Gujarati News

Gujarati News

News of Monday, 8th March 2021

બિહારના કટિહાર જિલ્લાનો હચમચાવી દેતો બનાવ

મજબૂર પિતા : પોલીસે મદદ ન કરતા દીકરાની લાશને પ્લાસ્ટિકની થેલીમાં નાંખીને પોસ્ટ મોર્ટમ માટે લઇ જવી પડી

૧૩ વર્ષના બાળકની લાશ મળી આવ્યા બાદ પોલીસે તેને પોસ્ટ મોર્ટમ માટે ખસેડવા કોઇ મદદ ન કરી

પટના તા. ૮ : બિહારમાં પોલીસની ગંભીર બેદરકારીનો બનાવ સામે આવ્યો છે. જેમાં એક પિતાને તેના દીકરીનો મૃતદેહ પોસ્ટમોર્ટમ માટે એક પ્લાસ્ટિકની થેલીમાં લઈ જવાની ફરજ પડી હતી. પોલીસ કોહવાય ગયેલી લાશ માટે એમ્બ્યુલન્સની વ્યવસ્થા કરી શકી ન હતી. જે બાદમાં પિતા એક પ્લાસ્ટિકની થેલીમાં ભરીને તેના દીકરીની લાશ સરકારી હોસ્પિટલમાં પોસ્ટ મોર્ટમ માટે લઈ ગયા હતા. પિતા પુત્રનો મૃતદેહ ભરીને જઈ રહ્યા હોય તેવી તસવીરો પણ સામે આવી છે.

કટિહાર જિલ્લાના કુરસેલા પોલીસ સ્ટેશન હેઠળ આવતા એક ગામ ખાતે આ બનાવ બન્યો હતો. આ મામલે રાજયના પોલીસ હેડકવાર્ટર તરફથી બે જૂનિયર પોલીસ અધિકારીને સસ્પેન્ડ કરી દેવામાં આવ્યા છે. આ કેસની તપાસ ડીએસપી રેન્કના અધિકારીને સોંપવામાં આવી હતી. પોલીસે મદદ ન કરતા પિતાએ તેના પુત્રની લાશ થેલામાં ભરીને જાતે જ કટિયારની સદર હોસ્પિટલ ખાતે લઈ જવી પડી હતી.

આ બનાવની વિગતે વાત કરીએ તો ગોપાલપુર પોલીસ સ્ટેશન હેઠળના એક ગામનો લેરૂ યાદવ ૨૬મી ફેબ્રુઆરીના રોજ પોતાના ૧૩ વર્ષના દીકરા સાથે એક નાની બોટમાં ગંગા નદી પાર કરી રહ્યો હતો. બોટ નદીની વચ્ચે પહોંચી હતી ત્યારે લેરૂનો દીકરો બોટમાંથી નીચે પડી ગયો હતો અને પાણીમાં તણાયો હતો. જે બાદમાં લેરુએ કલાકો સુધી પોતાના દીકરાની શોધખોળ કરી હતી. જે બાદમાં લેરુએ ગોપાલપુર પોલીસ (ભાગલપુર)ને જાણ કરી હતી. પોલીસે આ બનાવની નોંધ કરીને લેરૂને નદીના નીચાણવાળા વિસ્તારમાં દીકરાની શોધખોળ ચાલુ રાખવાનું જણાવ્યું હતું.

થોડા દિવસ પહેલા કટિહારના કુરસેલા પોલીસ સ્ટેશન હેઠળ આવતા ખેરિયા ઘાટ ખાતેથી કોહવાય ગયેલી હાલતમાં લાશ મળી આવી હતી. આ અંગે કુરસેલા પોલીસ સ્ટેશને ગોપાલપુર પોલીસને જાણ કરી હતી. લેરૂએ શર્ટના આધારે લાશ તેના દીકરાની જ હોવાની ઓળખ કરી હતી. જોકે, મળી આવેલી લાશ ખૂબ કોહવાયેલી હાલતમાં હતી અને તેમાંથી તીવ્ર દુર્ગંધ આવી રહી હતી.

જોકે, લેરૂની મુશ્કેલી અહીંથી જ શરૂ થઈ હતી. તમામ વિધિ પૂર્ણ કર્યા બાદ બંને પોલીસ સ્ટેશનના અધિકારીઓએ લેરુને તેના દીકરાની લાશને કટિહારની હોસ્પિટલ ખાતે પોસ્ટ મોર્ટમ માટે લઈ જવાનું કહ્યું હતું. લેરુને આવી સૂચના આપ્યા બાદ બંને પોલીસ સ્ટેશનના અધિકારીઓ રવાના થઈ ગયા હતા.

(11:02 am IST)
  • સર્વત્ર સર્વોત્તમ સુરક્ષા : NSG એ આજે આંતરરાષ્ટ્રીય મહિલા દિવસ પર પ્રથમ વખત તેની એલીટ મહિલા કમાન્ડો ટીમનો ફોટો બહાર પાડ્યો. access_time 7:16 pm IST

  • કેન્દ્ર સરકારે દેશની ૪૪ કંપનીઓને ડિફેન્સ ક્ષેત્રમાં એફડીઆઈની મંજૂરી આપી: આ કંપનીઓ સીધું વિદેશી રોકાણ સ્વીકારી શકશે: એફડીઆઈ અંતર્ગત કંપનીઓને ૪૧૯૧ કરોડ રૂપિયા મળે તેવી શક્યતા: આ રકમ સંરક્ષણ ક્ષેત્રે ઉત્પાદન માટે ખર્ચાશે: રોકાણમાંથી એરક્રાફ્ટ, ડિફેન્સ સિસ્ટમ, રડાર સિસ્ટમ વગેરેનું દેશમાં જ નિર્માણ થઈ શકશે access_time 1:07 am IST

  • કોલકત્તાની રેલીમાં નરેન્દ્રભાઇ મોદીએ કહ્યું- હા, હું મારા મિત્રો માટે કામ કરૃં છું અને તે મિત્રો ગરીબ, મજૂર, શોષિત લોકો છે : બંગાળમાં પણ મિત્રો માટે કામ કર્યા : ૯૦ લાખ ગેસ જોડાણો આપ્યા, અંધારામાં જીવતા મારા બંગાળના ૭ લાખથી વધુ મિત્રોને મેં મફત વીજળી કનેકશન આપ્યું, ૬૦ લાખથી વધુ શૌચાલયો બનાવ્યા access_time 4:06 pm IST