Gujarati News

Gujarati News

News of Wednesday, 8th January 2020

તમિલનાડુઃ પુત્રી પર રેપ કરનારા પિતાને છેલ્લા શ્વાસ સુધીની જનમટીપની સજા

મહિલા જજ એઝહિલાર્સીએ આક્રોશ વ્યકત કરતાં કહ્યું કે આ માણસ જીવનના છેલ્લા શ્વાસ સુધી જેલમાં સબડે એેવી સજા એને કરવામાં આવે છેઃ સમગ્ર કોર્ટમાં આ ચુકાદાથી સન્નાટો છવાઇ ગયો હતો

તાંજોર (તામિલનાડુ) તા.૮: તાંજોરની એક મહિલા કોર્ટે ૩૧ વર્ષના એક પિતાને સગીર વયની પોતાનીજ પુત્રી પર વારંવાર રેપ કરવા માટે એક સાથે ચાર જનમટીપની સજા ફરમાવી હતી. મહિલા જજે કહ્યું હતું કે આ માણસ મરે ત્યાં સુધી જેલમાં સડવો જોઇએ.

કુમાર તરીકે ઓળખાવાયેલો આ આરોપી પોતે બજારુ સ્ત્રીઓ સાથેના સહવાસને કારણે એચઆઇવી ગ્રસ્ત હતો. મંગળવારે એને કોર્ટમાં રજૂ કરાયો ત્યારે મહિલા જજ એઝહિલાર્સીએ આક્રોશ વ્યકત કરતાં કહ્યું કે આ માણસ જીવનના છેલ્લા શ્વાસ સુધી જેલમાં સબડે એેવી સજા એને કરવામાં આવે છે. સમગ્ર કોર્ટમાં આ ચુકાદાથી સન્નાટો છવાઇ ગયો હતો.

મહિલા કોર્ટે રાજય સરકારને એવો આદેશ આપ્યો હતો કે આ બાળકીની સારવાર માટે રાજય સરકારે એને પાંચ લાખ રૂપિયા ફાળવવા. નામદાર જજે કહ્યું કે સગીર પુત્રી પર રેપ કર્યા બાદ કોઇને કહેશે તો જાનથી મારી નાખવાની આપેલી ધમકી ચોરી પર સિનાજોરી જેવી હતી. એ માટે એને વધુ છ માસની જેલની સજા કરવામાં આવે છે.

તાંજોર જિલ્લાના મધુકરઇ ગામમાં રોજદાર તરીકે મજૂરી કરતો કુમાર નામધારી આ આરોપી છેલ્લા થોડા સમયથી દસ વર્ષની પુત્રી પર નિયમિત રેપ કરતો હતો અને ઉપરથી એને મારપીટ પણ કરતો હતો. એ પુત્રીને ધમકાવતો કે કોઇને કહીશ તો મારી નાખીશ.

કોર્ટના આદેશથી પોલીસે આ કિસ્સાની વધુ વિગતો અને ઓળખ જાહેર કર્યાં નથી.

(4:06 pm IST)
  • રાજયના વિવિધ ગંભીર પ્રશ્નોની રજૂઆત માટે વિપક્ષી નેતા પરેશ ધાનાણી કોંગ્રેસનંુ પ્રતિનિધિ મંડળ રાજયપાલને મળશે : પરેશ ધાનાણીના નિવાસસ્થાને ધારાસભ્યો એકઠા થયા : ખેડૂતોને પાકવિમા, સરકારી શાળાઓ બંધ કરવાના મામલે અને નવજાત શિશુઓના મોત તેમજ મંદી, મોંઘવારી, બેરોજગારી, ખેડૂતોને દેવામાફી સહિતના મુદ્દાઓ લઈને રાજયપાલ આચાર્ય દેવવ્રત સાથે મુલાકાત કરશે access_time 5:18 pm IST

  • ભારતીય અને બેઇજિંગ દૂતાવાસએ ભારતના બધા નાગરિકો (વ્યક્તિગત / જૂથ)ને, ભારત અને ચાઇના વચ્ચેના રાજદ્વારી સંબંધોની 70 મી વર્ષગાંઠની ઉજવણી માટે લોગો ડિઝાઇન કરવા માટે જાહેર આમંત્રણ પાઠવ્યું છે. લોકોએ પોતાના ડીઝાઇન કરેલા લોગોની એન્ટ્રી press.beijing@mea.gov.in ઈમેઈલ પર તા. 20-01-2020 સુધીમાં પોતાના નામ, ઉમર, સંપૂર્ણ કોન્ટેક્ટ વિગત અને પોતે બનાવેલ લોગો ડીઝાઇનની ટૂંક વિગત સાથે મોકલવાની રહેશે તેમ એક યાદીમાં જણાવાયું છે. access_time 7:29 pm IST

  • 27 ઉદ્યોગપતિઓને મળ્યા સીએમ ઉદ્ધવ ઠાકરે : કહ્યું મહારાષ્ટ્રને આગળ લાવવું છે :ઉદ્યોગપતિઓને પરેશાન થવા દઈશું નહીં : રોકાણ માટે બહેતર માહોલ બનાવશું : સમસ્યાના ઉકેલની આપી ખાતરી access_time 1:25 am IST