Gujarati News

Gujarati News

News of Friday, 9th March 2018

યુપીમાં બોગસ મદરેસાથી વર્ષે ૧૦૦ કરોડનો ફટકો

મદરેસાના નામે બોગસ નેટવર્કનો પર્દાફાશ : ઓનલાઈન નોંધણી પ્રક્રિયા શરૂ થયા બાદ વિગતો ખુલી

લખનૌ, તા. ૯ : ઉત્તરપ્રદેશમાં મદરેસાઓના નામે બોગસ નેટવર્ક ચલાવવાના કાંડનો પર્દાફાશ થયો છે. પ્રદેશ સરકારે ચોંકાવનારી વિગતો જાહેર કરતા કહ્યું છે કે, રાજ્યના ખજાનાને આ બોગસ મદરેસાઓના કારણે દર વર્ષે ૧૦૦ કરોડ રૂપિયાનો ચુનો લાગી રહ્યો છે. લઘુમતિ સંસ્થાઓને ઓનલાઈન નોંધણી કરવા માટેનો આદેશ કરવામાં આવ્યા બાદ આ સમગ્ર મામલો સપાટી ઉપર આવ્યો છે. ઉત્તર પ્રદેશના લઘુમતિ બાબતોના પ્રધાન, વેબપોર્ટલ પર નોંધણી ફરજિયાત કરી દેવાના આદેશ બાદ ૨૦૦૦થી વધારે માન્યતા પ્રાપ્ત મદરેસા પર વાર્ષિક ૧૦૦ કરોડ રૂપિયાથી વધુનો ખર્ચ કરવામાં આવી રહ્યો હતો. રાજ્ય સરકારે મદરેસાઓની કાર્યપ્રણાલીમાં પારદર્શકતા લાવવા માટે ગયા વર્ષે તમામ મદરેસાઓના મેનેજમેન્ટને લઇને ઉત્તર પ્રદેશ મદરેસા બોર્ડની વેબ ઉપર પોતાની પૂર્ણ માહિતી આપવા માટે સૂચના આપવામાં આવી હતી પરંતુ એમ કરવા માટે વચગાળાની તારીખ અને વખત વધારવામાં આવી હોવા છતાં મદરેસાઓ દ્વારા સંચાલિત ૧૪૦ મીની આઈઆઈટીમાંથી ૨૦ પોતાની માહિતી આપી ન હતી. ત્યારબાદ ૨૩૦૦ મદરેસાઓએ પોર્ટલ ઉપર નોંધણી પણ કરાવી ન હતી. આ તમામ ઉપર હવે દર વર્ષે ૧૦૦ કરોડ રૂપિયા ખર્ચ કરવામાં આવી રહ્યા હોવાની વિગત સપાટી ઉપર આવી છે. આ ઉપરાંત આશરે ૨૩૦૦ મદરેસાને પણ પોર્ટલ પર નોંધણી કરાવવામાં આવી નથી. આ તમામ પર હજુ સુધી દર વર્ષે આશરે ૧૦૦ કરોડ રૂપિયા ખર્ચ કરવામાં આવી રહ્યા છે. મદરેસા અને આઈઆઈટી હકીકતમાં બોગસ પ્રક્રિયા તરીકે ચાલી રહી હતી.

(7:25 pm IST)
  • સરકાર કુટુંબ નિયોજનને પ્રોત્સાહન આપે અને એવા પગલાં લ્યે જેથી દેશના લોકોને 2 બાળકોની પોલિસીને અનુસરવા માટે ઉત્સાહ મળે આવી માંગણી કરતી જાહેરહિતની અરજી સુપ્રીમમાં દાખલ access_time 12:07 am IST

  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST