Gujarati News

Gujarati News

News of Thursday, 8th April 2021

ઉત્તરાખંડની રુડકીમાં આઈઆઈટીમાં 60 વિદ્યાર્થીઓ કોરોના પોઝિટીવ:તંત્રમાં દોડધામ : 5 હોસ્ટેલને સીલ

સંક્રમિત વિદ્યાર્થીઓના સંપર્કમાં આવનાર વિદ્યાર્થીઓ માટે એક ગેસ્ટ હાઉસને પણ ક્વોરન્ટાઈન બનાવી દેવાયું

નવી દિલ્હી : ઉત્તરાખંડની રુડકીમાં આવેલી ઈન્ડીયન ઈન્સ્ટીટ્યુટ ઓફ ટેકનોલોજી (આઈઆઈટી) માં 60 વિદ્યાર્થીઓ કોરોના પોઝિટીવ આવતા 5 હોસ્ટેલને સીલ કરી દેવાઈ છે

આઈઆઈટી રુડકીના મીડિયા સેલ પ્રભારી સોનિકા શ્રીવાસ્તવે જણાવ્યું કે સંસ્થાનમાં 60 વિદ્યાર્થીઓના કોરોના ટેસ્ટ પોઝિટીવ આવ્યાં છે. વિદ્યાર્થીઓને ઘેર મોકલી દેવાયા છે અને તેમને આગામી આદેશ સુધી સંસ્થાનમાં ન આવવાનું જણાવી દેવાયું છે. હરિદ્વાર જિલ્લા આરોગ્ય વિભાગે કોરલ, કસ્તૂરબા, સરોજિની, ગોવિંદ ભવન અને વિજ્ઞાન કૂંજ નામની પાંચ હોસ્ટેલોને સીલ મારીને તેને કન્ટેનમેન્ટ ઝોન જાહેર કરી દીધી છે. હાલમાં સંસ્થામાં લગભગ 3000 વિદ્યાર્થીઓ ભણી રહ્યાં છે અને તેમાંથી લગભગ 1200 હોસ્ટેલમાં રહીને ભણી રહ્યાં છે.

શ્રીવાસ્તવે જણાવ્યું કે વિદ્યાર્થીઓને તેમની રુમમાં જ રહેવાનું કહેવામાં આવ્યું છે. તેમને રુમની અંદર જ ભોજન અને બીજી જરુરી વસ્તુઓ આપવામાં આવી રહી છે. સંસ્થાને ગંગા ભવન હોસ્ટેલને જિલ્લા આરોગ્ય વિભાગની દેખરેરખમાં કોવિડ કેન્દ્રમાં બદલી દેવાયું છે. જ્યાં ચેપી વિદ્યાર્થીઓની સારવાર કરાઈ રહી છે. તે ઉપરાંત સંક્રમિત વિદ્યાર્થીઓના સંપર્કમાં આવનાર વિદ્યાર્થીઓ માટે એક ગેસ્ટ હાઉસને પણ ક્વોરન્ટાઈન બનાવી દેવાયું છે.

(12:00 am IST)
  • ટી-૨૦ વર્લ્ડકપ ભારતમાં જ યોજાશે : બેકઅપ પ્લાન પણ તૈયારઃ આઇસીસીના વચગાળાના સીઇઓ જ્યોફ એલાર્ડિસે જણાવ્યું હતું કે ભારતમાં ટી-૨૦ વર્લ્ડકપ રાબેતા મુજબ યોજાવવાનો છે અને તેના માટે તેની પાસે બેક-અપ પ્લાન તૈયાર છે. હાલના તબક્કે ટી-૨૦ વર્લ્ડકપ ભારતમાં જ યોજવા આયોજન access_time 12:21 am IST

  • ભુપેન્દ્રસિંહ ચુડાસમાને કોરોના પોઝીટીવ : ગુજરાત સરકારના વધુ ઍક પ્રધાનને કોરોના વળગ્યો : રાજયના શિક્ષણમંત્રી શ્રી ભુપેન્દ્રસિંહ ચુડાસમા કોરોના સંક્રમિત બનતા તેમને યુ. ઍન. મહેતા હોસ્પિટલમાં દાખલ કરવામાં આવ્યા છે access_time 11:58 am IST

  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST