Gujarati News

Gujarati News

News of Saturday, 8th December 2018

ચૂંટણી પંચે રાજસ્થાન વિધાનસભાની પાલી બેઠકના

રિટર્નિંગ ઓફિસર સસ્પેન્ડઃ ભાજપના ઉમેદવારના ઘરમાંથી મળી આવ્યું EVM

નવી દિલ્હી તા. ૮ : ચૂંટણી પંચે રાજસ્થાન વિધાનસભા (રાજસ્થાન વિધાનસભા ચૂંટણી ૨૦૧૮)ની પાલી બેટકના રિટર્નિંગ ઓફિસરને હટાવવાના આદેશ આપ્યા છે. ભાજપના એક ઉમેદવારના ઘરમાં કથિત રીતે ઈવીએમ મળી આવ્યાં બાદ આ કાર્યવાહી  કરવામાં આવી. આ અગાઉ ચૂંટણી પંચે કહ્યું હતું કે એક સેકટર અધિકારી ઈવીએમ મશીન લઈને ભાજપના ઉમેદવારના ઘરે ગયો હતો. ત્યારબાદ સેકટર અધિકારીને હટાવવામાં આવ્યાં અને સંબંધિત ઈવીએમને ચૂંટણી પ્રક્રિયાથી બહાર કરવામાં આવ્યું.

ચૂંટણી પંચે પાલીના રિટર્નિંગ અધિકારી મહાવીરને પણ હટાવવાના આદેશ આપ્યાં. આ બાજુ જોધપુરના રાકેશને કાર્યભાર સંભાળવાનો આદેશ આપવામાં આવ્યો. ભાજપના ઉમેદવારના ઘરમાં કથિત રીતે ઈલેકટ્રોનિક વોટિંગ મશીન રાખ્યું હોવાનો વીડિયો પણ વાઈરલ થઈ ગયો છે.

રાજસ્થાનમાં વિધાનસભા ચૂંટણી માટે શુક્રવારે મતદાન થયું જેમાં ૭૪ ટકા મતદારોએ પોતાના મતાધિકારનો ઉપયોગ કર્યો. બે ત્રણ નાની ઘટનાઓને બાદ કરતા પ્રદેશમાં શાંતિપૂર્ણ રીતે મતદાન યોજાયું. ચૂંટણી પંચે કહ્યું કે ૭૪.૦૨ ટકા મતદાતાઓએ પોતાના મતાધિકારનો ઉપયોગ કર્યો. જે ગત વિધાનસભા ચૂંટણીમાં થયેલા ૭૫.૨૩ ટકા મતદાનથી થોડું ઓછું છે.

પોલીસના જણાવ્યાંમુજબ બીકાનેરના કોલાયત અને સીકરમાં જૂથ અથડામણ થઈ હતી. અલવરના શાહજહાપુરના એક ગામમાં કેટલાક લોકોએ મતદાન કેન્દ્રમાં ઘૂસવાની કોશિશ કરી હતી. જયાં અર્ધસૈનિક દળોએ હાલાત પર કાબુ મેળવવા માટે હવામાં ફાયરિંગ કરવું પડ્યું હતું. આ ઘટનાના કારણે મતદાનમાં વિધ્ન પડ્યું હતું.

બીકાનેરના કોલાયતમાં એક મતદાન કેન્દ્રની બહાર બે જૂથો વચ્ચે અથડામણ થઈ. એક વાહન ફૂંકી મારવામાં આવ્યું હતું. સીકરમાં પણ આવી જ ઝડપ થઈ હતી. પરંતુ મતદાન પર  કોઈ અસર થઈ નહી. અનેક મતદાન કેન્દ્રો પર ઈવીએમ તથા વીવીપેડ મશીનોને બદલવા પડ્યા હતાં જો કે તેની સંખ્યા નજીવી હતી. બુંદી જિલ્લાના હિંદોલી વિસ્તારમાં ૧૦૨ વર્ષના કિશ્નીબાઈએ પોતાના મતાધિકારનો ઉપયોગ કર્યો હતો. (૨૧.૬)

(4:11 pm IST)
  • રાજ્યમાં ઠંડીના પ્રમાણમાં વધારો :નલિયા ૧૧.૭ ડિગ્રી સાથે સૌથી ઠંડુગાર :પોરબંદર અને મહુવામાં ૧૨.૫ ડિગ્રી તાપમાન :અમરેલી ૧૩.૧ ડિગ્રી, વડોદરા ૧૩.૪ ડિગ્રી, ડીસા ૧૩.૯ ડિગ્રી, રાજકોટ ૧૪.૬ ડિગ્રી:સુરત ૧૫.૨ ડિગ્રી, અમદાવાદ ૧૫.૯ ડિગ્રી access_time 1:34 am IST

  • જૂનાગઢ : મગફળી બાદ તુવેરમાં કોભાંડની શક્યતા : માણાવદરમાં ટેકાના ભાવે તુવેરમાંથી કાંકરા નીકળ્યા : નાફેડ દ્વારા કરાઈ હતી તુવેરની ખરીદી : રાજકોટના વેપારીઓએ માલ ઉપાડવાનો ઇનકાર કર્યો access_time 1:36 am IST

  • કલેકટરના નામે નાણાં પડાવતો શખ્સ ઝડપાયો મહેસાણાના ઉધોગપતિને કલેકટરના નામે માંગ્યા હતા દોઢ લાખ : રાજેશ ત્રિવેદી નામના શખ્સ ની એલસીબી પોલીસે અમદાવાદ થી ઝડપી લીધો : રાજેશ ત્રિવેદી નામના આરોપીનો ગુનાહિત છે ભૂતકાળ : આરોપીને કોર્ટમાં રજૂ કરાતાં કોર્ટે ૧૦ હજારના જામીન પર કર્યો મુકત access_time 11:34 am IST