Gujarati News

Gujarati News

News of Friday, 8th June 2018

કાનપુરઃ મેડીકલ કોલેજમાં આઈસીયુનું એસી ફેઈલઃ પાંચ દર્દીઓના મોત

હોસ્પીટલના સત્તાવાળાઓની ઘોર બેદરકારી સામે આવીઃ દર્દીઓના મોત બાદ તંત્રની દોડધામઃ તપાસના આદેશો અપાયા

કાનપુર, તા. ૮ :. કાળઝાળ ગરમીમાં અહીંની સૌથી મોટી સરકારી હોસ્પીટલ લાલા લજપતરાયમાં એક લાપરવાહીની મોટી ઘટના સામે આવી છે. આ હોસ્પીટલના આઈસીયુનો એ.સી. પ્લાન્ટ ખરાબ થઈ ગયો અને તેના કારણે દાખલ થયેલા પાંચ દર્દીઓના કરૂણ મોત થયા છે. આઈસીયુમાં ચાર બાળકો સહિત ૧૧ દર્દીઓ દાખલ થયેલા હતા. હોસ્પીટલના તંત્રએ તપાસના આદેશો આપ્યા છે.

આ હોસ્પીટલના આઈસીયુ વોર્ડમાં છેલ્લા કેટલાક દિવસથી એસી ખરાબ થઈ ગયુ હતુ. તે પછી તેને રીપેર કરી ચલાવાતુ હતુ પરંતુ ગઈકાલે તે એસી પ્લાન્ટ બંધ થઈ જતા પાંચ દર્દીઓના મોત થઈ ગયા હતા. ઓવર હીટીંગના કારણે તમામ ઉપકરણોએ કામ કરવાનું બંધ કરી દીધુ. એસી પ્લાન્ટના રીપેરીંગમાં લાપરવાહીને કારણે પહેલેથી સર્જરી અને ન્યુરો સર્જરી ઓપરેશન થિયેટરના એસી ખરાબ થઈ ચૂકયા છે. એસી બંધ થઈ જવાના કારણે ગંભીર દર્દીઓમાં સંક્રમણનો ખતરો વધી ગયો છે.

સૂત્રોના જણાવ્યા પ્રમાણે આઈસીયુના બન્ને એસી પ્લાન્ટમાં પાંચ દિવસથી ખરાબી હતી. સીસ્ટર ઈન્ચાર્જની લેખીત ફરીયાદને ગંભીરતાથી લેવામાં આવી ન હતી. બુધવારે રાત્રે એસીએ કામ કરવાનું બંધ કરી દીધુ. ગરમી અને ઉકળાટને કારણે આઈસીયુના બારી બારણા ખોલી નાખવામાં આવ્યા હતા. દર્દીઓને રાહત આપવા માટે સગાઓએ હાથના પંખાનો ઉપયોગ કર્યો હતો. બાદમાં બુધવારે રાત્રે ૧૨ વાગ્યાથી ગુરૂવારે સાંજે ૫ વાગ્યા સુધીમાં ૫ દર્દીઓના મોત થઈ ગયા હતા.

આ ઘટના બાદ તંત્ર દોડતુ થઈ ગયુ હતુ અને તપાસના આદેશો આપી દીધા હતા. ઓગષ્ટ ૨૦૧૭માં ગોરખપુરના બીઆરડી હોસ્પીટલમાં એક સપ્તાહમાં ૭૦થી વધુ બાળકોના મોત થયા હતા.

(11:12 am IST)
  • રાહુલ ગાંધી અને તેજસ્વી યાદવ વચ્ચે દિલ્હીમાં મુલાકાત :બંને નેતાઓ વચ્ચે 40 મિનિટ સુધી ચર્ચા : બંનેની મિટિંગમાં બિહારમાં મહાગઠબંધન વધુ મજબૂત કરવા અને 2019ની લોકસભા ચૂંટણીમાં જબર લડત આપવા વિચારણા access_time 1:20 am IST

  • જાપાન દ્વારા લોકનનો પ્રથમ હપ્તો આપવા તૈયારી: બુલેટ ટ્રેન પ્રોજેક્ટ આગળ વધે છેઃ આવતા મહિને મળશે ૧૮૦૦ કરોડઃ ટેન્ડર પ્રક્રિયા શરૂ access_time 10:30 am IST

  • ડોનાલ્ડ ટ્રમ્પએ કહ્યું કિમ જોંગ ઉન સાથેની બેઠક માત્ર તસવીરો ખેંચાવવા માટે નથી પરંતુ તેનાથી વિશેષ છે :આ ઐતિહાસિક બેઠક માટે પર્યટક રિસોર્ટ દ્વીપ સેન્ટોસાને સ્થળ તરીકે પસંદગી કરાઈ છે ;એવું મનાય છે કે આ બેઠકના કવરેજ માટે વિશ્વભરના 2500 પત્રકારો આવશે access_time 1:17 am IST