Gujarati News

Gujarati News

News of Saturday, 8th February 2020

રેટીંગ એજન્સી ICRAનું અનુમાન

GST વળતર ફંડમાં ૨૫,૦૦૦ કરોડ રૂપિયાની ખોટ આવી શકે છે

નિયમ મુજબ કેન્દ્રએ રાજયોને જીએસટી વ્યવસ્થાના પહેલા પાંચ વર્ષ દરમિયાન ૧૪ ટકા વાર્ષિક ચૂકવણી કરવાની છે

નવી દિલ્હી તા. ૮ : રેટિંગ એજન્સી ICRAએ અનુમાન લગાવ્યું છે કે ચાલુ નાણાકીય વર્ષ દરમિયાન ઓકટોબર ૨૦૧૯થી જાન્યુઆરી ૨૦૨૦ની વચ્ચે રાજયોને GST વળતરના આશરે ૬૦,૦૦૦થી ૭૦,૦૦૦ કરોડ રુપિયાની ચૂકવણી કરવાની છે. રેટિંગ એજન્સીનું માનવું છે કે નાણાકીય વર્ષ ૨૦૧૯-૨૦ દરમિયાન જીએસટી વળતર ફંડમાં આશરે ૧૫થી ૨૫ હજાર કરોડ રુપિયાની ખોટ આવશે.

અંદાજા મુજબ  GST સંબંધિત નુકસાનને લીધે ઓકટોબર ૨૦૧૯થી જાન્યુઆરી ૨૦૨૦ વચ્ચે રાજયોને કરવાના વળતરની ચૂકવણી પેટે ૬૦થી ૭૦ હજાર કરોડ રુપિયા બેસે છે, જે કેન્દ્ર સરકારે માર્ચ ત્રિમાસિક સુધી કરવાનું છે.

નિયમ મુજબ કેન્દ્ર સરકારે રાજયોને જીએસટી વ્યવસ્થાના પહેલા પાંચ વર્ષ દરમિયાન ૧૪ ટકા વાર્ષિક ચૂકવણી કરવાની છે. સરકારે પહેલેથી જ આ વર્ષે જીએસટી કલેકશનમાં ૧૮ ટકા વધારોનું અનુમાન લગાવ્યું હતું. જયાં આ વર્ષે જાન્યુઆરી સુધી એમાં લગભગ પાંચ ટકાની વૃદ્ઘિ જોવા મળી હતી. ચાલુ નાણાકીય વર્ષમાં સપ્ટેમ્બર સુધી કેન્દ્રએ રાજયોને વળતર રુપે આશરે એક લાખ કરોડ રુપિયા આપી ચૂકી છે.

ICRAના કોર્પોરેટ ક્ષેત્ર રેટિંગ સમૂહના પ્રમુખ જયંત રોય મુજબ ઓકટોબર ૨૦૧૯થી જાન્યુઆરી ૨૦૨૦ દરમિયાન રાજયોને જીએસટી નુકસાન પર ૬૦થી ૭૦ હજાર કરોડ રુપિયાની ચૂકવણી કરવાની છે. ડિસેમ્બર ૨૦૧૯ સુધી વળતર ફંડમાં ઉપલબ્ધ રકમ ૧૭,૦૦૦ કરોડ રુપિયા હતી. ચોથી ત્રિમાસિકમાં ૨૮,૦૦૦ કરોડ રુપિયાનું વળતર જમા થાય એવુ અનુમાન છે. જે મુજબ ૨૦૧૯-૨૦માં વળતર ફંડમાં ૧૫થી ૨૫ હજાર કરોડ રુપિયા ઓછા રહેવાનું અનુમાન છે.

(11:36 am IST)
  • જામનગરમાં હોટેલમાં રૂમ ભાડે રાખી ચાલતા વેશ્યાવૃતિના નેટવર્ક નો પર્દાફાશ : પોલીસના દરોડામાં એક મહિલા , એક ગ્રાહક અને સંચાલકની ધરપકડ : જો કે મુખ્ય સંચાલક હાજર નહીં મળતા ફરાર જાહેર: સીટી બી-ડિવીઝન PI રાઠોડ સહિતના સ્ટાફે દરોડો પાડ્યો access_time 12:32 am IST

  • ભાજપે દરેક બેઠક માટે ૧૮૦૦ કાર્યકરોની ફોજ મેદાનમાં ઉતારી :ભાજપે દિલ્હીની સત્તા 'આપ' પાસેથી આંચકી લેવા આબાદ રણનીતિ ઘડી છેઃ ભાજપે એક પોલીંગ બુથ પર ૧૦ - ૧૫ કાર્યકરો તૈનાત કર્યા છે, એટલું જ નહિ એક બેઠક પર ૧૮૦૦ કાર્યકરોને તૈનાત કર્યા છેઃ ભાજપે લોકોને વધુને વધુ પ્રમાણમાં મતદાન થાય તેવી અપીલ પણ કરી છેઃ ભાજપે પાયાના કાર્યકર સુધી પહોંચ લંબાવી હતી access_time 11:31 am IST

  • પાકિસ્તાનમાં વર્ષોથી બંધ પડેલું પ્રાચીન મંદિર હિંદુઓને પરત સોંપાયું : મુસ્લિમ ધર્મગુરુઓ ,સરકારી અધિકારીઓ ,તેમજ હિન્દૂ અને શીખ આગેવાનોની ઉપસ્થિતિમાં બલુચિસ્તાનના જોબ જિલ્લામાં આવેલા મંદિરની ચાવી સોંપતી વખતે સમારોહનું આયોજન કરાયું : મંદિરમાં ચાલતી પ્રાથમિક શાળા અન્ય જગ્યાએ ખસેડાશે . access_time 8:35 pm IST