Gujarati News

Gujarati News

News of Friday, 8th June 2018

મધ્યપ્રદેશમાં હાર્દિકની મોટર પર ઇંડાનો વરસાદ

ભાજપ મધ્યપ્રદેશમાં ગાંડો થયો છે : પોલિસની હાજરીમાં હુમલો થયો છે : આરોપીઓ ઝડપાઇ ગયાનો દાવોઃ હાર્દિકનું ચોટદાર ટવીટ : 'અરે મામા શિવરાજ !! ઇંડાથી હાર્દિક રોકાવાનો નથી : ગોળીઓ ચલાવો : શ્વાસ છે ત્યાં સુધી લડાઇ ચાલશે'

રાજકોટ તા. ૮ : પાટીદાર અનામત આંદોલન સમિતિના કન્વીનર હાર્દિક પટેલ મધ્યપ્રદેશના જબલપુર ખાતે રેલીને સંબોધવા પહોંચ્યા હતા, એ વખતે હાર્દિકની કાર પર ગુરૂવારે ઇંડા અને પથ્થરો ફેંકવામાં આવ્યા હતા. આ ઘટનામાં સ્થાનિક પોલીસે આરોપીઓને ઝડપી લીધા હતા. ઘટના બાદ હાર્દિકે પટેલે ટ્વિટ કરીને જણાવ્યું હતું કે, 'મધ્યપ્રદેશમાં મામા શિવરાજના ચેલાઓએ અમારૃં સ્વાગત ઇંડાથી કર્યું. જબલપુરથી પનાગર જતી વખતે આગાચોક પાસે ગાડી પર ઇંડા વરસાવવામાં આવ્યા અને એ પછી તેઓ નામર્દોની માફક ભાગી ગયા. અરે મામા શિવરાજ ઇંડાથી હાર્દિક રોકાવાનો નથી, બંદૂકની ગોળી ચલાવો. જ્યાં સુધી શ્વાસ છે ત્યાં સુધી લડાઇ ચાલવાની છે. ભાજપ મધ્યપ્રદેશમાં ગાંડો થઇ ગયો છે. મધ્યપ્રદેશમાં પોલીસની હાજરીમાં હુમલો થયો છે.' મધ્યપ્રદેશના જબલપુરમાં આ ઘટના બની એ પછી પોલીસે આરોપીઓને ઝડપી લીધો હોવાનું માલૂમ થાય છે.(૨૧.૧૧)

 

(11:32 am IST)
  • કોંગ્રેસના ૨૩ કોર્પોરેટરો સસ્પેન્ડ : પાટણના નગરપાલીકાના મેન્ડેટના ઉલ્લંધનના મામલે પ્રદેશ કોંગ્રેસ દ્વારા બાગી ૨૩ કોર્પોરેટરને સસ્પેન્ડ કરાયા access_time 4:05 pm IST

  • રૂપાણી સરકારનું વિસ્તરણ નહિં થાય : લોકસભાની ચૂંટણીની તૈયારીમાં લાગી જવા આહવાન : લોકસભા ચૂંટણી પર જરૂર જણાશે તો થશે વિસ્તરણ : હાલ નહિં થાય રૂપાણી મંત્રીમંડળનું વિસ્તરણ : કર્ણાટક ચૂંટણી બાદ હતી વિસ્તરણની આશા : હાલ વિસ્તરણ ન કરવાનો ભાજપનો નિર્ણય : લોકસભાની તૈયારીઓમાં લાગી જવા આહવાન access_time 4:01 pm IST

  • કર્ણાટક કેબિનેટઃ કોંગ્રેસના અસંતુષ્ટો ભાજપ સાથે હાથ મિલાવે તેવી શકયતાઃ પક્ષ છોડવા કેટલાકે મન બનાવ્યુઃ વાતચીત શરૃઃ મંત્રી નહિ બનાવતા અનેક કોંગી ધારાસભ્યો નારાજ છે access_time 11:24 am IST