Gujarati News

Gujarati News

News of Friday, 9th March 2018

દીવ બન્યું સંપૂર્ણ સોલાર ઊર્જાથી ચાલતું પહેલું કેન્દ્ર શાસિત પ્રદેશ

ડિમાન્ડના ૧૦૦ ટકાથી પણ વધુ ઉર્જા સોલાર મારફતે જ મેળવવામાં આવી રહી છે

નવી દિલ્હી તા. ૯ : સૌથી મોટા ટૂરિસ્ટ ડેસ્ટિનેશનમાનું એક દીવ ભારતનું પહેલું યુનિયન ટેરિટરી બની ગયું છે જે ૧૦૦ ટકા સોલાર એનર્જીથી ચાલતું હોય. છેલ્લા ત્રણ વર્ષમાં સોલાર પાવર ઝનરેશન મામલે દીવે ખાસ્સી પ્રોગ્રેસ કરી છે. ૪૨ કિમી સ્કવેરફૂટમાં આવેલ દીવ એવું પહેલું કેન્દ્રસાશિત પ્રદેશ બની ગયું છે જયાં ડિમાન્ડના ૧૦૦ ટકાથી પણ વધુ ઉર્જા સોલાર મારફતે જ મેળવવામાં આવી રહી છે. અહ્યાં ૫૦ એકરની જમીનમાં સોલાર પાવર પ્લાન્ટ સ્થાપવામાં આવ્યા છે.

સોલાર પાવર જનરેટિંગ ફેસિલિટીઝ દ્વારા દીવ ૧૩ મેગાવોટ ઇલેકિટસિટી ઝનરેટ કરે છે. છત પર લગાવવામાં આવેલી સોલાર પેનલ દ્વારા અંદાજીત ૩ મેગાવોટ પાવર જનરેટ કરવામાં આવી રહ્યો છે જયારે સોલાર પ્લાન્ટમાંથી ૧૦ મેગાવોટ પાવર જનરેટ થઇ રહ્યો છે.

લાંબા સમયથી દીવના લોકો ગુજરાત સરકારની માલિકીની પાવર ગ્રીડથી લાઇટ મેળવતા હતા, જો કે સોલાર પ્લાન્ટ નખાવાથી પાવર ગ્રીડને મોટું નુકસાન થશે. સ્થાનિક પાવર કંપનીઓએ સોલાર પ્લાન્ટ દ્વારા વિજળી પેદા કરવાનું શરૂ કરતાની સાથે જ નોંધપાત્ર રીતે કેન્દ્રસાશિત પ્રદેશોના ઇલેકટ્રીક નુકસાનમાં ઘટાડો થયો છે.

દમણ અને દીવ ઇલેકિટ્રસિટી ડિપાર્ટમેન્ટના એકિઝકયુટિવ એન્જિીનયર મિલિન્દ ઇંગ્લેએ કહ્યું કે, 'દીવની વસતી માત્ર ૫૬૦૦૦ની છે. પાણી અને લાઇટ બાબતે આ પ્રદેશ ગુજરાત સરકાર પર નિર્ભર કરતો હતો. આ મર્યાદામાંથી બહાર નીકળવા માટે કેન્દ્રસાશિત પ્રદેશના એડમિનિસ્ટ્રેશને સોલાર પાવર પ્લાન્ટ સ્થાપવાનું નક્કી કર્યું હતું.' આગળ કહ્યું કે, 'દીવમાં ૭ મેગાવોટ વિજળીની માંગ હતી, હવે સોલાર પ્લાન્ટ દ્વારા જ દરરોજ ૧૦.૫ મેગાવોટ વિજળી પેદા કરવામાં આવી રહી છે. જે વિજળીની ડિમાન્ડથી વધારે છે.'

સોલાર પ્લાન્ટને કારણે સ્થાનિકોને લાઇટ બીલ મામલે પણ રાહત મળશે. તેમના માસિક ચાર્જમાં ૧૨ ટકા જેટલો ઘટાડો કરવામાં આવશે. પહેલાં ૧-૫૦ યૂનિટના સ્લેબ માટે યૂનિટદીઠ ૧.૨૦ રૂપિયા અને ૫૦-૧૦૦ યૂનિટ સ્લેબમાં યૂનિટદીઠ ૧.૫૦ રૂપિયા ચાર્જ લેવામાં આવતો હતો. જો કે દીવમાં પાવર પ્લાન્ટ મારફતે ઇલેકિટ્રસિટી ઝનરેટ થવા લાગી છે ત્યારે ગોવા અને યૂનિયન ટેરેટરિઝના જોઇન્ટ ઇલેકિટ્રસિટી રેગ્યુલેટરી કમિશનરે ૦-૫૦ યૂનિટવાળો સ્લેબ હટાવી કાઢ્યો છે. હવે તેમણે સ્લેબ રિવાઇઝ કરી ૧-૧૦૦ યૂનિટ પર યૂનિટદીઠ ૧.૦૧ ચાર્જ વસુલવાનું નક્કી કર્યું.

(9:56 am IST)
  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST