Gujarati News

જયપુરઃ રાજસ્થાનના નવા મુખ્યમંત્રી તરીકે સચિન પાયલોટનું નામ નકકી થયું છે. ત્યારે કોંગ્રેસની રાજસ્થાનની રાજકીય કટોકટી નિવારવા હાલના મુખ્યમંત્રી અશોક ગેહલોતને કોંગ્રેસના વર્કિંગ પ્રેસિડેન્ટનો હોદ્દો આપવામાં આવે તેવી ફોર્મ્યુલા ઘડાઈ રહી છે. કોંગ્રેસમાં મોટા પાયે તોફાન તોળાઈ રહ્યાના એંધાણ મળે છે. રાજસ્થાનના હાલના મુખ્યમંત્રી વિરૂધ્ધ કચવાટ જબરજસ્ત વધતો જતો હોવાના અહેવાલો પણ મળી રહ્યા છે. સચિન પાયલોટ અત્યારે રાજસ્થાનના નાયબ મુખ્યમંત્રી છે અને તેઓ રાજસ્થાન કોંગ્રેસના અધ્યક્ષ પણ છે. તેમને નવા મુખ્ય મંત્રી બનાવવાનો તખ્તો અંતિમ તબક્કામાં હોવાનું મનાય છે.