Gujarati News

Gujarati News

News of Thursday, 8th April 2021

દેશમુખની CBIની તપાસને પડકારતી અરજી ફગાવાઈ

વસૂલી કાંડ : મહારાષ્ટ્રના રાજકારણમાં ઊથલપાથલ : સુપ્રીમ કોર્ટે અરજી ફગાવી : બોમ્બે હાઈકોર્ટે ૧૦૦ કરોડની વસૂલીના આરોપ સીબીઆઈ તપાસનો હુકમ આપ્યો હતો

નવી દિલ્હી, તા. ૮ : મહારાષ્ટ્રના રાજકારણમાં અત્યારે મોટી ઉથલ પાથલ ચાલી રહી છે. ૧૦૦ કરોડ વસુલી કાંડ બાદ ગૃહમંત્રી અનિલ દેશમુખે રાજીનામુ આપ્યું છે અને એનઆઇએ દ્વારા આ મામલે તપાસ ચાલી રહી છે. તેવામાં મહારાષ્ટ્રના પૂર્વ ગૃહમંત્રી અનિલ દેશમુખે અને ઉદ્ધવ સરકારને વધુ એક ઝટકો લગ્યો છે. મહારાષ્ટ્ર સરકાર અને અનિલ દેશમુખે મહારાષ્ટ્ર હાઇકોર્ટના ચુકાદાને પડકારતી અરજી સુપ્રીમ કોર્ટમાં કરી હતી, જેને સુપ્રીમે ફગાવી દીધી છે.

ઉલ્લેખનીય છે કે થોડા દિવસો પહેલા બોમ્બે હાઇકોર્ટે અનિલ દેશમુખ પર લાગેલા ભ્રષ્ટાચારના આરોપો સામે સીબીઆઇ તપાસનો આદેશ આપ્યો હતો. મુંબઇના પૂર્વ પોલીસ કમિશ્નર પરમબીર સિંહે ૧૦૦ કરોડની વસૂલીના આરોપ લગાવ્યા હતા.

સુપ્રીમ કોર્ટમાં જસ્ટિસ સંજય કિશન કૌલ અને હેમંત ગુપ્તાની બેંચે સીબીઆઇ તપાસ રોકવાની અરજી ફગાવી છે. મહારાષ્ટ્ર સરકારનું કહેવું હતું કે હાઇકોર્ટ પૂર્વ ગૃહમંત્રીને અવસર આપ્યા વગર તેમની સામે તપાસના આદેશ ના આપી શકે. સુપ્રીમ કોર્ટે કહ્યું કે આરોપોની ગંભીરતા અને તેમા સામેલ લોકોને જોતા સ્વતંત્ર તપાસ થાય તે જરુરી છે. આ લકોના વિશ્વાસની વાત છે. જેથી અમે કોઇ આદેશમાં દખલ નહીં આપીએ.

(9:12 pm IST)
  • મહારાષ્ટ્રના રાજકારણમાં ધડબડાતી : મુંબઇ એન્ટિલિયા કેસમાં રોજ નવા નવા ધડાકાઓ થઈ રહ્યા છે. મળતા અહેવાલો મુજબ સચિન વાજેએ કોર્ટમાં લેખિત નિવેદન આપીને નવો ખુલાસો કર્યો છે. તેણે આરોપ લગાવ્યો છે કે મહારાષ્ટ્રના પૂર્વ ગૃહ પ્રધાન અનિલ દેશમુખની સાથે પરિવહન પ્રધાન અનિલ પરબે પણ તેને ગેરકાયદેસર વસૂલાત માટે લક્ષ્યાંક આપ્યા હતા. access_time 11:29 pm IST

  • ભુપેન્દ્રસિંહ ચુડાસમાને કોરોના પોઝીટીવ : ગુજરાત સરકારના વધુ ઍક પ્રધાનને કોરોના વળગ્યો : રાજયના શિક્ષણમંત્રી શ્રી ભુપેન્દ્રસિંહ ચુડાસમા કોરોના સંક્રમિત બનતા તેમને યુ. ઍન. મહેતા હોસ્પિટલમાં દાખલ કરવામાં આવ્યા છે access_time 11:58 am IST

  • રાજકોટ શહેર - જીલ્લામાં હાલ ૩૨૦૦ બેડ ઉપલબ્ધ : તેમાંથી ૪૦૦થી વધુ ખાલી : ૭૨ કલાકમાં ઓક્સિજનવાળા વધુ ૭૦૦ બેડ વધશે : રેમડેસીવીર ઈન્જેકશનનો જથ્થો સરકારીમાં ૫૦૦૦ અને પ્રાઈવેટમાં ૨૦૦૦નો છે : ઓક્સિજન - વેન્ટીલેટર પૂરતા છે : રાજકોટ - જીલ્લાના કોઈપણ દર્દીને રેમડેસીવીર ઈન્જેકશનની તકલીફ નહિં પડે : પત્ર્કારો સાથેની વાતચીતમાં રાજકોટના પૂર્વ કલેકટર રાહુલ ગુપ્તા અને કલેકટર રેમ્યા મોહનની ભારપૂર્વકની ખાત્રી : લોકો ગભરાય નહિં : વેન્ટીલેટરનો જથ્થો પણ ૩૦૦થી વધુ છે : રાજકોટના મોટા ધાર્મિક સ્થળો ઉપર ભીડ ઍકઠી ન થાય તે જાવા અપીલ : આવા મંદિરોના વડાઓને બોલાવાયા access_time 11:59 am IST