Gujarati News

Gujarati News

News of Friday, 9th March 2018

ભારત સરકાર દ્વારા અપાતા e-visa નો વ્‍યાપ વધારાયોઃ વિશ્વના ૧૬૩ દેશોના નાગરિકો માટે ઓનલાઇન વીઝા સર્વિસઃ હોમ મિનીસ્‍ટ્રી મીટીંગમાં લેવાયેલો નિર્ણય

ન્‍યુ દિલ્‍હીઃ વિદેશમાં વસતા ભારતીયો તથા વિવિધ દેશોના વતનીઓને ભારતના પ્રવાસ માટે અપાતા e-visa ને સાંપડેલી અસાધારણ સફળતાને ધ્‍યાને લઇ હવે ભારત સરકાર જુદા જુદા પ્રકારના ઓનલાઇન વીઝાને લગતી સેવાઓનું વિસ્‍તૃતીકરણ કરવા જઇ રહી છે. તેવું હોમ મિનીસ્‍ટ્રીની ગઇકાલ ૮ માર્ચના રોજ મળેલી મીટીંગમાં નક્કી કરાયુ હતું.જે પ્રસંગે હોમ મિનીસ્‍ટર શ્રી રાજનાથ સિંઘએ તમામ પાસાઓનો અભ્‍યાસ કરી વિશદ છણાંવટ કરી હતી.

હાલમાં ઇન્‍ટીગ્રેટેડ વીઝા ફોરેનર્સ રજીસ્‍ટ્રેશન એન્‍ડ ટ્રેકીંગ (IVFRT) ભારતના વિદેશોમાં આવેલા ૧૬૩ રાજદૂતાવાસમાં તથા ૨૫ ઇન્‍ટરનેશન એરપોર્ટ ઉપર અમલી બનાવાઇ છે.જેના થકી વિદેશી નાગરિકોને ઓનલાઇન વીઝા સેવાઓ મળી રહી છે. તેવું સમાચાર સૂત્રો દ્વારા જાણવા મળે છે.

(10:25 pm IST)
  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • સરકાર કુટુંબ નિયોજનને પ્રોત્સાહન આપે અને એવા પગલાં લ્યે જેથી દેશના લોકોને 2 બાળકોની પોલિસીને અનુસરવા માટે ઉત્સાહ મળે આવી માંગણી કરતી જાહેરહિતની અરજી સુપ્રીમમાં દાખલ access_time 12:07 am IST