Gujarati News

Gujarati News

News of Thursday, 8th April 2021

રાજ્યમાં ત્રણ દિવસ ચાલે એટલો જ વેક્સિનનો ડોઝ

મહારાષ્ટ્રના સ્વાસ્થ્યમંત્રીનું ચોંકાવનારૃં નિવેદન : નવા સ્ટ્રેનની એન્ટ્રીથી ઝડપથી કોરોના ફેલાઈ રહ્યો હોવાનું, વેક્સિન ખૂટતાં લોકોને પાછા મોકલવા પડતા હોવાનો દાવો

નવી દિલ્હી, તા. ૭ : મહારાષ્ટ્રમાં બેકાબૂ બની રહેલા કોરોનાના કારણે સૌ કોઈ ચિંતિત છે. ત્યારે આ બધા વચ્ચે રાજ્યના સ્વાસ્થ્ય મંત્રી રાજેશ ટોપેએ એક ખૂબ જ ચોંકાવનારૂ નિવેદન આપ્યું છે. મહારાષ્ટ્રના મંત્રીના કહેવા પ્રમાણે તેમને શંકા છે કે, રાજ્યમાં કોરોનાના નવા સ્ટ્રેનની એન્ટ્રી થઈ ગઈ છે જેથી તે ઝડપથી લોકોમાં ફેલાઈ રહ્યો છે.

સરકારે આ માટે કેટલાક સેમ્પલ ચકાસણી માટે મોકલ્યા છે. એટલું જ નહીં, રાજ્યના સ્વાસ્થ્ય મંત્રીએ વેક્સિનનો માત્ર ૩ જ દિવસનો સ્ટોક બચ્યો હોવાથી ઝડપથી વેક્સિન સપ્લાય થાય તે જરૂરી છે તેમ પણ કહ્યું હતું.

રાજેશ ટોપેએ વેક્સિનેશન અંગે કહ્યું કે, અનેક વેક્સિનેશન સેન્ટર્સ પર પૂરતા પ્રમાણમાં ડોઝ ન હોવાના કારણે લોકોને પાછા મોકલવા પડી રહ્યા છે. તેમણે સરકાર પાસે ૨૦થી ૪૦ વર્ષની ઉંમર ધરાવતા લોકોને પણ વેક્સિનનો ડોઝ આપવમાં આવે તેવી માંગણી કરી છે.

તેમના કહેવા પ્રમાણે મહારાષ્ટ્ર પાસે વેક્સિનના ૧૪ લાખ ડોઝ છે જે આગામી ૩ દિવસમાં ખતમ થઈ જશે. તેમણે પ્રતિ સપ્તાહ વેક્સિનના ૪૦ લાખ ડોઝની માંગણી કરી છે. તેઓ એવું નથી કહેતા કે કેન્દ્ર વેક્સિન નથી આપી રહ્યું પરંતુ તેની ઝડપ ખૂબ ઓછી છે.

વેક્સિનેશન મુદ્દે મહારાષ્ટ્ર સૌથી આગળ છે. મહારાષ્ટ્રમાં અત્યાર સુધીમાં ૮૫ લાખ કરતા પણ વધારે લોકોએ વેક્સિનનો ડોઝ લઈ લીધો છે જે દેશમાં સૌથી વધારે છે. મહારાષ્ટ્રમાં દરરોજ સરેરાશ ૪ લાખ કરતા વધારે વેક્સિન ડોઝ અપાઈ રહ્યા છે.

(12:00 am IST)
  • રાજકોટમાં વધુ બે સ્થળોઍ ટેસ્ટીંગ બુથ શરૂ કરાશે : શહેરમાં છેલ્લા ૧૦ દિવસથી કોરોનાઍ હાહાકાર મચાવતા ગઈકાલે ૩ સ્થળોઍ બુથ શરૂ કરાયા છે ત્યારે આજે વધુ ૨ સ્થળો સામાકાંઠે અને સોરઠીયા વાડી ઍમ બે સ્થળોઍ ટેસ્ટીંગ બુથ શરૂ કરવા મ્યુનિસિપલ કોર્પોરેશન દ્વારા શરૂ કરાશે : શહેરમાં હાલમાં ૮ બુથ કાર્યરત છે access_time 12:02 pm IST

  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST

  • કોરોના રોગચાળો હવે પર્યાવરણ માટે પણ મોટો ખતરો બની ગયો છે. કોરોનાથી બચવાના ઉપાયમાં સિંગલ યુઝ માસ્ક અને પીપીઇ કીટ સૌથી મહત્વપૂર્ણ છે. દરરોજ કરોડોની સંખ્યામાં તેનો ઉપયોગ રોજ કરવામાં આવી રહ્યો છે, પરંતુ તેમને સુરક્ષિત રીતે નષ્ટ કરવા માટે કોઈ ફ્રેમવર્ક તૈયાર કરવામાં આવ્યું નથી. ખરાબ કે તૂટેલા માસ્ક વિશ્વભરમાં જમીન, સમુદ્ર અને નદીઓ માટે જોખમ બની ગયા છે. તબીબી કચરા તરીકે તેનો નાશ કરવાને બદલે, તેને ક્યાંય પણ ફેંકી દેવામાં આવી રહ્યા છે. access_time 10:04 pm IST