Gujarati News

Gujarati News

News of Thursday, 8th April 2021

લોકોની સરળતા માટે GSTનો ઉદ્દેશ્ય ખતમ થયો છેઃ સુપ્રીમ કોર્ટ

કરદાતા બધા વેપારી કે ઉદ્યોગપતિને દગાકર ના કહી શકે હિમાચલ પ્રદેશ જીએસટીની એક કલમને પડકારતી એક અરજીની સુનાવણી દરમિયાન સુપ્રીમની મહત્વપૂર્ણ ટિપ્પણ

નવી દિલ્હી, તા. ૭ : દેશમાં જીએસટીને લઇને સુપ્રીમ કોર્ટે સરકારને ઉધડો લીધો છે. જીએસટી લાગુ કરવાની પદ્ધતિ અંગે નારાજગી વ્યક્ત કરતા સુપ્રીમ કોર્ટે કહ્યું કે દેશની સંસદની ઇચ્છા હતી કે જીએસટી નાગરિકો માટે સરળ બને, પરંતુ જે રીતે તેને દેશભરમાં લાગુ કરવામાં આવી રહ્યો છે તેનાથી તેનું ઉદ્દેશ્ય ખતમ થઇ રહ્યું છે. સાથે જ સુપ્રીમ કોર્ટે કહ્યું કે કરદાતા દરકે વેપારી કે ઉદ્યોગપતિને દગાકર ના કહી શકે.

હિમાચલ પ્રદેશ જીએસટીની એક કલમને પડકારતી એક અરજીની સુનવણી દરમિયાન સુપ્રીમ કોર્ટે આ વાત કરી છે. હિમાચલ પ્રદેશ જીએસટી એક્ટ ૨૦૧૭ની એ કલમને પડકારવામાં આવી હતી જેમાં કહેવામા આવ્યું હતું કે કોઇ પણ કેસની કાર્યવાહી પેન્ડિંગ રહેવા દરમિયાન અધિકારી ઇચ્છે તો બેંક એકાઉન્ટ સહિત અન્ય સંપતિને જપ્ત કરી શકે છે. સુપ્રીમ કોર્ટે દેશમાં જીએસટી લાગુ કરવાની પદ્ધતિ અંગે નારાજગી દર્શાવી. કોર્ટ કહ્યું કે સંસદે જીએસટીનું જે સ્ટ્રક્ચર અને ઉદ્દેશ્ય નક્કી કર્યો હતો તેનાથી તે ભટકી રહ્યું છે. આજની સુનવણી બાદ નિર્ણયને સુરક્ષિત રાખવામાં આવ્યો છે. કોર્ટ આગળની સુનવણીમાં આ અંગે નિર્ણય કરશે.

(12:00 am IST)
  • કોરોના સંક્રમણની રાજકોટ શહેર - જિલ્લામાં અતિભયજનક સ્થિતિ થતી જાય છે : ગઈકાલે સવારે 8 થી આજે સવારે 8 વાગ્યા સુધીમાં 31 લોકોના સરકારી ચોપડે દુઃખદ મૃત્યુ નોંધાયા : લોકો ફફળી ઉઠ્યા : આજ સવાર સુધીમાં સરકારી અને ખાનગી હોસ્પિટલોમાં 267 બેડ ઉપલબ્ધ access_time 10:10 am IST

  • ગુજરાતના ગૃહ વિભાગના અધિક મુખ્ય સચિવ IAS પંકજકુમાર કોરોના સંક્રમિત થયા : યુએન મહેતા હોસ્પિટલમાં કરાયા દાખલ : અધિકારીઓમાં ફેલાયો ફફડાટ access_time 1:22 pm IST

  • હિમાચલ પ્રદેશ નગર નિગમની ચૂંટણીમાં ભાજપને ઝટકો : ચારમાંથી બે શહેરો કોંગ્રેસે કબ્જે કર્યા : પાલમપુરમાં 15 માંથી 11 તથા સોલનમાં 17 માંથી 9 બેઠકો ઉપર કોંગ્રેસ વિજયી : મંડી તથા ધર્મશાળામાં ભગવો લહેરાયો : હિમાચલ પ્રદેશમાં કોંગ્રેસનો સફાયો કરી નાખવાની ભાજપની મુરાદ બર ન આવી access_time 11:51 am IST