News of Friday, 9th March 2018

પેટાચૂંટણી : સપા માટે ૧૦૦ સભા કરવા માયાનો આદેશ

માયાવતીના કાર્યકરો સપાને પુરતી મદદ કરશે : હાલ કરવામાં આવેલ સમજુતી મુજબ બન્ને પાર્ટી ભાજપને હાર આપવા માટે તમામ તાકાત લગાવી રહી છે : રિપોર્ટ

લખનૌ,તા. ૯ : ગોરખપુુર અને ફુલપુર લોકસભાની સીટો પર યોજાનાર પ્રતિષ્ઠિત પેટાચૂંટણીને લઇને ભાજપની સામે જોરદાર ટક્કર લેવા આ વખતે સમાજવાદી પાર્ટી અને બહુજન સમાજવાદી પાર્ટીએ કમર કસી લીધી છે. પેટાચૂંટણીને લઇને બહુજન સમાજવાદી પાર્ટીના વડા માયાવતીએ પોતાની પાર્ટીના કાર્યકરોને સમાજવાદી પાર્ટી માટે પ્રચાર કરવા સુચના આપી છે. માયાવતીએ બન્ને લોકસભા ક્ષેત્રમાં ઓછામાં ઓછી ૧૦૦ નુક્કડ સભા કરવા માટે આદેશ આપવામાં આવ્યો છે. ગુરૂવારના દિવસે થયેલી બેઠકમાં ચૂંટણી પ્રચાર માટે રણનિતી પર ચર્ચા કરવામાં આવી હતી. માયાવતીએ પોતાના નજીકના રાજ્યસભા સાંસદ અશોક સિદ્ધાર્થ અને અન્ય કેટલાક મોટા નેતાને પ્રચાર પર નજર રાખવા માટે સુચના આપવામાં આવી છે. બસપના એક અધિકારીએ માહિતી આપતા કહ્યુ છે કે અમને એટલી જ મહેનતથી  પ્રચાર કરવા માટે કહેવામાં આવ્યુ છે જેટલી મહેનત અમે અમારી પાર્ટી માટે કરીએ છીએ. હાલમાં જ માયાવતીએ બન્ને સીટો પર સમાજવાદી પાર્ટીને સમર્થન કરવાની જાહેરાત કરી હતી. આના બદલે સમાજવાદી પાર્ટી બહુજન સમાજવાદી પાર્ટીની રાજ્યસભા ચૂંટણી માટે મદદ કરનાર છે. સુત્રોએ કહ્યુ છે કે બુથ લેવલ કાર્યકરોને પોતાના ક્ષેત્રમાં ડોર ટુ ડોર કેમ્પેન કરવા માટે પણ કહેવામાં આવ્યુ છે. બહુજન સમાજવાદી પાર્ટીમાંથી હાકી કાઢવામાં આવેલા ઇન્દ્રજીત સરોજ હવે સમાજવાદી પાર્ટીમાં છે. હાલમાં ફુલપુરમાં આ પ્રચારનુ તેઓ નેતૃત્વ કરી રહ્યા છે. અત્રે નોંધનીય છે કે બન્ને સીટ પર ૧૧મી માર્ચના દિવસે મતદાન થનાર છે. જ્યારે ૧૪મી માર્ચના દિવસે પરિણામ જાહેર કરવામાં આવનાર છે. ફુલપુર સીટ કૈશવ પ્રસાદ મૌર્ય અને ગોરખપુર સીટ યોગી આદિત્યનાથના રાજીનામા બાદ ખાલી થઇ છે. ચૂંટણી ખુબ રોમાંચક  બનનાર છે.

(12:52 pm IST)
  • બિટકોઇનના ભાવમાં તોફાની ઘટાડો નોંધાતો જોવા મળ્યો છે. બિટકોઇન ૯૦૦૦ની સપાટી તોડી ૮,૯૭૪ના મથાળે જોવા મળ્યો હતો. એક સપ્તાહમાં બિટકોઇનના ભાવમાં ૧૮ ટકાનો ઘટાડો નોંધાતો જોવા મળ્યો છે. છેલ્લા ૨૪ કલાકમાં બિટકોઇનના ભાવમાં સાત ટકાથી વધુનું ગાબડું પડ્યું છે. access_time 4:46 pm IST

  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST