Gujarati News

Gujarati News

News of Thursday, 8th March 2018

હે રામ...

કેરળઃમહાત્મા ગાંધીના ચશ્મા અને મૂર્તિ ખંડિત કરાઇ

કોચી, તા.૮ : દેશમાં એક પછી એક મહાનુભવોની મૂર્તિઓ તોડવાનો સિલસિલો ચાલુ છે. હદ તો ત્યારે થઇ ગઇ આજે જયારે કેરળમાં દેશના રાષ્ટ્રપિતા મહાત્મા ગાંધીની મૂર્તિને ખંડિત કરવાનો મામલો સામે આવ્યો છે. કેરળના કન્નુરના થાલિપરંબા વિસ્તારમાં કેટલાંક અજાણ્યા શખ્સોએ ગાંધી મૂર્તિના ચશ્માને તોડ્યા બાદ મૂર્તિને ખંડિત કરી અસામાજિક તત્વો ભાગી ગયા છે. સ્થાનિક પોલીસ આ કેસમાં તપાસ કરી રહ્યું છે.

મહાત્મા ગાંધીની મૂર્તિ સિવાય તામિલનાડુના થિરૂવોત્રિયૂર પિરયાર નગરમાં બાબા સાહેબ આંબેડકરની મૂર્તિ પર કલર ફેંકાયો છે. આની પહેલાં બુધવારના રોજ મેરઠમાં બાબા સાહેબની મૂર્તિને ખંડિત કરાઇ હતી.

ઉલ્લેખનીય છે કે ત્રિપુરામાં ભાજપની પ્રચંડ જીત બાદ કેટલીય જગ્યાએ હિંસાની વાત સામે આવી હતી. આ દરમિયાન ત્રિપુરામાં બે જગ્યાએ લેનિની મૂર્તિ તોડવામાં આવી હતી. ત્યારબાદ તામિલનાડુમાં પેરિયાર, પશ્ચિમ બંગાળમાં શ્યામા પ્રસાદ મુખર્જી અને ઉત્તર પ્રદેશના મેરઠમાં બાબા સાહેબ આંબેડકરની મૂર્તિ તોડ્યાનો મામલો સામે આવ્યો હતો.

હિંસા દરમ્યાન ત્રિપુરામાં લેનિન, તામિલનાડુમાં પેરિયારની મૂર્તિ તૂટ્યાની ઘટના પર વડાપ્રધાન નરેન્દ્ર મોદીએ નારાજગી વ્યકત કરી છે. બુધવારના રોજ માહિતી મળી હતી કે, પીએમ મોદી આ પ્રકારની ઘટનાઓથી ખૂબ જ દુખી છે. વડાપ્રધાન સિવાય ગૃહ મંત્રાલયે પણ આ કેસમાં કડકાઇ વ્યકત કરી છે. ગૃહમંત્રાલયની તરફથી તમામ રાજયોને આ પ્રકારના મામલામાં આકરા પગલાં લેવાની વાત કહી છે. આ મુદ્દામાં નરેન્દ્ર મોદીએ ગૃહમંત્રી સાથે પણ વાત કરી છે.

(12:55 pm IST)
  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST

  • જીતેન્દ્ર પરના જાતિય શોષણના કેસમાં નવો વળાંક : તેની કઝિને ફેરવી તોળ્યું, હવે કહ્યું ‘માત્ર છેડતી કરી હતી, સંબંધ નહોતો બાંધ્યો’ access_time 9:24 am IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST