Gujarati News

Gujarati News

News of Thursday, 8th April 2021

પીએમ મોદીને વેકસીનનો બીજો ડોઝ આપનાર નર્સને પીએમએ શું પૂછયું ?

પ્રથમ ડોઝ આપનાર પોંડીચેરીની નર્સ પી. નિવેદા આજે હાજર રહી હતી

નવી દિલ્હી, તા. ૮ :. વડાપ્રધાન મોદીએ દિલ્હી સ્થિત એઈમ્સમાં દેશી કોરોના વેકસીન કોવેકસનો બીજો ડોઝ લીધો છે. આ વખતે તેમને પંજાબની નર્સ નીશા શર્માએ કોવેકસની રસી આપી હતી. જો કે પીએમને કોવિડ વેકસીનની પ્રથમ રસી આપનાર પોન્ડીચેરીની નર્સ પી. નિવેદા આજે પણ ઉપસ્થિત રહી હતી. મોદીએ પહેલી માર્ચે પહેલો ડોઝ લીધો હતો.

કોવેકસનો બીજો ડોઝ આપનાર એઈમ્સની નર્સ નિશા શર્માએ પીએમને મળીને ખુશી વ્યકત કરી હતી. તેણીએ કહ્યુ હતુ કે એ ક્ષણ યાદગાર બની ગઈ જ્યારે મેં પીએમને રસી લગાવી અને વડાપ્રધાને મારી સાથે વાતચીત પણ કરી હતી. અમને ઘણુ સારૂ લાગ્યું તેમને મળીને. તેમની સાથે થોડી વાતચીત પણ થઈ. તેમને પૂછયુ હતુ કે તમે કયાંથી છો. બાદમાં એક ફોટોગ્રાફસ પણ લીધો હતો. આ અમારા માટે યાદગાર ક્ષણ હતી.

નિશાએ કહ્યુ હતુ કે હું પંજાબના સંગરૂરની છું.

(3:42 pm IST)
  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST

  • નક્સલીઓ સાથે ભયંકર અથડામણ દરમિયાન નક્સલીઓ એક જવાનને બાન પકડીને લઈ ગયા હતા. તેની લોકો સમક્ષ જે બેઇજ્જતી કરવામાં આવી, તે વિડિઓ કલીપ એબીપી ન્યુઝના એડિટર પંકજ ઝાએ પોતાના ટ્વિટર એકાઉન્ટ ઉપર શેર કરી છે. આવા નકસળીઓ માટે કોઈ શબ્દો વાપરવા એ પણ ઉચિત નથી લાગતું access_time 11:46 pm IST

  • ટી-૨૦ વર્લ્ડકપ ભારતમાં જ યોજાશે : બેકઅપ પ્લાન પણ તૈયારઃ આઇસીસીના વચગાળાના સીઇઓ જ્યોફ એલાર્ડિસે જણાવ્યું હતું કે ભારતમાં ટી-૨૦ વર્લ્ડકપ રાબેતા મુજબ યોજાવવાનો છે અને તેના માટે તેની પાસે બેક-અપ પ્લાન તૈયાર છે. હાલના તબક્કે ટી-૨૦ વર્લ્ડકપ ભારતમાં જ યોજવા આયોજન access_time 12:21 am IST