Gujarati News

Gujarati News

News of Saturday, 8th June 2019

અદાણીને છ એરપોર્ટની જવાબદારી ટૂંકમાં મળશે

જુલાઈમાં મંજુરી મળી શકે છે

નવી દિલ્હી, તા.૮ : છ ભારતીય વિમાની મથકો ચલાવવા માટે સફળ બીડ ધરાવનાર અદાણી એન્ટરપ્રાઇઝને હવે મોદી સરકાર ફરી ચુંટાઈ આવ્યા બાદ છ એરપોર્ટના મુદ્દે હેન્ડલીંગની જવાબદારી મળે તેવી શક્યતા છે. આના માટે કેબિનેટ મંત્રી આગામી મહિનામાં મળી શકે છે. ઉડ્ડયન મંત્રાલયના અધિકારીઓ દ્વારા આ અંગેની માહિતી આજે આપવામાં આવી હતી. અદાણી એન્ટરપ્રાઇઝ દ્વારા એરપોર્ટની હરાજી માટે જોરદાર સપાટો બોલાવ્યો હતો. અદાણી એન્ટરપ્રાઇઝને થિરુવંતનપુરમ એરપોર્ટ, લખનૌ એરપોર્ટ, અમદાવાદ એરપોર્ટ, ગુવાહાટી એરપોર્ટ, જયપુર એરપોર્ટની જવાબદારી મળેલી છે. મોદી સરકાર ફરી સત્તામાં આવ્યા બાદ અદાણીને ફરીથી મંજુરી મળી શકે છે. અમદાવાદ, લખનૌ, જયપુર, ગુવાહાટી, થિરુવંતનપુરમ અને મેંગ્લોરમાં એરપોર્ટ ઓપરેટ કરવા અને અપગ્રેડ કરવાના અધિકાર મળ્યા હતા. ગયા વર્ષે યોજાયેલી હરાજીમાં ૫૦ વર્ષ માટેની મંજુરી મળી હતી. છ એરપોર્ટના ખાનગીકરણથી એએઆઈને ૧૩૦૦ કરોડ વાર્ષિક મળશે.

(7:38 pm IST)
  • અમદાવાદમાં આજે ઓરેન્જ એલર્ટ : સૌરાષ્ટ્ર-કચ્છ અને ઉતર ગુજરાતમાં હિટવેવની આગાહી access_time 3:36 pm IST

  • ખીચોખીચ મુસાફરો ભરતા પહેલા વિચારજોઃ આરટીઓ હાલતૂર્ત તુટી પડવાના મુડમાં! : રાજયના તમામ આરટીઓ અધિકારીઓને સુચના આપવામાં આવીઃ ઓવરલોડ પેસેન્જર બેસાડનાર ચાલકો વિરૂધ્ધ કાર્યવાહી કરવા સુચનઃ માલ-સામાની હેરાફેરી કરતા વાહનોમાં પેસેન્જર બેસાડનાર વિરૂધ્ધ કાર્યવાહી થશેઃ પરિવહન મંત્રીએ આદિવાસી વિસ્તારમાં વધુ બસ ફાળવવાનું સુચવ્યું access_time 3:38 pm IST

  • નવજોત નારાજ : પ્રિયંકા - અહેમદ પટેલને મળશે પંજાબ કેબીનેટમાં મુખ્યમંત્રી અમરીન્દરસિંઘે જે સ્થાન આપ્યુ તેનાથી નારાજ નવજોતસિંઘ સિદ્ધુ તુરતમાં કોંગી દિગ્ગજ અહેમદભાઈ પટેલ અને પ્રિયંકા ગાંધીને મળશે તેમ જાણવા મળે છે access_time 5:46 pm IST