Gujarati News

Gujarati News

News of Wednesday, 8th January 2020

બેથી વધુ બાળકો પેદા કરનારાના મતાધિકાર છીનવી લેવો જોઇએઃ પ્રવીણ તોગડિયા

દેશને પોપ્યુલેશન બોમ્બથી બચાવવું પડશે

નવી દિલ્હી, તા.૮: આંતરરાષ્ટ્રીય હિન્દુ પરિષદના અધ્યક્ષ પ્રવીણ તોગડીયાએ મંગળવારે જણાવ્યું કે, દેશને પોપ્યુલેશન બોમ્બથી બચાવવું પડશે. દેશમાં બેથી વધારે બાળકો પેદા કરનારને મતાધિકાર આપવો જોઇએ નહીં. આ દરમિયાન તોગડિયાએ નાગરિકતા સુધારણા કાયદાને લઇને મોદી સરકારના વખાણ પણ કર્યા હતા.જણાવ્યું હતું કે, અમારી માગ છે કે જો કોઇ વ્યકિત બેથી વધારે બાળકોને જન્મ આપે છો તો તેને ભારતમાં જે પણ સરકારી સુવિધાઓ આપવામાં આવી રહી છે તેના પરિવારને આપવામાં આવે નહીં. બેથી વધારે બાળકોને જન્મ આપનારને ચૂંટણી લડવાની અને ચૂંટણીમાં વોટ કરવાના અધિકારથી વંચિત રાખવામાં આવે. દેશને પોપ્યુલેશન બોમ્બથી બચાવવું પડશે.પ્રવીણ તોગડિયાએ નાગરિકતા કાયદા અંગે મોદી સરકારની પ્રશંસા કરતા જણાવ્યું હતું કે, કેન્દ્ર સરકારનો આ નિર્ણય વખાણવા લાયક છે. આ કાયદાથી પ્રતાડિત લોકોને મદદ મળશે. પાકિસ્તાન, અફદ્યાનિસ્તાન અને બાંગ્લાદેશમાં પ્રતાડિત હિન્દુઓ અને અન્ય ધર્મના લોકોને સારું જીવન મળશે.

(4:13 pm IST)
  • રાજયના વિવિધ ગંભીર પ્રશ્નોની રજૂઆત માટે વિપક્ષી નેતા પરેશ ધાનાણી કોંગ્રેસનંુ પ્રતિનિધિ મંડળ રાજયપાલને મળશે : પરેશ ધાનાણીના નિવાસસ્થાને ધારાસભ્યો એકઠા થયા : ખેડૂતોને પાકવિમા, સરકારી શાળાઓ બંધ કરવાના મામલે અને નવજાત શિશુઓના મોત તેમજ મંદી, મોંઘવારી, બેરોજગારી, ખેડૂતોને દેવામાફી સહિતના મુદ્દાઓ લઈને રાજયપાલ આચાર્ય દેવવ્રત સાથે મુલાકાત કરશે access_time 5:18 pm IST

  • મુંબઈના વિશ્વવિખ્યાત શ્રી સિધ્ધી વિનાયક ગણપતિ મંદિર ટ્રસ્ટએ, પુલવામામાં શહીદ થયેલા ૪૦ જવાનોના પરિવાર માટે રૂ. ૫૧ લાખની રકમ મહારાષ્ટ્રના મુખ્યમંત્રી ઉદ્ધવ ઠાકરે ને એક સમારોહમાં અર્પણ કરી હતી અને એક ઉત્કૃષ્ટ ઉદાહરણ બેસાડ્યું હતું. access_time 10:31 pm IST

  • શ્રીનગરમાં સીઆરપીએફ કાફલા પર ગ્રેનેડ ફેંકયો બે નાગરીકને ઇજાઃ જમ્મુ-કાશ્મીર શ્રીનગરમાં સીઆરપીએફ કાફલા પર આતંકી હુમલો થયો છેઃ આતંકીઓએ ગ્રેનેડ હુમલો કરતા બે નાગરિકને ઇજા પહોંચી છેઃ હાલમાં સર્ચ ઓપરેશન શરૂ કરી દેવામાં આવ્યું છે. access_time 3:59 pm IST