Gujarati News

અલ્હાબાદ : અલ્હાબાદ હાઈકોર્ટે આજ સોમવારે ઉત્તર પ્રદેશના ગૃહ બાબતોના સચિવને રાજ્યના વિવિધ પોલીસ સ્ટેશનોમાં મહિલા શૌચાલયોના નિર્માણ અંગે સોગંદનામું દાખલ કરવા આદેશ આપ્યો છે

નામદાર  કોર્ટે ચેતવણી પણ આપી હતી કે જો સંબંધિત તારીખ પહેલાં સોગંદનામું દાખલ કરવામાં ન આવે તો સેક્રેટરી (ગૃહ) ને તે પહેલાં વ્યક્તિગત રજૂઆત કરવા હાજર થવું પડશે.

ન્યાયમૂર્તિ સંજય યાદવ અને ન્યાયાધીશ જયંત બેનરજીની બેંચે ઉત્તર પ્રદેશના પોલીસ સ્ટેશનમાં મહિલા શૌચાલયો બનાવવા કાયદાના વિદ્યાર્થીઓએ કરેલી પીઆઈએલમાં આ આદેશ આપ્યો હતો.

આજરોજ હાથ ધરાયેલી  સુનાવણી દરમિયાન રાજ્ય સરકારે અદાલતને માહિતી આપી હતી કે તે માટે અસરકારક પગલાં લેવામાં આવી ચૂક્યાં છે. તેથી નામદાર કોર્ટે ભારપૂર્વક જણાવ્યું હતું કે રાજ્ય આ મામલે સોગંદનામું ફાઇલ કરે.

આગામી સુનાવણી 16 માર્ચના રોજ હાથ ધરાશે તેવું બી.એન્ડ બી.દ્વારા જાણવા મળે છે.