Gujarati News

Gujarati News

News of Thursday, 8th April 2021

દાઢી કરવા માટે રેઝર ન મળતા કાકાએ અનોખો જુગાડ કર્યો

સોશિયલ મીડિયા પર વીડિયો વાયરલ : વાયરલ થયેલા વીડિયોમાં જોઇ શકાય છે કે, એક કાકા નાની લાકડી-દોરાથી બનાવેલ રેઝરથી કરી રહ્યા છે

નવી દિલ્હી, તા.૮: ભારતમાં કોઈપણ સમસ્યાનું સામાન્ય અને તાત્કાલિક સમાધાન જુગાડ છે.

લોકો પોતાના રોજિંદા કામો અને પોતાના શોખમાં જુગાડથી જ કામ ચલાવે છે. જેના કારણે કોઈ પણ કામ સરળતાથી અને ઝડપથી પૂર્ણ થઇ જાય. તાજેતરમાં જ એક આવો વીડિયો સોશિયલ મીડિયામાં વાયરલ થયો છે, જેમાં દાઢી કરવા માટે રેઝર ન મળતાં કાકા જુગાડ લગાવી કામચલાઉ રેઝરથી દાઢી કરી રહ્યા છે. આ વીડિયોમાં જોઈ શકાય છે કે, એક કાકા કામચલાઉ રેઝર બનાવીને તેનાથી દાઢી કરી રહ્યા છે. કાકાએ આ રેઝર એક નાની લાકડી અને દોરમાંથી બનાવ્યું છે. જેમાં બે નાની સળીઓ ફ શેપમાં એકબીજા સાથે જોડાયેલી છે. જેનાથી તેનો ઉપયોગ કરવો સરળ થઇ જાય. તો બ્લેડ મૂકવાની જગ્યાએ દોરાને એક બાદ એક એમ ઘણા લેયરમાં સેટ કરવામાં આવ્યો છે, જેનાથી દાઢી કરી શકાય.

જોકે, આ વીડિયોમાં જોવા મળતા કાકા ક્યાં રહે છે અને કોણ છે તે અંગે પુષ્ટિ નથી થઇ શકી. ઉલ્લેખનીય છે કે, આ વીડિયોમાં જોવા મળેલી ટેક્નિક નવી છે, પરંતુ જુગાડથી કામ કરવું ભારતીયો માટે સામાન્ય બાબત છે. આ પહેલા અન્ય એક વ્યક્તિનો વીડિયો વાયરલ થયો હતો, જેમાં તેઓ એક નવી ટેક્નિકથી પોતાના વાળ કાપી રહ્યા હતા. જોકે, નવાઈની વાતતો એ છે કે વાળ કાપવા માટે તેમણે તેઓ કોઈ ટ્રીમર કે કાતરની મદદ નહોતી લીધી. વીડિયોમાં જોઈ શકાય છે કે તેમણે વાળ કાપવા માટે એક કાસકો, બ્લેડ અને કલીપની મદદથી પોતાના વાળ સરળતાથી કાપ્યા હતા. સાથે જ તેમણે એક જૂના ન્યૂઝ પેપરની મદદથી એપ્રોન પણ બનાવ્યું હતું. વીડિયોમાં જોઈ શકાય છે કે, તેઓ એક ક્લિપની મદદથી બ્લેડને કાસકા સાથે અટેચ કરી દે છે. જે બાદ તેઓ કાસકાને પોતાના વાળ પર ફેરવે છે, તેમ વાળ કપાય છે. ઉલ્લેખનીય છે કે, આ વીડિયો લૉકડાઉન દરમિયાન વાયરલ થયો હતો. તે સમયે દેશમાં સલૂન બંધ હતા. જેના કારણે ઘણા લોકો ઘરે વાળ કાપવા લાગ્યા હતા. આ દરમિયાન લોકો એક બીજાને વાળ કાપી આપતા હતા.

(3:44 pm IST)
  • લગભગ દોઢ મહિના પછી, પૂર્વી લદ્દાખને અડીને LAC પરના તનાવને સંપૂર્ણ રીતે સમાપ્ત કરવા માટે શુક્રવારે ભારત અને ચીનના કોર કમાન્ડરો ફરીથી મળવા જઇ રહ્યા છે. આ બેઠક LAC ની બાજુમાં, ચુસુલમાં, ભારતમાં યોજાશે. લગભગ એક વર્ષથી પૂર્વ લદ્દાખને અડીને LAC પરના તણાવમાં આ અગિયારમો રાઉન્ડ છે. 20 મી ફેબ્રુઆરીએ છેલ્લી બેઠક મળી હતી. access_time 12:25 am IST

  • હિમાચલ પ્રદેશ નગર નિગમની ચૂંટણીમાં ભાજપને ઝટકો : ચારમાંથી બે શહેરો કોંગ્રેસે કબ્જે કર્યા : પાલમપુરમાં 15 માંથી 11 તથા સોલનમાં 17 માંથી 9 બેઠકો ઉપર કોંગ્રેસ વિજયી : મંડી તથા ધર્મશાળામાં ભગવો લહેરાયો : હિમાચલ પ્રદેશમાં કોંગ્રેસનો સફાયો કરી નાખવાની ભાજપની મુરાદ બર ન આવી access_time 11:51 am IST

  • નક્સલીઓ સાથે ભયંકર અથડામણ દરમિયાન નક્સલીઓ એક જવાનને બાન પકડીને લઈ ગયા હતા. તેની લોકો સમક્ષ જે બેઇજ્જતી કરવામાં આવી, તે વિડિઓ કલીપ એબીપી ન્યુઝના એડિટર પંકજ ઝાએ પોતાના ટ્વિટર એકાઉન્ટ ઉપર શેર કરી છે. આવા નકસળીઓ માટે કોઈ શબ્દો વાપરવા એ પણ ઉચિત નથી લાગતું access_time 11:46 pm IST