી આપી: આ કંપનીઓ સીધું વિદેશી રોકાણ સ્વીકારી શકશે: એફડીઆઈ અંતર્ગત કંપનીઓને ૪૧૯૧ કરોડ રૂપિયા મળે તેવી શક્યતા: આ રકમ સંરક્ષણ ક્ષેત્રે ઉત્પાદન માટે ખર્ચાશે: રોકાણમાંથી એરક્રાફ્ટ, ડિફેન્સ સિસ્ટમ, રડાર સિસ્ટમ વગેરેનું દેશમાં જ નિર્માણ થઈ શકશે access_time 1:07 am IST

  • દેશમાં કોરોનાના નવા કેસમાં આંશિક ઘટાડો : નવા કેસ કરતા રિકવર થનારની સંખ્યા વધી : એક્ટિવ કેસ પણ ઘટયા : રાત્રે 11 વાગ્યા સુધીમાં કોરોનાના નવા 15,353 કેસ નોંધાયા :કુલ કેસની સંખ્યા 1,12,44,624 થઇ :એક્ટિવ કેસ 1,84,555 થયા વધુ 16,606 દર્દીઓ સ્વસ્થ થતા કુલ 1,08,97,486 થયા :વધુ 76 લોકોના મોત સાથે કુલ મૃત્યુઆંક 1,57,966 થયા: દેશમાં સૌથી વધુ મહારાષ્ટ્રમાં નવા 8744 નવા કેસ નોંધાયા access_time 1:08 am IST

  • પ્રધાનમંત્રી નરેંદ્રભાઈ મોદી આજે સાંજે શ્રીમદ્ ભગવદ્દગીતાના શ્લોકો પર 21 વિદ્વાનોની વ્યાખ્યાઓ સાથે પાંડુલિપિના 11 ખંડોનું વિમોચન કરશે access_time 3:49 pm IST