Gujarati News

Gujarati News

News of Saturday, 7th December 2019

ટ્રમ્પ પ્રશાસને ખોલ્યા દરવાજા : H-1B વિઝા માટેની અરજીઓ એપ્રિલ 2020થી સ્વીકારશે

કંપનીઓએ ઓનલાઇન રજિસ્ટ્રેશન કરાવવાનું રહેશે:10 ડોલરની ફી ચૂકવવી પડશે.

વોશિંગ્ટન:અમેરિકાની ઇમિગ્રેશન એજન્સીએ H-1B વિઝા માટે મોટી જાહેરાત કરી છે. એજન્સીએ 2021માં H-1B વિઝા માટે ઇલેક્ટ્રોનિક નોંધણીની પ્રક્રિયા શરુ કરવા તૈયારી કરી છે. નાણાકીય વર્ષ 2021માટે વિદેશી કર્મચારીઓ માટે H-1Bની અરજીઓ કરનારી કંપનીઓએ ઓનલાઇન રજિસ્ટ્રેશન કરાવવાનું રહેશે જે માટે તેમણે 10 ડોલરની ફી ચૂકવવી પડશે.

અમેરિકાની ઇમિગ્રેશન સેવા આગામી નાણાકીય વર્ષ માટે પહેલી એપ્રિલ 2020થી H-1B વિઝા અરજી સ્વીકારવાનું શરુ કરશે.

અમેરિકાએ ભારતીયો અને વિદેશી નાગરિકોના લોકપ્રિય H-1B વિઝા આપવાની સંખ્યા 65,000 સુધી સમિતિ રાખી છે. H-1B બિન-પ્રવાસી વિઝા છે જે અમેરિકન કંપનીઓને વિદેશી કર્મચારીઓને, ખાસ કરીને ટેકનીકલ પ્રોફેસનલને નોકરી આપવાની મંજૂરી આપે છે.

યુએસસીઆઇએસએ જાણકારી આપી હતી કે, ઇલેક્ટ્રોનિક નોંધણી પ્રક્રિયાને કારણે પેપર વર્ક ઓછુ થશે અને અરજીકર્તાઓના પૈસા પણ બચશે.

નવા નિયમો હેઠળ H-1B વિઝા કર્મચારી નિયુક્ત કરતી કંપનીઓએ નોંધણી પ્રક્રિયા પુરી કરવી પડશે જેમાં તેમની કંપની અને અરજી કરતા કર્મચારી વિશે માત્ર મૌલિક જાણકારી માંગવામાં આવશે.

(12:55 am IST)
  • દિલ્હીના મુખ્યમંત્રી કેજરીવાલે કહ્યું છે કે દિલ્હી વિધાનસભાની ચૂંટણીઓમાં ભાજપનું સ્લોગન 'અબકી બાર 3 પાર' રહેશે( ભાજપ પાસે અત્યારે ૪ બેઠક છે), જ્યારે "આપ"નું સ્લોગન 'અબકી બાર 67 પાર access_time 10:00 pm IST

  • આસામમાં નાગરિકતા સંશોધન બિલના વિરોધમાં લોકો રસ્તા પર ઉતર્યા : સોમવારે સંસદમાં રજૂ થનાર નાગરિક સંશોધન બિલ સામે દેશના અનેક શહેરોમાં વધતા વિરોધ વચ્ચે આસામનું ગૌહાટી વિરોધ પ્રદર્શનનું કેન્દ્ર બન્યું : ગૌહાટીમાં હજારો લોકોએ હાથમાં મશાલ રાખીને રેલી કાઢી access_time 12:43 am IST

  • કચ્છના રાપરના લાલસરી-કલ્યાણપર વચ્ચે કાર ચાલકે મહિલાને હડફેટે બે દિકરીઓની નજર સામે માતાનું મૃત્યુ: ચાલક નશામાં હોવાના અહેવાલ access_time 10:53 pm IST