Gujarati News

Gujarati News

News of Tuesday, 9th March 2021

આસામમાં ભાજપને સત્તા મળશે : સર્વે

બંગાળમાં મમતા, તમિલનાડુમાં કોંગ્રેસ ગઠબંધન, કેરળમાં LDFની વાપસી

નવી દિલ્હી,તા. ૯ : ચાર રાજયો અને એક કેન્દ્ર શાસિત પ્રદેશમાં વિધાનસભા ચૂંટણીને લઈને રાજકીય માહોલ ગરમ છે. તમામ રાજકીય પાર્ટીઓ ચૂંટણી પ્રચાર કરી રહી છે. પશ્ચિમ બંગાળ, અસમ, કેરલ, તમિલનાડુ અને પુડુચેરીમાં રાજકીય દળ ચૂંટણી જીતવા માટે અભિયાનમાં લાગ્યા છે. આ વચ્ચે રાજયમાં કોની સરકાર બનશે તેને લઈને એક ખાનગી ચેનલે વોટરનો સર્વે કર્યો છે.

સર્વે અનુસાર કેરલમાં લેફ્ટ ડેમોક્રેટિક ફ્રંટ (LDF) ના ફરીથી વાપસીની સંભાવના છે. એલડીએફ કુલ ૧૪૦ સીટોમાંથી ૮૨ પર જીત હાસિલ કરી શકે છે. તો યૂનાઇટેડ ડેમોક્રેટિક ફ્રંટ (UDF) ૫૬ સીટો પર જીત હાસિલ કરી શકે છે, જયારે ભાજપને માત્ર એક સીટ મળી શકે છે.

સર્વે અનુસાર તમિલનાડુમાં સત્ત્।ા પરિવર્તનના સંકેત મળ્યા છે. અન્નાદ્રમુકની આગેવાનીવાળા ગઠબંધનને માત્ર ૬૫ સીટો મળવાનું અનુમાન છે. તો ડીએમકેના નેતૃત્વવાળા યૂપીએ ગઠબંધન ૧૫૮ સીટો જીતી શકે છે. કુલ મળીને તમિલનાડુમાં યૂપીએની સરકાર બનવાના સંકેત મળી રહ્યાં છે.

આ ચૂંટણી સર્વે પ્રમાણે અસમમાં ફરી ભાજપની વાપસી થઈ શકે છે. સર્વે પ્રમાણે અસમમાં એનડીએ ગઠબંધન ૧૨૬માંથી ૬૭ સીટ જીતી શકે છે. પરંતુ યૂપીએ આ વખતે સારૂ પ્રદર્શન કરશે અને તેના ખાતામાં ૫૭ સીટ આવી શકે છે. અન્યને બે સીટ મળવાનું અનુમાન છે. ૧૨૬ સભ્યોવાળી અસમ વિધાનસભામાં બહુમતી માટે ૬૪ સીટ જોઈએ.

પશ્ચિમ બંગાળમાં ટીએમસીને ૧૫૪ સીટ મળવાનું અનુમાન છે, જયારે ભાજપને ૧૦૭ બેઠકો મળી શકે છે. ૨૦૧૬ની ચૂંટણીમાં ટીએમસીએ ૨૧૧ સીટ જીતી હતી તો ભાજપે માત્ર ત્રણ બેઠકથી સંતોષ કર્યો હતો. સર્વે પ્રમાણે બંગાળમાં ટીએમસીની વાપસી થઈ શકે છે પરંતુ તેની સીટો દ્યટવાથી ભાજપ મજબૂત થશે.

પુડુચેરીમાં ૩૦ સીટોમાંથી એનડીએને ૧૬થી ૨૦ બેઠકો મળી શકે છે. તો યૂપીએના ખાતામાં ૧૩ સીટ આવી શકે છે. કોંગ્રેસે આ કેન્દ્ર શાસિત પ્રદેશમાં સત્ત્।ા ગુમાવવી પડી શકે છે.

(10:28 am IST)
  • રાંચી : ઝારખંડ વિધાનસભામાં ભાગ લેવા અને પેટ્રોલ-ડિઝલના ભાવ વધારાના વિરોધમાં કોંગ્રેસના ધારાસભ્ય અંબા પ્રસાદ ઘોડે ચડીને ગૃહમાં પહોંચેલ. access_time 2:52 pm IST

  • સાંજે ૪:૩૦ વાગ્યે ઉત્તરાખંડના ભાજપના મુખ્યપ્રધાન ત્રિવેન્દ્રસિંહ રાવતે અંતે રાજીનામુ આપી દીધુ છે : તેમના સ્થાને મોટાભાગે અનિલ બલૂની મોખરે દોડે છે : વિકલ્પે ધનસિંહ રાવતનું નામ પણ ચર્ચામાં છે access_time 4:33 pm IST

  • દેશમાં કોરોનાના નવા કેસમાં આંશિક ઘટાડો : નવા કેસ કરતા રિકવર થનારની સંખ્યા વધી : એક્ટિવ કેસ પણ ઘટયા : રાત્રે 12 વાગ્યા સુધીમાં કોરોનાના નવા 16,846 કેસ નોંધાયા :કુલ કેસની સંખ્યા 1,12,61,470 થઇ :એક્ટિવ કેસ 1,81,143 થયા વધુ 20,138 દર્દીઓ સ્વસ્થ થતા કુલ 1,09,17,624 થયા :વધુ 113 લોકોના મોત સાથે કુલ મૃત્યુઆંક 1,58,079 થયા: દેશમાં સૌથી વધુ મહારાષ્ટ્રમાં નવા 9927 નવા કેસ નોંધાયા access_time 12:59 am IST