Gujarati News

Gujarati News

News of Friday, 9th March 2018

મહારષ્ટ્રમાં ખેડૂત આંદોલન વેગમાં :નાસિકથી ખેડૂતોની મુંબઈ કૂચ 30 હજાર કિશાનો થાણે પહોંચ્યા:12મીએ વિધાનસભાને કરશે ઘેરાવ

મહારાષ્ટ્રમાં ખેડૂત આંદોલને જોર પકડ્યું છે.ખેડૂતોને દેવામાફી, પાક વીમાનું યોગ્ય વળતર મળવું અને સ્વામીનાથન કમિટીની ભલામણોનો અમલ થાય તેવી વિવિધ માંગણી નહીં સંતોષાતાં ખેડૂતો રસ્તા પર ઉતર્યા છે.અને આક્રોશ સાથે નાસિકથી નિકળેલા ખેડૂતો મુંબઈ તરફ કૂચ કરી રહ્યાં છે. લગભગ 30 હજાર જેટલા ખેડૂતો થાણે પહોંચ્યા છે. આ ખેડૂતો 12 માર્ટે મહારાષ્ટ્ર વિધાનસભાનો ઘેરાવ કરશે.

  ઓલ ઈન્ડિયા કિસાન સભાના બેનર હેઠળ આ ખેડૂતો આંદોલન ચલાવી રહ્યા છે. ખેડૂતોએ ચેતવણી આપી છે કે તેમની માંગ પૂરી નહીં થાય તો વિધાનસભાનો અનિશ્ચિત કાળ સુધી ઘેરાવ કરશે. મહારાષ્ટ્રના ખેડૂતો લાંબા સમયથી સમસ્યાઓ ભોગવી રહ્યા છે. અત્યાર સુધી હજાર જેટલા ખેડ઼ૂતો આત્મહત્યા કરી ચૂક્યા છે. શિવસેના અને ભાજપમાં તકરારનો આ પણ એક મોટો મુદ્દો છે.

 

(1:55 am IST)
  • આલેલે... : યુપીની 11 માર્ચે યોજાનાર પેટાચૂંટણીમાં પ્રધાનમંત્રી મોદી અને ક્રિકેટર વિરાટ કોહલી બન્યા મતદારો : ગોરખપુરના સહજનવાંમાં મતદાર યાદીમાં નીકળ્યા નામો : વહીવટી તંત્ર થયું ઉંધા માથે : આ ગડબડી સામે આવ્યા બાદ સ્થાનીક નેતાઓ અને અધિકારીમાં મચી અફરાતફરી : ચુંટણી પંચે શરૂ કરી તપાસ access_time 4:36 pm IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • નીરવ મોદીના કૌભાંડ પૂર્વે 2017ના નાણાકીય વર્ષમાં પંજાબ નેશનલ બેંકે વિવિધ કૌભાંડોમાં 2800 કરોડ ગુમાવ્યા છે access_time 12:08 am IST